* ਟੇਸਲਾ, ਬੀ ਐੱਮ ਡਬਲਯੂ ਅਤੇ ਟੋਇਟਾ ਵਿੱਚ ਵਰਤੀ ਜਾਵੇਗੀ
ਬੀਜਿੰਗ, 9 ਜੂਨ (ਪੋਸਟ ਬਿਊਰੋ)- ਟੇਸਲਾ ਅਤੇ ਫਾਕਸਵੈਗਨ ਵਰਗੀਆਂ ਕੰਪਨੀਆਂ ਲਈ ਵੱਡੇ ਪੱਧਰ 'ਤੇ ਇਲੈਕਟਿ੍ਰਕ ਕਾਰ ਬੈਟਰੀ ਬਣਾਉਣ ਵਾਲੀ ਕੰਪਨੀ ਐਮਪੇਰੇਕਸ ਟੈਕਨਾਲੋਜੀ ਦਾ ਦਾਅਵਾ ਹੈ ਕਿ ਉਸ ਨੇ ਅਜਿਹੀ ਬੈਟਰੀ ਬਣਾਈ ਹੈ, ਜਿਸ ਦੀ ਲਾਈਫ 16 ਸਾਲ ਅਤੇ ਵੀਹ ਲੱਖ ਕਿਲੋਮੀਟਰ ਹੈ।
ਕੰਪਨੀ ਦੇ ਚੇਅਰਮੈਨ ਝੇਂਗ ਯੁਕਵੁਨ ਨੇ ਇੱਕ ਇੰਟਰਵਿਊ ਵਿੱਚ ਇਹ ਦਾਅਵਾ ਕੀਤਾ ਹੈ। ਇਹ ਕੰਪਨੀ ਅਜੇ ਤੱਕ 2.4 ਲੱਖ ਕਿਲੋਮੀਟਰ ਲਾਈਫ ਵਾਲੀ ਬੈਟਰੀ ਬਣਾਉਂਦੀ ਹੈ। ਇਹ ਬੈਟਰੀ ਬਣਾਉਣ ਵਾਲੀ ਦੁਨੀਆ ਦੀ ਸਭ ਤੋਂ ਵੱਡੀ ਕੰਪਨੀ ਹੈ। ਕੰਪਨੀ ਦੇ ਗ੍ਰਾਹਕਾਂ ਵਿੱਚ ਟੇਸਲਾ ਦੇ ਇਲਾਵਾ ਬੀ ਐੱਮ ਡਬਲਯੂ ਅਤੇ ਟੋਇਟਾ ਮੋਟਰ ਸ਼ਾਮਲ ਹਨ। ਬੈਟਰੀ ਦੀ ਲਾਈਫ ਵਧਾਉਣਾ ਇਲੈਕਟਿ੍ਰਕ ਕਾਰ ਇੰਡਸਟਰੀ ਲਈ ਕਾਫੀ ਅਹਿਮ ਮੰਨਿਆ ਜਾਂਦਾ ਹੈ। ਇਸ ਨਾਲ ਇੱਕ ਬੈਟਰੀ ਦੀ ਵਰਤੋਂ ਦੂਸਰੀ ਗੱਡੀ ਵਿੱਚ ਵੀ ਹੋ ਸਕੇਗੀ ਅਤੇ ਇਲੈਕਟਿ੍ਰਕ ਵਾਹਨ ਰੱਖਣ ਦਾ ਖਰਚ ਕਾਫੀ ਘੱਟ ਹੋਵੇਗਾ। ਕੋਰੋਨਾ ਤੋਂ ਪਹਿਲਾਂ ਈ ਵੀ (ਇਲੈਕਟਰਿਕ ਵ੍ਹੀਕਲ) ਦੀ ਵਿਕਰੀ ਪੂਰੀ ਦੁਨੀਆ ਵਿੱਚ ਵਧ ਰਹੀ ਸੀ, ਪਰ ਬੀਤੇ ਤਿੰਨ ਮਹੀਨਿਆਂ ਤੋਂ ਇਹ ਲਗਭਗ ਠੱਪ ਹੈ। ਅਜਿਹੇ ਵਿੱਚ ਬੈਟਰੀ ਲਾਈਫ ਵਧਾਉਣ ਵਾਲੀ ਖਬਰ ਨਾਲ ਇੰਡਸਟਰੀ ਦਾ ਮੋਮੈਂਟਸ ਮੁੜ ਸਕਦਾ ਹੈ। ਝੇਂਗ ਨੇ ਕਿਹਾ, ਜੇ ਕੋਈ ਕੰਪਨੀ ਇਸ ਬੈਟਰੀ ਲਈ ਆਰਡਰ ਦੇਵੇ ਤਾਂ ਅਸੀਂ ਉਸ ਦੇ ਪ੍ਰੋਡਕਸ਼ਨ ਲਈ ਤਿਆਰ ਹਾਂ। ਉਨ੍ਹਾਂ ਨੇ ਇਹ ਨਹੀਂ ਦੱਸਿਆ ਕਿ ਕੀ ਕਿਸੇ ਕੰਪਨੀ ਨੇ ਇਸ ਦੇ ਲਈ ਸੰਪਰਕ ਕੀਤਾ ਜਾਂ ਨਹੀਂ। ਝੇਂਗ ਨੇ ਕਿਹਾ, ਮੌਜੂਦਾ ਸਮੇਂ ਵਿੱਚ ਇਲੈਕਟਿ੍ਰਕ ਵਾਹਨਾਂ ਵਿੱਚ ਜੋ ਬੈਟਰੀ ਲੱਗਦੀ ਹੈ ਉਨ੍ਹਾਂ ਤੋਂ ਇਸ ਦੀ ਕੀਮਤ 10 ਫੀਸਦੀ ਵੱਧ ਹੋਵੇਗੀ।
ਬੈਟਰੀ ਦੀ ਸਮਰੱਥਾ ਵਿੱਚ ਕਮੀ ਆਉਣਾ ਅਤੇ ਕੁਝ ਸਾਲ ਵਿੱਚ ਇਸ ਨੂੰ ਬਦਲਣ ਦੀ ਜ਼ਰੂਰਤ ਕੁਝ ਅਜਿਹੀਆਂ ਰੁਕਾਵਟਾਂ ਜਿਸ ਕਾਰਨ ਇਲੈਕਟਿ੍ਰਕ ਵਾਹਨਾਂ ਦੀ ਤਰੱਕੀ 'ਤੇ ਬ੍ਰੇਕ ਲੱਗਦੀ ਰਹੀ ਹੈ। ਟੇਸਲਾ ਨੇ ਪਿਛਲੇ ਸਾਲ ਕਿਹਾ ਸੀ ਕਿ ਉਹ 10 ਲੱਖ ਮੀਲ (16 ਸਾਲ ਕਿਲੋਮੀਟਰ) ਤੱਕ ਚੱਲਣ ਵਾਲੀ ਬੈਟਰੀ ਬਣਨ ਦੀ ਆਸ ਕਰਦੇ ਹਨ। ਜਨਰਲ ਮੋਟਰਜ਼ ਨੇ ਪਿਛਲੇ ਮਹੀਨੇ ਕਿਹਾ ਸੀ ਕਿ ਉਹ ਇਸ ਟੀਚੇ ਦੇ ਕਾਫੀ ਨੇੜੇ ਹੈ। ਇਲੈਕਟਿ੍ਰਕ ਵਾਹਨ ਇੰਡਸਟਰੀ ਵਿੱਚ ਜਲਦੀ ਤੇਜ਼ੀ ਆਉਣ ਦੀ ਆਸ ਕਰ ਰਹੀ ਐਮਪੇਰੈਕਸ ਟੈਕਨਾਲੋਜੀ ਨੇ ਹਾਲੇ ਬੈਟਰੀ ਦੀ ਟੈਕਨਾਲੋਜੀ 'ਤੇ ਖਰਚ ਕਾਫੀ ਵਧਾ ਦਿੱਤਾ ਹੈ। ਚੇਅਰਮੈਨ ਝੇਂਗ ਨੇ ਕਿਹਾ ਕਿ ਇਸ ਸਾਲ ਵਿਕਰੀ ਘੱਟ ਹੋਵੇਗੀ, ਪਰ 2021 ਤੋਂ ਡਿਮਾਂਡ ਵਿੱਚ ਵਾਧਾ ਹੋਵੇਗਾ। ਸੀ ਏ ਟੀ ਐਲ ਨੇ ਫਰਵਰੀ ਵਿੱਚ ਟੇਸਲਾ ਨਾਲ ਦੋ ਸਾਲ ਦਾ ਸਮਝੌਤਾ ਕੀਤਾ ਸੀ। ਟੇਸਲਾ ਇਸ ਤੋਂ ਪਹਿਲਾਂ ਜਾਪਾਨ ਦੀ ਪੈਨਾਸੋਨਿਕ ਅਤੇ ਦੱਖਣੀ ਕੋਰੀਆ ਦੀ ਐੱਲ ਜੀ ਕੇਮ ਨਾਲ ਕੰਮ ਕਰ ਰਹੀ ਸੀ। ਕੰਪਨੀ ਦੀ ਬੈਟਰੀ ਟੇਸਲਾ ਦੇ ਮਾਡਲ ਤਿੰਨ ਸੇਡਾਨ ਕਾਰਾਂ ਵਿੱਚ ਇਸਤੇਮਾਲ ਹੋਣਗੇ। ਇਹ ਕਾਰ ਸ਼ੰਘਾਈ ਦੇ ਨੇੜੇ ਬਣੀ ਟੇਸਲਾ ਦੀ ਨਵੀਂ ਫੈਕਟਰੀ ਵਿੱਚ ਤਿਆਰ ਹੋਵੇਗੀ।