Welcome to Canadian Punjabi Post
Follow us on

05

July 2020
ਅੰਤਰਰਾਸ਼ਟਰੀ

ਟਰੰਪ ਨੇ ਆਪਣੇ ਹੀ ਲੋਕਾਂ ਖਿਲਾਫ ਫੌਜੀ ਕਾਰਵਾਈ ਦੀ ਦਿੱਤੀ ਧਮਕੀ

June 02, 2020 06:52 AM

ਮਿਨੀਆਪੋਲਿਸ, 1 ਜੂਨ (ਪੋਸਟ ਬਿਊਰੋ) : ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਵੱਲੋਂ ਇਹ ਧਮਕੀ ਦਿੱਤੀ ਗਈ ਹੈ ਕਿ ਜੇ ਦੇਸ਼ ਦੇ ਇੱਕ ਸਿਰੇ ਤੋਂ ਲੈ ਕੇ ਦੂਜੇ ਸਿਰੇ ਤੱਕ ਚੱਲ ਰਹੇ ਹਿੰਸਕ ਰੋਸ ਮੁਜ਼ਾਹਰਿਆਂ ੳੱੁਤੇ ਸਟੇਟਸ ਵੱਲੋਂ ਜਲਦ ਤੋਂ ਜਲਦ ਕਾਬੂ ਨਹੀਂ ਪਾਇਆ ਜਾਂਦਾ ਤਾਂ ਉਹ ਫੌਜ ਤਾਇਨਾਤ ਕਰਨਗੇ। ਟਰੰਪ ਦੇ ਇਸ ਬਿਆਨ ਤੋਂ ਕਈ ਘੰਟੇ ਪਹਿਲਾਂ ਜਾਰਜ ਫਲੌਇਡ ਦੇ ਭਰਾ ਵੱਲੋਂ ਸਾਰੇ ਮੁਜ਼ਾਹਰਾਕਾਰੀਆਂ ਤੇ ਅਮਰੀਕਾ ਵਾਸੀਆਂ ਨੂੰ ਸ਼ਾਂਤੀ ਬਣਾਈ ਰੱਖਣ ਦੀ ਅਪੀਲ ਕੀਤੀ ਗਈ ਤੇ ਉਨ੍ਹਾਂ ਆਖਿਆ ਕਿ ਕਿਸੇ ਵੀ ਤਰ੍ਹਾਂ ਦਾ ਨੁਕਸਾਨ ਤੇ ਤਬਾਹੀ ਉਨ੍ਹਾਂ ਦੇ ਭਰਾ ਨੂੰ ਵਾਪਿਸ ਨਹੀਂ ਲਿਆ ਸਕਦਾ।
ਇੱਕ ਪਾਸੇ ਸਾਰੀ ਦੁਨੀਆ ਦੇ ਨਾਲ ਨਾਲ ਅਮਰੀਕਾ ਵੀ ਕਰੋਨਾਵਾਇਰਸ ਵਰਗੀ ਮਹਾਂਮਾਰੀ ਨਾਲ ਦੋ ਦੋ ਹੱਥ ਕਰ ਰਿਹਾ ਹੈ ਤੇ ਉਸ ਉੱਤੇ ਬੇਰੋਜ਼ਗਾਰੀ ਵੀ ਹੱਦੋ ਵੱਧ ਚੁੱਕੀ ਹੈ ਤੇ ਦੂਜੇ ਪਾਸੇ ਜਾਰਜ ਫਲੌਇਡ ਦੀ ਮੌਤ ਕਾਰਨ ਅਮਰੀਕਾ ਵਿੱਚ ਹੋ ਰਹੇ ਹਿੰਸਕ ਮੁਜ਼ਾਹਰੇ ਰੁਕਣ ਦਾ ਨਾਂ ਨਹੀਂ ਲੈ ਰਹੇ। ਟਰੰਪ ਨੇ ਆਖਿਆ ਕਿ ਉਨ੍ਹਾਂ ਵੱਲੋਂ ਗਵਰਨਰਜ਼ ਨੂੰ ਇਹ ਸਿਫਾਰਸ਼ ਕੀਤੀ ਜਾ ਰਹੀ ਹੈ ਕਿ ਉਹ ਵੱਡੀ ਮਾਤਰਾ ਵਿੱਚ ਸੜਕਾਂ ਉੱਤੇ ਨੈਸ਼ਨਲ ਗਾਰਡ ਤਾਇਨਾਤ ਕਰਨ। ਟਰੰਪ ਨੇ ਅੱਗੇ ਆਖਿਆ ਕਿ ਜੇ ਗਵਰਨਰਜ਼ ਇਹ ਕਾਰਵਾਈ ਕਰਨ ਵਿੱਚ ਅਸਫਲ ਰਹਿੰਦੇ ਹਨ ਤਾਂ ਉਹ ਫੌਜ ਤਾਇਨਾਤ ਕਰਨਗੇ।
ਇੱਕ ਪਾਸੇ ਟਰੰਪ ਰੋਜ਼ ਗਾਰਡਨ ਵਿੱਚ ਆਪਣੀ ਗੱਲ ਰੱਖ ਰਹੇ ਸਨ ਦੂਜੇ ਪਾਸੇ ਅੱਥਰੂ ਗੈਸ ਦੇ ਗੋਲੇ ਫੱੁਟਦੇ ਸੁਣਾਈ ਦੇ ਰਹੇ ਸਨ ਕਿਉਂਕਿ ਪੁਲਿਸ ਤੇ ਨੈਸ਼ਨਲ ਗਾਰਡ ਸੋਲਜਰਜ਼ ਪੂਰੇ ਗੁੱਸੇ ਨਾਲ ਲਾਫੇਯੇਟੇ ਪਾਰਕ ਵਿੱਚ ਇੱਕਠੇ ਹੋਏ ਮੁਜ਼ਾਹਰਾਕਾਰੀਆਂ ਨੂੰ ਪਿੱਛੇ ਮੋੜਨ ਲਈ ਜੋ਼ਰ ਲਾ ਰਹੇ ਸਨ। ਇਹ ਸਾਰੇ ਮੁਜ਼ਾਹਰਾਕਾਰੀ ਵਾੲ੍ਹੀਟ ਹਾਊਸ ਦੇ ਬਾਹਰਵਾਰ ਇੱਕਠੇ ਹੋ ਕੇ ਸ਼ਾਂਤਮਈ ਢੰਗ ਨਾਲ ਪੁਲਿਸ ਦੀਆਂ ਵਧੀਕੀਆਂ ਤੇ ਜਾਰਜ ਫਲੌਇਡ ਦੇ ਕਤਲ ਦਾ ਵਿਰੋਧ ਕਰ ਰਹੇ ਸਨ।

 

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਯੂ ਕੇ ਪੁਲਸ ਵੱਲੋਂ ਅਪਰਾਧੀਆਂ ਖ਼ਿਲਾਫ਼ ਇੱਕ ਵੱਡੀ ਕਾਰਵਾਈ ਦੌਰਾਨ 746 ਲੋਕ ਗ਼੍ਰਿਫ਼ਤਾਰ
ਕ੍ਰਾਈਸਟਚਰਚ ਵਿੱਚ ਮਸਜਿਦਾਂ ਵਿੱਚ 51 ਲੋਕਾਂ ਦਾ ਕਤਲ ਕਰਨ ਵਾਲੇ ਨੂੰ ਸਜ਼ਾ24 ਅਗਸਤ ਨੂੰ ਹੋਵੇਗੀ
ਅਮਰੀਕੀ ਪਾਰਲੀਮੈਂਟ ਨੇ ਹਾਂਗਕਾਂਗ ਮਾਮਲੇ ਬਾਰੇ ਚੀਨ ਵਿਰੁੱਧ ਬਿੱਲ ਪਾਸਕੀਤਾ
ਇੰਗਲੈਂਡ 'ਚ ਪੰਜਾਬੀ ਨੂੰ ਕਤਲ ਕੇਸ ਵਿੱਚ 10 ਸਾਲ ਕੈਦ
ਮੈਕਸੀਕੋ ਵਿੱਚ ਪੁਨਰਵਾਸ ਕੇਂਦਰ 'ਤੇ ਹਮਲੇ ਵਿੱਚ 24 ਮੌਤਾਂ
ਮਿਆਂਮਾਰ ਵਿੱਚ ਖਾਣ 'ਚ ਜ਼ਮੀਨ ਖਿਸਕਣ ਨਾਲ 123 ਲੋਕਾਂ ਦੀ ਮੌਤ
ਪਾਕਿਸਤਾਨ ਵਿੱਚ ਸਿੱਖ ਸਰਧਾਲੂਆਂ ਨੂੰ ਲਿਜਾ ਰਹੀ ਬੱਸ ਨਾਲ ਰੇਲਗੱਡੀ ਟਕਰਾਈ, 29 ਹਲਾਕ
ਅਦਾਲਤੀ ਦਸਤਾਵੇਜ਼ਾਂ ਤੋਂ ਖੁਲਾਸਾ : ਬ੍ਰਿਟੇਨ ਦੇ ਰਾਜ ਪਰਵਾਰ ਦੀ ਨੂੰਹ ਮਰਕੇਲ ਖੁਦ ਨੂੰ ਸੁਰੱਖਿਅਤ ਨਹੀਂ ਸੀ ਮਹਿਸੂਸ ਕਰਦੀ
ਤਹਿਰਾਨ 'ਚ ਮੈਡੀਕਲ ਕਲੀਨਿਕ ਵਿੱਚ ਗੈਸ ਲੀਕ ਨਾਲ ਧਮਾਕਾ, 19 ਮੌਤਾਂ
ਚੀਨ ਦੀ ਸਰਕਾਰ ਵੱਲੋਂ ਚਾਰ ਅਮਰੀਕੀ ਅਦਾਰਿਆਂ ਉੱਤੇ ਸ਼ਿਕੰਜਾ