ਟੋਰਾਂਟੋ, 25 ਜੂਨ (ਪੋਸਟ ਬਿਊਰੋ) : ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਵੱਲੋਂ ਅੱਜ ਦੁਪਹਿਰ ਕੁਈਨਜ਼ ਪਾਰਕ ਵਿੱਚ ਇੱਕ ਐਲਾਨ ਕੀਤਾ ਜਾਵੇਗਾ। ਇਸ ਵੇਲੇ ਉਨ੍ਹਾਂ ਦੇ ਨਾਲ ਡਿਪਟੀ ਪ੍ਰੀਮੀਅਰ ਤੇ ਸਿਹਤ ਮੰਤਰੀ ਕ੍ਰਿਸਟੀਨ ਐਲੀਅਟ ਤੇ ਬਚਿਆਂ ਤੇ ਔਰਤਾਂ ਦੇ ਮਾਮਲਿਆਂ ਬਾਰੇ ਮੰਤਰੀ ਜਿਲ ਡਨਲੱਪ ਵੀ ਮੌਜੂਦ ਰਹਿਣਗੇ।
ਇਹ ਐਲਾਨ ਸਰਕਾਰ ਵੱਲੋਂ ਵਿੰਡਸਰ-ਐਸੈਕਸ ਨੂੰ ਦੂਜੇ ਪੜਾਅ ਵਿੱਚ ਦਾਖਲ ਹੋਣ ਲਈ ਦਿੱਤੀ ਗਈ ਹਰੀ ਝੰਡੀ ਤੋਂ ਬਾਅਦ ਆਵੇਗਾ। ਐਗਰੀ ਫਾਰਮ ਸੈਕਟਰ ਵਿੱਚ ਕੋਵਿਡ-19 ਆਊਟਬ੍ਰੇਕਸ ਕਾਰਨ ਓਨਟਾਰੀਓ ਸਰਕਾਰ ਦੀ ਰੀਸਟਾਰਟ ਯੋਜਨਾ ਦੇ ਦੂਜੇ ਪੜਾਅ ਵਿੱਚ ਦਾਖਲ ਹੋਣ ਵਾਲਾ ਵਿੰਡਸਰ-ਐਸੈਕਸ ਆਖਰੀ ਰੀਜਨ ਰਿਹਾ।
ਹਾਲਾਂਕਿ ਇਸ ਰੀਜਨ ਦੇ ਦੋ ਟਾਊਨਜ਼ ਪਹਿਲੇ ਪੜਾਅ ਵਿੱਚ ਹੀ ਰਹਿਣਗੇ ਕਿਉਂਕਿ ਛੇ ਐਗਰੀ-ਫਾਰਮ ਵਰਕਪਲੇਸਿਜ਼ ਉੱਤੇ ਮਹਾਂਮਾਰੀ ਕਾਰਨ ਆਊਟਬ੍ਰੇਕ ਹੋਇਆ ਹੈ। ਇਨ੍ਹਾਂ ਫਾਰਮਾਂ ਵਿੱਚੋਂ ਚਾਰ ਲੈਮਿੰਗਟਨ ਤੇ ਦੋ ਕਿੰਗਜ਼ਵਿਲੇ ਵਿੱਚ ਹਨ। ਇਸ ਦੌਰਾਨ ਸਰਕਾਰ ਨੇ ਆਖਿਆ ਕਿ ਉਹ ਦੋਵਾਂ ਮਿਊਂਸਪੈਲਿਟੀਜ਼ ਵਿੱਚ ਸਥਿਤ ਫਾਰਮਜ਼ ਵਿੱਚ ਮੋਬਾਈਲ ਟੈਸਟਿੰਗ ਯੂਨਿਟ ਭੇਜ ਰਹੀਆਂ ਹਨ।