ਵਿੰਡਸਰ, 2 ਜੁਲਾਈ (ਪੋਸਟ ਬਿਊਰੋ) : ਵਿੰਡਸਰ-ਐਸੈਕਸ ਰੀਜਨ ਦੇ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇੱਕ ਫਾਰਮ ਉੱਤੇ ਕੋਵਿਡ-19 ਆਊਟਬ੍ਰੇਕ ਹੋਣ ਕਾਰਨ ਉਨ੍ਹਾਂ ਵੱਲੋਂ ਉੱਥੇ ਕੰਮ ਬੰਦ ਕਰਵਾ ਦਿੱਤਾ ਗਿਆ ਹੈ।
ਲੋਕਲ ਪਬਲਿਕ ਹੈਲਥ ਯੂਨਿਟ ਦਾ ਕਹਿਣਾ ਹੈ ਕਿ ਵੀਕੈਂਡ ੳੱੁਤੇ ਇੱਕ ਫਾਰਮ ਤੋਂ ਹੀ ਵਾਇਰਸ ਦੇ 191 ਕੇਸ ਮਿਲੇ। ਚੀਫ ਮੈਡੀਕਲ ਆਫੀਸਰ ਡਾ. ਵਾਜਿਦ ਅਹਿਮਦ ਨੇ ਫੌਰੀ ਤੌਰ ਉੱਤੇ ਕਦਮ ਚੁਕਦਿਆਂ ਫਾਰਮ ਉੱਤੇ ਕੰਮ ਬੰਦ ਕਰਨ ਦੇ ਹੁਕਮ ਦਿੱਤੇ ਤਾਂ ਕਿ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਕਰਮਚਾਰੀਆਂ ਨੂੰ ਆਈਸੋਲੇਟ ਕੀਤਾ ਜਾਵੇ ਤੇ ਹਰ ਤਰ੍ਹਾਂ ਦਾ ਕੰਮ ਬੰਦ ਕਰ ਦਿੱਤਾ ਜਾਵੇ।
ਅਹਿਮਦ ਨੇ ਦੱਸਿਆ ਕਿ ਇਸ ਇਲਾਕੇ ਦੇ ਫਾਰਮਜ਼ ਵਿੱਚ ਵੱਧ ਤੋਂ ਵੱਧ ਟੈਸਟ ਕਰਨ ਦੀ ਪ੍ਰਕਿਰਿਆ ਵੀ ਸ਼ੁਰੂ ਕਰ ਦਿੱਤੀ ਗਈ ਹੈ। ਵਿੰਡਸਰ-ਐਸੈਕਸ ਰੀਜਨ ਵਿੱਚ ਕੱਲ੍ਹ ਵੀ ਕੋਵਿਡ-19 ਦੇ ਨੌਂ ਨਵੇਂ ਮਾਮਲੇ ਸਾਹਮਣੇ ਆਏ। ਇਨ੍ਹਾਂ ਵਿੱਚੋਂ ਸੱਤ ਐਗਰੀ-ਫਾਰਮ ਸੈਕਟਰ ਨਾਲ ਜੁੜੇ ਹੋਏ ਸਨ।