ਅਮਿਤਾਭ ਬੱਚਨ ਅਤੇ ਤਾਪਸੀ ਪੰਨੂ ਸਟਾਰਰ ਫਿਲਮ ‘ਪਿੰਕ’ ਦੇ ਤੇਲਗੂ ਰੀਮੇਕ 'ਤੇ ਕੰਮ ਚੱਲ ਰਿਹਾ ਹੈ, ਜਿਸ ਵਿੱਚ ਪਵਨ ਕਲਿਆਣ ਲੀਡ ਰੋਲ ਵਿੱਚ ਅਮਿਤਾਭ ਬੱਚਨ ਦਾ ਰੋਲ ਕਰਨ ਵਾਲਾ ਹੈ। ਫਿਲਮ ਦਾ ਨਾਂਅ ‘ਵਕੀਲ ਸਾਹਿਬ’ ਰੱਖਿਆ ਗਿਆ ਹੈ। ਸੂਤਰਾਂ ਮੁਤਾਬਕ ਫਿਲਮ ਲਈ ਸ਼ਰੂਤੀ ਹਾਸਨ ਨੂੰ ਬਤੌਰ ਲੀਡ ਹੀਰੋਇਨ ਸਾਈਨ ਕੀਤਾ ਜਾ ਰਿਹਾ ਹੈ ਤੇ ਇਸ ਦੇ ਬਦਲੇ ਉਹ ਇੱਕ ਬਹੁਤ ਵੱਡੀ ਰਕਮ ਚਾਰਜ ਕਰਨ ਵਾਲੀ ਹੈ। ਫਿਲਮ ਲਈ ਉਸ ਨੇ ਸੱਤਰ ਲੱਖ ਰੁਪਏ ਦੀ ਮੰਗ ਰੱਖੀ ਹੈ। ਖਾਸ ਗੱਲ ਹੈ ਕਿ ਉਸ ਨੂੰ ਇਸ ਦੌਰਾਨ 10 ਘੰਟੇ ਸ਼ੂਟਿੰਗ ਕਰਨੀ ਹੈ। ਹਾਲੇ ਇਸ ਬਾਰੇ ਵਿੱਚ ਅਧਿਕਾਰਕ ਜਾਣਕਾਰੀ ਨਹੀਂ ਮਿਲ ਸਕੀ। ਇਸ ਲਈ ਸ਼ਰੁਤੀ ਹਾਸਨ ਇਸ ਫਿਲਮ ਦਾ ਹਿੱਸਾ ਹੋਵੇਗਾ ਜਾਂ ਨਹੀਂ, ਪਤਾ ਨਹੀਂ।
ਪਤਾ ਲੱਗਾ ਹੈ ਕਿ ਸ਼ਰੁਤੀ ਤੋਂ ਪਹਿਲਾਂ ਨਿਰਮਾਤਾਵਾਂ ਨੇ ਇਸ ਕਿਰਦਾਰ ਲਈ ਲਾਵਣਯਾ ਤ੍ਰਿਪਾਠੀ, ਇਲਿਆਨਾ ਡਿਕਰੂਜ਼ ਅਤੇ ਪੂਜਾ ਹੇਗੜੇ ਆਦਿ ਅਭਿਨੇਤਰੀਆਂ ਨਾਲ ਸੰਪਰਕ ਕੀਤਾ ਸੀ। ਬਾਅਦ ਵਿੱਚ ਨਿਰਮਾਤਾਵਾਂ ਨੇ ਖੁਦ ਫਿਲਮ ਲਈ ਸ਼ਰੁਤੀ ਨਾਲ ਗੱਲ ਕੀਤੀ ਹੈ। ਫਿਲਮ ਵਿੱਚ ਉਹ ਪਵਨ ਕਲਿਆਣ ਦੀ ਪਤਨੀ ਦਾ ਕਿਰਦਾਰ ਨਿਭਾਉਣ ਵਾਲੀ ਸੀ। ਹਿੰਦੀ ਭਾਸ਼ਾ ਵਿੱਚ ਬਣੀ ਇਸ ਫਿਲਮ ਵਿੱਚ ਇਹ ਕਿਰਦਾਰ ਵਿਦਿਆ ਬਾਲਨ ਨੇ ਨਿਭਾਇਆ ਸੀ। ਇਸ ਦੀ ਸ਼ੂਟਿੰਗ ਨਿਰਮਾਤਾ ਜੁਲਾਈ ਵਿੱਚ ਕਰਨ ਵਾਲੇ ਹਨ। ਇਸ ਲਈ ਨਿਰਮਾਤਾ ਇਨ੍ਹੀਂ ਦਿਨੀਂ ਤਿਆਰੀ ਵਿੱਚ ਜੁਟ ਗਏ ਹਨ। ਸ਼ਰੁਤੀ ਨੇ ਸਾਲ 2000 ਵਿੱਚ ਫਿਲਮ ‘ਲਕ’ ਨਾਲ ਬਾਲੀਵੁੱਡ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਤੇ ਫਿਰ ਉਸ ਨੇ ‘ਦਿਲ ਤੋ ਬੱਚਾ ਹੈ ਜੀ’, ‘ਰਮੱਈਆ ਵਸਤਾਵਈਆ’ ਅਤੇ ‘ਬਹਿਨ ਹੋਗੀ ਤੇਰੀ’ ਆਦਿ ਫਿਲਮਾਂ ਵਿੱਚ ਕੰਮ ਕੀਤਾ ਸੀ। ਸਾਊਥ ਫਿਲਮਾਂ ਵਿੱਚ ਉਸ ਨੇ ‘ਗੱਬਰ ਸਿੰਘ’, ‘ਯਦੂ’ ਅਤੇ ‘ਪੁਲੀ’ ਆਦਿ ਹਿੱਟ ਫਿਲਮਾਂ ਵਿੱਚ ਕੰਮ ਕੀਤਾ। ਉਸ ਦੀਆਂ ਅਗਲੀਆਂ ਫਿਲਮਾਂ ਵਿੱਚ ਤੇਲਗੂ ਫਿਲਮ ‘ਕ੍ਰੈਕ’ ਅਤੇ ਤਮਿਲ ਫਿਲਮ ‘ਲਾਬਾਸ’ ਵੀ ਸ਼ਾਮਲ ਹੈ ਜਿਸ ਵਿੱਚ ਉਹ ਨਜ਼ਰ ਆਏਗੀ।