ਨਵੀਂ ਦਿੱਲੀ, 3 ਜੁਲਾਈ (ਪੋਸਟ ਬਿਊਰੋ)- ਕੋੋਰੋਨਾ ਦੇ ਰੌਲੇ ਦੌਰਾਨ ਮਾਲਗੱਡੀ ਲੋਕਾਂ ਲਈ ਅੰਨਪੂਰਨਾ ਬਣੀ ਹੋਈ ਹੈ ਅਤੇ ਨਵਾਂ ਰਿਕਾਰਡ ਬਣਾਉਂਦੀ ਜਾ ਰਹੀ ਹੈ।
ਪਰਸੋਂ ਇੱਕ 177 ਵੈਗਨ ਵਾਲੀ ਸੁਪਰ ਐਨਾਕੌਡਾ ਮਾਲਗੱਡੀ ਨੇ ਰਫ਼ਤਾਰ ਦਾ ਨਵਾਂ ਰਿਕਾਰਡ ਬਣਾਇਆ ਤਾਂ ਕੱਲ੍ਹ ਸ਼ੇਸ਼ਨਾਗ ਮਾਲ ਗੱਡੀ ਨੇ ਨਵਾਂ ਰਿਕਾਰਡ ਬਣਾ ਦਿੱਤਾ ਹੈ। ਐਨਾਕੌਂਡਾ ਲੰਬੀ ਮਾਲਗੱਡੀ ਚਾਰ ਇੰਜਨਾਂ ਦੇ ਨਾਲ ਰੇਲ ਪਟੜੀ 'ਤੇ ਦੌੜਨ ਵਾਲੀ ਹਾਲੇ ਤੱਕ ਦੀ ਸਭ ਤੋਂ ਲੰਬੀ ਮਾਲਗੱਡੀ ਹੈ। ਇਸ ਵਿੱਚ 251 ਵੈਗਨ ਹਨ ਅਤੇ ਇਥੇ ਨਾਗਪੁਰ ਸਟੇਸ਼ਨ ਤੋਂ ਸਿਕੰਦਰਾਬਾਦ ਵਿਚਾਲੇ ਚੱਲ ਰਹੀ ਹੈ। ਏਨੀਆਂ ਲੰਮੀਆਂ ਮਾਲਗੱਡੀਆਂ ਚਲਾਉਣਾ ਰੇਲਵੇ ਲਈ ਖਾਸ ਅਨੁਭਵ ਰਿਹਾ, ਜਦੋਂ ਚਾਰ ਮਾਲਗੱਡੀਆਂ ਨੂੰ ਇਕੱਠਾ ਜੋੜ ਕੇ ਸ਼ੇਸ਼ਨਾਗ ਨੂੰ ਚਲਾਇਆ ਗਿਆ। 6000 ਹਾਰਸ ਪਾਵਰ ਦੇ ਚਾਰ ਇੰਜਨਾਂ ਨੂੰ ਇੱਕੋ ਗੱਡੀ ਲਈ ਇਸਤੇਮਾਲ ਕੀਤਾ ਗਿਆ, ਯਾਨੀ ਇਹ 24 ਹਜ਼ਾਰ ਤਾਕਤ ਨਾਲ ਚਲੀ। ਮਾਲਗੱਡੀ ਨੂੰ ਲੋਡ ਕਰਨ ਤੋਂ ਪਹਿਲਾਂ ਇਸ ਵੈਗਨ ਨੂੰ ਟ੍ਰਾਇਲ ਦੇ ਲਈ ਖਾਲੀ ਪੱਟੜੀ 'ਤੇ ਦੌੜਾਇਆ ਗਿਆ ਸੀ।