ਬਰੈਂਪਟਨ, 3 ਜੁਲਾਈ (ਪੋਸਟ ਬਿਊਰੋ) : ਪੀਲ ਰੀਜਨਲ ਪੁਲਿਸ ਵੱਲੋਂ ਕੈਨੇਡਾ ਡੇਅ ਉੱਤੇ ਬਰੈਂਪਟਨ, ਓਨਟਾਰੀਓ ਦੇ ਇੱਕ ਘਰ ਵਿੱਚੋਂ ਗੰਨਜ਼, ਬੁਲੇਟ ਪਰੂਫ ਜੈਕੇਟਸ, 1000 ਰੌਂਦ, ਹੋਰ ਗੋਲੀ ਸਿੱਕਾ ਤੇ ਨਸ਼ੀਲੇ ਪਦਾਰਥ ਬਰਾਮਦ ਕੀਤੇ ਗਏ ਹਨ। ਇੱਕ ਵਿਅਕਤੀ ੳੱੁਤੇ ਇਸ ਸਬੰਧ ਵਿੱਚ 17 ਚਾਰਜਿਜ਼ ਲਾਏ ਗਏ ਹਨ।
ਪੁਲਿਸ ਨੇ ਦੱਸਿਆ ਕਿ ਹਥਿਆਰਾਂ ਵਿੱਚ 9ਐਮਐਮ ਦੀ ਕਾਰਬਾਈਨ ਰਾਈਫਲ ਤੇ ਇੱਕ ਸ਼ੌਟਗੰਨ ਵੀ ਸ਼ਾਮਲ ਹਨ। ਨਸ਼ੀਲੇ ਪਦਾਰਥਾਂ ਵਿੱਚ ਫੈਂਟਾਨਿਲ, ਮੈਥ, ਕੋਕੀਨ, ਕ੍ਰੈਕ ਤੇ ਹੋਰ ਨਸ਼ੇ ਸ਼ਾਮਲ ਹਨ। ਪੁਲਿਸ ਨੇ ਦੱਸਿਆ ਕਿ ਇਸ ਸਬੰਧ ਵਿੱਚ ਜਾਂਚ ਪਿਛਲੇ ਮਹੀਨੇ ਸੁ਼ਰੂ ਹੋਈ ਸੀ। ਇਲਾਕੇ ਵਿੱਚ ਮਸ਼ਕੂਕ ਵੱਲੋਂ ਨਸਿ਼ਆਂ ਦੀ ਸਪਲਾਈ ਕੀਤੇ ਜਾਣ ਦਾ ਸ਼ੱਕ ਸੀ।
41 ਸਾਲਾ ਜੇਸਨ ਬੱੂਢੂ ੳੱੁਤੇ ਸਮਗਲਿੰਗ ਦੇ ਇਰਾਦੇ ਨਾਲ ਨਸ਼ੇ, ਗੈਰ ਅਧਿਕਾਰਤ ਤੌਰ ਉੱਤੇ ਹਥਿਆਰ, ਪਾਬੰਦੀਸ਼ੁਦਾ ਹਥਿਆਰ ਕੋਲ ਰੱਖਣ ਤੇ ਹੋਰ ਚਾਰਜਿਜ਼ ਵੀ ਲਾਏ ਗਏ ਹਨ। ਉਸ ਨੂੰ ਬਰੈਂਪਟਨ ਵਿੱਚ ਓਨਟਾਰੀਓ ਕੋਰਟ ਆਫ ਜਸਟਿਸ ਵਿੱਚ ਪੇਸ਼ ਕੀਤਾ ਗਿਆ।