ਕੈਰਲਟਨ, ਟੈਕਸਸ, 26 ਜੂਨ (ਪੋਸਟ ਬਿਊਰੋ) : ਇੱਕ ਸਰਪ੍ਰਾਈਜ਼ ਬਰਥਡੇ ਪਾਰਟੀ ਵਿੱਚ ਹਿੱਸਾ ਲੈਣ ਵਾਲੇ 18 ਲੋਕ ਕੋਵਿਡ-19 ਪਾਜ਼ੀਟਿਵ ਪਾਏ ਗਏ ਹਨ। ਇਸ ਨਾਲ ਨੌਰਥ ਟੈਕਸਸ ਦਾ ਵਿਅਕਤੀ ਪੂਰੀ ਤਰ੍ਹਾਂ ਦਹਿਲ ਚੁੱਕਿਆ ਹੈ ਕਿਉਂਕਿ ਉਸ ਦੇ ਪਿਤਾ ਹਸਪਤਾਲ ਵਿੱਚ ਜਿ਼ੰਦਗੀ ਤੇ ਮੌਤ ਦੀ ਲੜਾਈ ਲੜ ਰਹੇ ਹਨ।
ਕੋਵਿਡ-19 ਮਹਾਂਮਾਰੀ ਸਦਕਾ ਸੁਰੱਖਿਆ ਕਾਰਨਾਂ ਦੇ ਚੱਲਦਿਆਂ 30 ਮਈ ਨੂੰ ਆਪਣੀ ਨੂੰਹ ਦੀ ਜਨਮਦਿਨ ਪਾਰਟੀ ਵਿੱਚ ਹਿੱਸਾ ਲੈਣ ਤੋਂ ਇਨਕਾਰ ਕਰਨ ਵਾਲੇ ਰੌਨ ਬਾਰਬੋਸਾ ਨੇ ਦੱਸਿਆ ਕਿ ਹਸਪਤਾਲ ਵਿੱਚ ਦਾਖਲ ਲੋਕਾਂ ਵਿੱਚ ਉਸ ਦੇ ਮਾਪੇ (ਜੋ ਕਿ ਆਪਣੇ 80ਵਿਆਂ ਵਿੱਚ ਹਨ) ਅਤੇ ਉਸ ਦੀ ਭੈਣ, ਜੋ ਕਿ ਬ੍ਰੈਸਟ ਕੈਂਸਰ ਨਾਲ ਲੜ ਰਹੀ ਹੈ, ਵੀ ਸ਼ਾਮਲ ਹਨ।
ਬਾਰਬੋਸਾ ਨੇ ਦੱਸਿਆ ਕਿ ਉਸ ਦੇ ਭਤੀਜੇ, ਜਿਸ ਨੂੰ ਇਹ ਨਹੀਂ ਸੀ ਪਤਾ ਕਿ ਉਸ ਨੂੰ ਵਾਇਰਸ ਹੈ, ਨੇ 25 ਲੋਕਾਂ ਦਾ ਇੱਕਠ ਕਰ ਲਿਆ। ਇਸ ਪਾਰਟੀ ਵਿੱਚ ਸ਼ਾਮਲ ਹੋਏ ਸੱਤ ਰਿਸ਼ਤੇਦਾਰਾਂ ਵਿੱਚ ਵੀ ਵਾਇਰਸ ਫੈਲ ਗਿਆ ਤੇ ਉਨ੍ਹਾਂ ਤੋਂ ਦੋ ਨਿੱਕੇ ਬੱਚਿਆਂ ਸਮੇਤ ਦਸ ਹੋਰਨਾਂ ਪਰਿਵਾਰਕ ਮੈਂਬਰਾਂ ਵਿੱਚ ਇਹ ਵਾਇਰਸ ਚਲਿਆ ਗਿਆ।