ਹਰ ਕੋਈ ਜਾਣਦਾ ਹੈ ਕਿ ਅਕਸ਼ੈ ਕੁਮਾਰ ਨੂੰ ਸਵੇਰੇ ਜਲਦੀ ਉਠਣ ਦੀ ਆਦਤ ਹੈ। ਉਹ ਅਕਸਰ ਸਵੇਰੇ ਸਵੇਰੇ ਨਿਰਮਾਤਾਵਾਂ ਨੂੰ ਕਹਾਣੀ ਸੁਣਾਉਣ ਲਈ ਬੁਲਾ ਲੈਂਦੇ ਹਨ। ਸਵੇਰੇ ਸ਼ੂਟਿੰਗ ਦੇ ਲਈ ਮਸ਼ਹੂਰ ਅਕਸ਼ੈ ਨੇ ਆਪਣੀ ਅਗਲੀ ਫਿਲਮ ‘ਬੈੱਲ ਬਾਟਮ’ ਦੀ ਕਹਾਣੀ ਦਾ ਨਰੇਸ਼ਨ ਸਵੇਰੇ ਛੇ ਵਜੇ ਰੱਖ ਲਿਆ। ਇਹ ਨਰੇਸ਼ਨ ਜੈਕੀ ਭਗਨਾਨੀ ਨੇ ਵੀਡੀਓ ਕਾਨਫਰੰਸਿੰਗ ਦੇ ਜ਼ਰੀਏ ਰੱਖੀ ਸੀ, ਤਾਂ ਕਿ ‘ਬੈੱਲ ਬਾਟਮ’ ਦੀ ਸਕ੍ਰਿਪਟ ਨੂੰ ਫਾਈਨਲ ਕੀਤਾ ਜਾ ਸਕੇ।
ਜੈਕੀ ਨੇ ਸੋਸ਼ਲ ਮੀਡੀਆ 'ਤੇ ਵੀਡੀਓ ਕਾਨਫਰੰਸਿੰਗ ਦੀ ਤਸਵੀਰ ਸਾਂਝੀ ਕੀਤੀ, ਜਿਸ ਵਿੱਚ ਅਕਸ਼ੈ ਕੁਮਾਰ ਵੀ ਨਜ਼ਰ ਆ ਰਹੇ ਹਨ। ਜੈਕੀ ਨੇ ਲਿਖਿਆ, ‘‘ਪਰਫੈਕਟ ਸਵੇਰ ਦੀ ਪਰਿਭਾਸ਼ਾ ਮੇਰੇ ਲਈ ਕੁਝ ਅਜਿਹੀ ਹੈ। ‘ਬੈੱਲ ਬਾਟਮ’ ਦੀ ਨਰੇਸ਼ਨ ਸਵੇਰੇ ਛੇ ਵਜੇ ਆਯੋਜਤ ਕਰਨਾ ਕਮਾਲ ਦਾ ਅਨੁਭਵ ਰਿਹਾ। ਬਹੁਤ ਕਮਾਲ ਦੀ ਸਕ੍ਰਿਪਟ ਹੈ। ਅਸੀਂ ਤਿਆਰ ਹਾਂ। ਹੈ ਨਾ। ਅਸੀਂ ਪਹਿਲਾਂ ਕਦੇ ਇੰਨੀ ਸਵੇਰੇ ਇੰਝ ਨਹੀਂ ਜੁੜੇ।” ‘ਬੈੱਲ ਬਾਟਮ’ ਦੀ ਅਨਾਊਂਸਮੈਂਟ ਇਸ ਸਾਲ ਦੀ ਸ਼ੁਰੂਆਤ ਵਿੱਚ ਹੋਈ ਸੀ।