ਇੱਕ ਵਿਦਿਆਰਥੀ ਮੰਦਰ ਗਿਆ ਅਤੇ ਭਗਵਾਨ ਦੀ ਮੂਰਤੀ ਅੱਗੇ ਹੱਥ ਜੋੜ ਕੇ ਬੋਲਿਆ, ‘‘ਪੈਟਰੋਲ ਦੀ ਕੀਮਤ 70 ਤੱਕ ਪਹੁੰਚਾਈ, ਟਮਾਚਰ ਦੀ 60 ਰੁਪਏ ਤੇ ਦੁੱਧ ਦੀ ਕੀਮਤ 50 ਤੱਕ, ਫਿਰ ਵੀ ਤੇਰਾ ਲੱਖ-ਲੱਖ ਸ਼ੁਕਰ ਹੈ ਰੱਬਾ।”
ਮੰਦਰ ਵਿੱਚ ਕੋਲ ਖੜ੍ਹੇ ਪੁਜਾਰੀ ਨੇ ਸੁਣਿਆ ਤਾਂ ਪੁੱਛਿਆ, ‘‘ਕਿਉਂ ਭਲਾ?”
ਵਿਦਿਆਰਥੀ, ‘‘ਕਿਉਂਕਿ ਪਾਸਿੰਗ ਮਾਰਕਸ ਅੱਜ ਵੀ 35 ਫੀਸਦੀ ਹੀ ਹਨ, ਉਹ ਨਹੀਂ ਵਧਾ ਦਿੱਤੇ।”
*********
ਕਮਲ ਨਵਾਂ ਨਵਾਂ ਨੌਕਰੀ 'ਤੇ ਲੱਗਾ। ਉਸ ਦੀ ਮਾਂ ਨੇ ਇੱਕ ਦਿਨ ਪੁੱਛਿਆ, ‘‘ਬੇਟਾ, ਦਫਤਰ ਵਿੱਚ ਤੇਰਾ ਕੰਮਕਾਜ ਕਿਹੋ ਜਿਹਾ ਚੱਲ ਰਿਹਾ ਹੈ?”
ਕਮਲ, ‘‘ਮਾਂ, ਮੇਰੇ ਹੇਠਾਂ 10 ਆਦਮੀ ਕੰਮ ਕਰਦੇ ਹਨ।”
ਮਾਂ, ‘‘ਵਾਹ! ਕੀ ਤੂੰ ਅਫਸਰ ਬਣ ਗਿਆਂ?”
ਕਮਲ, ‘‘ਮਾਂ, ਮੈਂ ਉਪਰ ਵਾਲੀ ਮੰਜ਼ਿਲ 'ਤੇ ਕੰਮ ਕਰਦਾ ਹਾਂ।”
*********
ਇੱਕ ਕੁੜੀ ਨੇ ਬੁਆਏ ਫਰੈਂਡ ਨੂੰ ਫੋਨ ਕੀਤਾ ਤਾਂ ਫੋਨ ਬੁਆਏ ਫਰੈਂਡ ਦੇ ਭਤੀਜੇ ਨੇ ਚੁੱਕ ਲਿਆ।
ਕੁੜੀ ਬੜੇ ਪਿਆਰ ਨਾਲ ਬੋਲੀ, ‘‘ਜ਼ਰਾ ਆਪਣੇ ਅੰਕਲ ਨੂੰ ਫੋਨ ਦੇਣਾ।”
ਬੰਟੀ ਪੁੱਛਣ ਲੱਗਾ, ‘‘ਮੈਂ ਉਨ੍ਹਾਂ ਨੂੰ ਤੁਹਾਡਾ ਕੀ ਨਾਂ ਦੱਸਾਂ?”
ਕੁੜੀ ਨੇ ਨਖਰੇ ਵਾਲੇ ਅੰਦਾਜ਼ 'ਚ ਕਿਹਾ, ‘‘ਉਨ੍ਹਾਂ ਨੂੰ ਕਹਿ ਕਿ ਉਨ੍ਹਾਂ ਦੀ ਜਾਨੇਮਨ ਦਾ ਫੋਨ ਹੈ।”
ਬੰਟੀ ਬੋਲਿਆ, ‘‘...ਪਰ ਫੋਨ 'ਚ ਤਾਂ ਤੁਹਾਡੇ ਨੰਬਰ ਦੇ ਅੱਗੇ ‘ਆਈਟਮ ਨੰਬਰ-3' ਲਿਖਿਆ ਹੈ।”