ਜਦ ਤੱਕ ਫਿਲਮਾਂ ਦੀ ਸ਼ੂਟਿੰਗ ਸ਼ੁਰੂ ਨਹੀਂ ਹੋ ਜਾਂਦੀ ਹੈ, ਤਦ ਤੱਕ ਸਿਤਾਰਿਆਂ ਦੇ ਕੋਲ ਨਵੀਂ ਸਕ੍ਰਿਪਟ ਪੜ੍ਹਨ ਜਾਂ ਅਗਲੀ ਸਕ੍ਰਿਪਟ ਨੂੰ ਲੈ ਕੇ ਕਿਰਦਾਰ ਦੀ ਤਿਆਰੀ ਦੇ ਲਈ ਕਾਫੀ ਸਮਾਂ ਹੈ। ਦੀਪਿਕਾ ਪਾਦੁਕੋਣ ਆਪਣੀ ਅਗਲੀ ਫਿਲਮ ਦੀ ਸਕ੍ਰਿਪਟ ਹਰ ਰੋਜ਼ ਪੜ੍ਹਦੀ ਹੈ। ਸੂਤਰਾਂ ਮੁਤਾਬਕ ਦੀਪਿਕਾ ਰੋਜ਼ ਡਾਇਰੈਕਟਰ ਸ਼ਕੁਨ ਬੱਤਰਾ ਦੇ ਨਿਰਦੇਸ਼ਨ ਵਿੱਚ ਬਣਨ ਵਾਲੀ ਅਣਟਾਈਟਲਡ ਫਿਲਮ ਦੀ ਸਕ੍ਰਿਪਟ ਦੇ ਕੁਝ ਪੰਨੇ ਪੜ੍ਹਦੀ ਹੈ। ਹਾਲਾਂਕਿ ਰਣਵੀਰ ਸਿੰਘ ਸ਼ੂਟਿੰਗ ਸ਼ੁਰੂ ਹੋਣ ਤੋਂ ਪਹਿਲਾਂ ਕਾਫੀ ਤਿਆਰੀਆਂ ਕਰਦੇ ਹਨ। ਦੀਪਿਕਾ ਜ਼ਿਆਦਾ ਤਿਆਰੀ ਨਹੀਂ ਕਰਨਾ ਚਾਹੁੰਦੀ, ਪਰ ਆਪਣੇ ਕਿਰਦਾਰ ਦੇ ਨਾਲ ਕਨੈਕਸ਼ਨ ਨਹੀਂ ਗੁਆਉਣਾ ਚਾਹੁੰਦੀ, ਕਿਉਂਕਿ ਲਾਕਡਾਊਨ ਤੋਂ ਪਹਿਲਾਂ ਇਸ ਫਿਲਮ 'ਤੇ ਕੰਮ ਚੱਲ ਰਿਹਾ ਸੀ।
ਅਨੰਨਿਆ ਪਾਂਡੇ ਨੇ ਦੱਸਿਆ ਕਿ ਫਿਲਮ ਦੀ ਵਰਕਸ਼ਾਪ ਅਤੇ ਕਈ ਮੀਟਿੰਗਾਂ ਪਹਿਲਾਂ ਹੋ ਚੁੱਕੀਆਂ ਸਨ ਤੇ ਉਨ੍ਹਾਂ ਨੂੰ ਡਾਇਰੈਕਟਰ ਸ਼ਕੁਨ ਬੱਤਰਾ ਅਤੇ ਦੀਪਿਕਾ ਨਾਲ ਕੰਮ ਕਰ ਕੇ ਕਾਫੀ ਕੁਝ ਸਿੱਖਣ ਦਾ ਮੌਕਾ ਮਿਲਣ ਵਾਲਾ ਸੀ। ਦੀਪਿਕਾ ਹਾਲਾਤ ਨਾਰਮਲ ਹੋਣ 'ਤੇ ਸ਼ੂਟਿੰਗ ਸ਼ੁਰੂ ਕਰੇਗੀ। ਇਸ ਫਿਲਮ ਦੀ ਸ਼ੂਟਿੰਗ ਸ੍ਰੀਲੰਕਾ ਤੋਂ ਸ਼ੁਰੂ ਹੋਣ ਵਾਲੀ ਸੀ। ਦੀਪਿਕਾ ਦੇ ਨਾਲ ਅਨੰਨਿਆ ਪਾਂਡੇ ਤੇ ਸਿਧਾਂਤ ਚਤੁਰਵੇਦੀ ਹਨ। ਅਨੰਨਿਆ ਨੇ ਦੱਸਿਆ ਸੀ ਕਿ ਸ਼ਕੁਨ ਰਿਸ਼ਤਿਆਂ ਨੂੰ ਖੂਬਸੂਰਤੀ ਨਾਲ ਦਿਖਾਉਂਦੇ ਆਏ ਹਨ, ਪਰ ਇਸ ਦਾ ਜਾਨਰ ਬਹੁਤ ਅਲੱਗ ਹੋਵੇਗਾ। ਫਿਲਮ ਦਾ ਇੱਕ ਹਿੱਸਾ ਰਿਲੇਸ਼ਨਸ਼ਿਪ ਵੀ ਹੋਵੇਗਾ।