ਆਪਣੇ 39 ਸਾਲ ਦੇ ਕਰੀਅਰ ਵਿੱਚ ਸੰਜੇ ਦੱਤ ਪਹਿਲੀ ਵਾਰ ਸਾਊਥ ਦੀ ਫਿਲਮ ‘ਕੇ ਜੀ ਐ/ੱਫ 2’ ਵਿੱਚ ਕੰਮ ਕਰ ਰਹੇ ਹਨ। ਯਸ਼ ਸਟਾਰਰ ਇਸ ਫਿਲਮ ਵਿੱਚ ਉਹ ਮੇਨ ਵਿਲੇਨ ਦਾ ਰੋਲ ਕਰਨਗੇ। ਇੱਕ ਮੁਲਾਕਾਤ ਵਿੱਚ ਸੰਜੇ ਨੇ ਦੂਸਰੀ ਭਾਸ਼ਾ ਦੀਆਂ ਫਿਲਮਾਂ ਵਿੱਚ ਕੰਮ ਕਰਨ ਦੇ ਐਕਸਪੀਰੀਅੰਸ ਸ਼ੇਅਰ ਕੀਤੇ।
ਸੰਜੇ ਦੱਤ ਨੇ ਕਿਹਾ, ‘‘ਕਲਾਕਾਰ ਲਈ ਭਾਸ਼ਾ ਕਦੇ ਵੀ ਬੈਰੀਅਰ ਨਹੀਂ ਹੁੰਦੀ। ਉਥੇ ਸਿੱਖਣ ਲਈ ਬਹੁਤ ਕੁਝ ਹੈ ਅਤੇ ਜੋ ਵੱਧ ਸਿੱਖਦਾ ਹੈ ਅੱਗੇ ਵਧਦਾ ਹੈ। ਮੈਂ ਹਮੇਸ਼ਾ ਸੋਚਿਆ ਹੈ ਕਿ ਮੈਂ ਕਿਸੇ ਇੱਕੋ ਜੋਨਰ ਜਾਂ ਭਾਸ਼ਾ ਦੀ ਫਿਲਮ ਵਿੱਚ ਕੰਮ ਨਾ ਕਰਾਂ, ਇਸ ਲਈ ਜਦ ਵੀ ਕੁਝ ਨਵਾਂ ਐਕਸਪਲੋਰ ਕਰਨ ਦਾ ਮੌਕਾ ਮਿਲਿਆ ਮੈਂ ਕੀਤਾ। ‘ਕੇ ਜੀ ਐੱਫ 2’ ਵਿੱਚ ਕੰਮ ਕਰਨਾ ਥੋੜ੍ਹਾ ਮੁਸ਼ਕਲ ਸੀ, ਪਰ ਮੈਂ ਇਸ ਨੂੰ ਇੰਜੁਆਏ ਕੀਤਾ। ਮੈਂ ਸੈੱਟ 'ਤੇ ਹਰ ਦਿਨ ਕੁਝ ਨਵਾਂ ਸਿੱਖਿਆ ਹੈ।”