ਇਰਫਾਨ ਖਾਨ ਸਟਾਰਰ ‘ਅੰਗਰੇਜ਼ੀ ਮੀਡੀਅਮ’ ਵਿੱਚ ਨਜ਼ਰ ਆਈ ਰਾਧਿਕਾ ਮਦਾਨ ਫਿਲਮਾਂ ਵਿੱਚ ਐਂਟਰੀ ਲੈਣ ਤੋਂ ਪਹਿਲਾਂ ਟੀ ਵੀ ਸ਼ੋਅ ‘ਮੇਰੀ ਆਸ਼ਿਕੀ ਤੁਮਸੇ ਹੀ’ ਦਾ ਹਿੱਸਾ ਰਹੀ ਹੈ। ਸੁਸ਼ਾਂਤ ਦੀ ਮੌਤ ਮਗਰੋਂ ਰਾਧਿਕਾ ਨੇ ਦੱਸਿਆ ਕਿ ਉਹ ਫਿਲਮਾਂ ਵਿੱਚ ਆਉਣ ਤੋਂ ਪਹਿਲਾਂ ਹਰ ਕਿਸੇ ਨੂੰ ਸੁਸ਼ਾਂਤ ਦੀ ਹੀ ਮਿਸਾਲ ਦਿੰਦੀ ਸੀ।
ਇੱਕ ਇੰਟਰਵਿਊ ਵਿੱਚ ਜਦ ਰਾਧਿਕਾ ਤੋਂ ਉਨ੍ਹਾਂ ਦੇ ਟੀ ਵੀ ਤੋਂ ਬਾਲੀਵੁੱਡ ਦੇ ਸਫਰ ਦੇ ਬਾਰੇ ਪੁੱਛਿਆ ਗਿਆ ਤਾਂ ਅਭਿਨੇਤਰੀ ਨੇ ਕਿਹਾ, ‘‘ਸੁਸ਼ਾਂਤ ਨੇ ਮੈਨੂੰ ਇੰਸਪਾਇਰ ਕੀਤਾ ਹੈ। ਮੈਂ ਟੀ ਵੀ ਤੋਂ ਬਾਲੀਵੁੱਡ ਤੱਕ ਦਾ ਸਫਰ ਤੈਅ ਕੀਤਾ ਕਿਉਂਕਿ ਉਨ੍ਹਾਂ ਨੇ ਇਸ ਨੂੰ ਪਾਸੀਬਲ ਹੁੰਦਾ ਦਿਖਾਇਆ। ਜਦ ਵੀ ਲੋਕ ਮੈਨੂੰ ਕਹਿੰਦੇ ਕਿ ਟੀ ਵੀ ਨਾਲ ਜੁੜੇ ਰਹੋ ਕਿਉਂਕਿ ਟੀ ਵੀ ਐਕਟਰ ਨੂੰ ਕੋਈ ਨਹੀਂ ਲੈਂਦਾ ਤਾਂ ਮੈਂ ਸੁਸ਼ਾਂਤ ਦੀ ਮਿਸਾਲ ਦਿੰਦੀ ਸੀ। ਮੈਂ ਉਨ੍ਹਾਂ ਨੂੰ ਉਨ੍ਹਾਂ ਦੇ ਕੰਮ ਦੇ ਲਈ ਯਾਦ ਰੱਖਾਂਗੀ।”