ਮੈਕਸੀਕੋ, 3 ਜੁਲਾਈ (ਪੋਸਟ ਬਿਊਰੋ)- ਮੈਕਸੀਕੋ ਦੇ ਗੁਆਨਾਜੁਆਤੋ ਸੂਬੇ 'ਚ ਇੱਕ ਪੁਨਰਵਾਸ ਕੇਂਦਰ ਉੱਤੇ ਪਰਸੋਂ ਹਥਿਆਰਬੰਦ ਹਮਲਾਵਰਾਂ ਵੱਲੋਂ ਕੀਤੇ ਹਮਲੇ 'ਚ ਕਰੀਬ 24 ਲੋਕ ਮਾਰੇ ਗਏ ਅਤੇ ਸੱਤ ਜ਼ਖ਼ਮੀ ਹੋ ਗਏ।
ਸਮਾਚਾਰ ਏਜੰਸੀ ਸਿਨਹੂਆ ਨੇ ਪੁਲਸ ਅਧਿਕਾਰੀਆਂ ਦੇ ਬਿਆਨ ਦੇ ਹਵਾਲੇ ਨਾਲ ਦੱਸਿਆ ਕਿ ਹਮਲਾਵਰਾਂ ਨੇ ਕੱਲ੍ਹ੍ਹ ਇਰਾਪੁਆਟੋ ਸ਼ਹਿਰ ਦੇ ਕੋਲ ਅਰਾਨਦਸ ਦੇ ਸੰਗਠਨ ਵਾਲੇ ਯੁਵਾ ਨਸ਼ਾ ਮੁਕਤੀ ਕੇਂਦਰ ਨੂੰ ਨਿਸ਼ਾਨਾ ਬਣਾ ਕੇ ਹਮਲਾ ਕੀਤਾ ਸੀ, ਜਿਸ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਗੁਆਨਾਜੂਆਤੋ ਦੇ ਗਵਰਨਰ ਡਿਏਗੋ ਸਿੰਨਹੂਏ ਅਨੁਸਾਰ ਇਸ ਹਮਲੇ 'ਚ ਨਸ਼ੀਲੀਆਂ ਦਵਾਈਆਂ ਦੇੇ ਗਿਰੋਹ ਗੈਂਗ ਹਨ। ਇਸ ਦੀ ਸੂਚਨਾ ਮਿਲਣ ਉਤੇ ਮੈਕਸੀਕੋ ਪੁਲਸ ਅਤੇ ਏਲੀਟ ਕਮਾਂਡੋ ਫੋਰਸ ਦੀ ਟੀਮ ਮੌਕੇ 'ਤੇ ਪੁੱਜੀ, ਪਰ ਹਮਲਾਵਰਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਇਰਾਪਆਟੋ ਸ਼ਹਿਰ 'ਚ ਇੱਕ ਮਹੀਨੇ 'ਚ ਗੋਲੀਬਾਰੀ ਦੀ ਇਹ ਦੂਜੀ ਘਟਨਾ ਹੈ। ਇਸ ਤੋਂ ਪਹਿਲਾਂ ਛੇ ਜੂਨ ਨੂੰ ਪੁਨਰਵਾਸ ਕੇਂਦਰ 'ਚ ਬੰਦੂਕਧਾਰੀਆਂ ਨੇ ਗੋਲੀਆਂ ਚਲਾ ਕੇ 10 ਲੋਕਾਂ ਦਾ ਹੱਤਿਆ ਕਰ ਦਿੱਤੀ ਸੀ।