ਓਟਵਾ, 30 ਜੂਨ (ਪੋਸਟ ਬਿਊਰੋ) : ਪਹਿਲੀ ਜੁਲਾਈ ਤੋਂ ਨੌਰਥ ਅਮੈਰੀਕਨ ਫਰੀ ਟਰੇਡ ਅਗਰੀਮੈਂਟ ਲਾਗੂ ਹੋਣ ਜਾ ਰਿਹਾ ਹੈ। ਕੈਨੇਡਾ, ਅਮਰੀਕਾ ਤੇ ਮੈਕਸਿਕੋ ਦਰਮਿਆਨ ਤਿਕੋਣੇ ਟਰੇਡ ਸਮਝੌਤੇ ਨੂੰ ਮੁੜ ਸਿਰੇ ਚੜ੍ਹਾਉਣ ਲਈ ਗੱਲਬਾਤ ਵਾਸਤੇ ਹੀ ਤਿੰਨ ਸਾਲ ਦਾ ਸਮਾਂ ਲਗਿਆ।

ਨਵੇਂ ਸਮਝੌਤੇ ੳੱੁਤੇ ਨਵੰਬਰ 2018 ਵਿੱਚ ਦਸਤਖਤ ਕੀਤੇ ਗਏ। ਕੈਨੇਡੀਅਨ ਅਧਿਕਾਰੀਆਂ ਵੱਲੋਂ ਇਸ ਨੂੰ ਕੈਨੇਡਾ-ਯੂਨਾਈਟਿਡ ਸਟੇਟਸ-ਮੈਕਸਿਕੋ ਫਰੀ ਟਰੇਡ ਅਗਰੀਮੈਂਟ ਜਾਂ ਸੀਯੂਐਸਐਮਏ ਦਾ ਨਾਂ ਦਿੱਤਾ ਗਿਆ ਜਦਕਿ ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਵੱਲੋਂ ਇਸ ਨੂੰ ਯੂਨਾਈਟਿਡ ਸਟੇਟਸ-ਮੈਕਸਿਕੋ-ਕੈਨੇਡਾ ਅਗਰੀਮੈਂਟ ਜਾਂ ਯੂਐਸਐਮਸੀਏ ਦੱਸਿਆ ਗਿਆ।

ਇਸ ਦੇ ਬਾਵਜੂਦ ਇਹ ਡੀਲ 2019 ਦੇ ਅੰਤ ਤੱਕ ਅਮਰੀਕੀ ਡੈਮੋਕ੍ਰੈਟਸ ਦੀ ਕੁੱਝ ਹੱਦ ਤੱਕ ਤਸੱਲੀ ਕਰਵਾਉਣ ਲਈ ਮੁੜ ਕੀਤੀ ਗਈ ਥੋੜ੍ਹੀ ਸੋਧ ਤੋਂ ਬਾਅਦ, ਤਿੰਨਾਂ ਦੇਸ਼ਾਂ ਦੀਆਂ ਵਧਾਨਕ ਸੰਸਥਾਵਾਂ ਵੱਲੋਂ ਪੁਸ਼ਟੀ ਕੀਤੇ ਜਾਣ ਤੋਂ ਬਾਅਦ ਸਿਰੇ ਚੜ੍ਹਿਆ।

ਕੱਲ੍ਹ ਪ੍ਰਧਾਨ ਮੰਤਰੀ ਜਸਟਨ ਟਰੂਡੋ ਨੇ ਆਖਿਆ ਕਿ 2018 ਵਿੱਚ ਨਾਫਟਾ ਮੈਂਬਰਾਂ ਦਰਮਿਆਨ 1.5 ਟ੍ਰਿਲੀਅਨ ਡਾਲਰ ਦਾ ਕਾਰੋਬਾਰ ਹੋਇਆ ਤੇ ਇਸ ਲਈ ਸਾਡੇ ਤਿੰਨਾਂ ਦੇਸ਼ਾਂ ਵਿੱਚ ਮੁਕਤ ਤੇ ਜਾਇਜ਼ ਟਰੇਡ ਨੂੰ ਬਰਕਰਾਰ ਰੱਖਿਆ ਜਾਣਾ ਲਾਜ਼ਮੀ ਹੈ।