ਟੋਰਾਂਟੋ, 1 ਜੂਨ (ਪੋਸਟ ਬਿਊਰੋ) : ਜੂਨ ਦੇ ਅੰਤ ਤੱਕ ਵਾਲਮਾਰਟ ਕੈਨੇਡਾ ਸਥਾਈ ਤੌਰ ੳੱੁਤੇ ਦੇਸ਼ ਭਰ ਵਿੱਚ ਮੌਜੂਦ 106 ਸਟੋਰਜ਼ ਵਿੱਚ ਆਪਣੇ ਟਾਇਰ ਐਂਡ ਲਿਊਬ ਐਕਸਪ੍ਰੈੱਸ ਆਟੋ ਸਰਵਿਸ ਸੈਂਟਰ ਬੰਦ ਕਰ ਦੇਵੇਗਾ।
ਡਾਇਰੈਕਟਰ ਆਫ ਕਾਰਪੋਰੇਟ ਅਫੇਅਰਜ਼ ਐਡਮ ਗ੍ਰੈਚਨਿਕ ਨੇ ਆਖਿਆ ਕਿ ਇਸ ਫੈਸਲੇ ਨਾਲ 550 ਕਰਮਚਾਰੀ ਪ੍ਰਭਾਵਿਤ ਹੋਣਗੇ। ਹਾਲਾਂਕਿ ਕੰਪਨੀ ਵੱਲੋਂ ਇਨ੍ਹਾਂ ਕਰਮਚਾਰੀਆਂ ਨੂੰ ਹੋਰ ਕੰਮ ਦਿੱਤਾ ਜਾਵੇਗਾ। ਉਨ੍ਹਾਂ ਆਖਿਆ ਕਿ ਮੌਜੂਦਾ ਪਾਰਟਨਰਸਿ਼ਪ ਰਾਹੀਂ 50 ਵਾਲਮਾਰਟ ਲੋਕੇਸ਼ਨਜ਼ ਉੱਤੇ ਮੌਜੂਦ ਮਿਸਟਰ ਲਿਊਬ ਸੈਂਟਰਜ਼ ਨੂੰ ਜਾਰੀ ਰੱਖਿਆ ਜਾਵੇਗਾ। ੱ
ਗ੍ਰੈਚਨਿਕ ਨੇ ਆਖਿਆ ਕਿ ਇਹ ਕਦਮ ਇਨ-ਸਟੋਰ, ਈ-ਕਾਮਰਸ ਤੇ ਪਿੱਕਅੱਪ ਚੈਨਲਜ਼ ਜ਼ਰੀਏ ਵਿਕਾਸ ਦੇ ਸਾਡੇ ਮਕਸਦ ੳੱੁਤੇ ਧਿਆਨ ਕੇਂਦਰਿਤ ਕਰਨ ਵਿੱਚ ਸਾਡੀ ਮਦਦ ਕਰੇਗਾ। ਅਸੀਂ ਫੂਡ, ਕੰਜਿ਼ਊਮੇਬਲਜ਼, ਹੈਲਥ ਐਂਡ ਵੈੱਲਨੈੱਸ, ਫੈਸ਼ਨ ਤੇ ਹੋਰ ਜਨਰਲ ਸਮਾਨ ਡਲਿਵਰ ਕਰਨ ਵੱਲ ਆਪਣਾ ਜ਼ੋਰ ਲਾ ਸਕਾਂਗੇ। ਰਿਟੇਲਰ ਵੱਲੋਂ ਆਟੋਮੋਟਿਵ ਉਤਪਾਦ ਵੇਚਣੇ ਜਾਰੀ ਰੱਖੇ ਜਾਣਗੇ।