Welcome to Canadian Punjabi Post
Follow us on

05

July 2020
ਟੋਰਾਂਟੋ/ਜੀਟੀਏ

ਸਕਾਰਬੌਰੋ ਵਿੱਚ ਹਾਦਸਾਗ੍ਰਸਤ ਹੋਈ ਕਾਰ ਵਿੱਚ ਸਵਾਰ ਵਿਅਕਤੀ ਨੂੰ ਲੱਗੀ ਸੀ ਗੋਲੀ!

June 02, 2020 06:55 AM

ਸਕਾਰਬੌਰੋ, 1 ਜੂਨ (ਪੋਸਟ ਬਿਊਰੋ) : ਸੋਮਵਾਰ ਸ਼ਾਮ ਨੂੰ ਸਕਾਰਬੌਰੋ ਵਿੱਚ ਵਾਪਰੇ ਗੋਲੀਕਾਂਡ ਵਿੱਚ ਇੱਕ ਵਿਅਕਤੀ ਦੇ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਜਾਣ ਦੇ ਮਾਮਲੇ ਦੀ ਜਾਂਚ ਟੋਰਾਂਟੋ ਪੁਲਿਸ ਵੱਲੋਂ ਕੀਤੀ ਜਾ ਰਹੀ ਹੈ।
ਪੁਲਿਸ ਅਧਿਕਾਰੀਆਂ ਨੂੰ ਸ਼ਾਮੀਂ 7:00 ਵਜੇ ਤੋਂ ਠੀਕ ਪਹਿਲਾਂ ਵਾਰਡਨ ਐਵਨਿਊ ਤੇ ਬ੍ਰਾਈਡਲਟਾਊਨ ਸਰਕਲ ਵਿੱਚ ਸਥਿਤ ਇੱਕ ਪਲਾਜ਼ਾ ਲਾਗੇ ਹੋਏ ਹਾਦਸੇ ਦੇ ਸਬੰਧ ਵਿੱਚ ਕਾਲ ਆਈ। ਮੌਕੇ ਉੱਤੇ ਪਹੁੰਚ ਕੇ ਉਨ੍ਹਾਂ ਹਾਦਸਾਗ੍ਰਸਤ ਹੋਈ ਕਾਰ ਵੇਖੀ ਤੇ ਉਸ ਵਿੱਚ ਸਵਾਰ ਵਿਅਕਤੀ ਜ਼ਖ਼ਮੀ ਸੀ। ਕਾਰ ਸਵਾਰ ਇਸ ਵਿਅਕਤੀ ਨੂੰ ਗੋਲੀ ਲੱਗੀ ਹੋਈ ਸੀ।
ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ ਇਸ ਵਿਅਕਤੀ ਨੂੰ ਕਾਰ ਵਿੱਚ ਹੀ ਗੋਲੀ ਮਾਰੀ ਗਈ। ਉਸ ਵਿਅਕਤੀ ਦੀ ਹਾਲਤ ਨਾਜੁ਼ਕ ਸੀ ਤੇ ਮੌਕੇ ਉੱਤੇ ਪੈਰਾਮੈਡਿਕਸ ਨੂੰ ਵੀ ਸੱਦਿਆ ਗਿਆ। ਮੌਕੇ ਤੋਂ ਚਿੱਟੇ ਰੰਗ ਦੀ ਐਸਯੂਵੀ ਫਰਾਰ ਹੁੰਦੀ ਵੇਖੀ ਗਈ।

 

Have something to say? Post your comment