ਮਿਨੀਆਪੋਲਿਸ, 29 ਮਈ (ਪੋਸਟ ਬਿਊਰੋ) : ਰੋਹ ਵਿੱਚ ਆਏ ਮੁਜ਼ਾਹਰਾਕਾਰੀਆਂ ਨੇ ਅੱਜ ਮਿਨੀਆਪੋਲਿਸ ਪੁਲਿਸ ਸਟੇਸ਼ਨ ਨੂੰ ਅੱਗ ਲਗਾ ਦਿੱਤੀ। ਸੇਂਟ ਪਾਲ ਦੇ ਨੇੜਲੇ ਇਲਾਕੇ ਵਿੱਚ ਪਿਛਲੇ ਤਿੰਨ ਦਿਨਾਂ ਤੋਂ ਹਿੰਸਕ ਮੁਜ਼ਾਹਰੇ ਚੱਲ ਰਹੇ ਹਨ। ਇਹ ਸਾਰਾ ਰੋਸ ਪ੍ਰਦਰਸ਼ਨ ਜਾਰਜ ਫਲੌਇਡ ਨਾਂ ਦੇ ਸਿਆਹ ਨਸਲ ਦੇ ਵਿਅਕਤੀ ਦੀ ਮੌਤ ਕਾਰਨ ਹੋ ਰਿਹਾ ਹੈ। ਜਿ਼ਕਰਯੋਗ ਹੈ ਕਿ ਜਾਰਜ ਫਲੌਇਡ ਨੂੰ ਪੁਲਿਸ ਵੱਲੋਂ ਹੱਥਕੜੀ ਪੁਆਈ ਗਈ ਸੀ ਤੇ ਇੱਕ ਪੁਲਿਸ ਵਾਲਾ ਉਸ ਦੀਆਂ ਮੌਰਾਂ ਉੱਤੇ ਗੋਡਾ ਰੱਖ ਕੇ ਉਸ ਦੇ ਗਲੇ ਨੂੰ ਹੋਰ ਨੱਪੀ ਜਾ ਰਿਹਾ ਸੀ ਜਦਕਿ ਉਹ ਸਾਹ ਲੈਣ ਲਈ ਜੱਦੋਜਹਿਦ ਕਰ ਰਿਹਾ ਸੀ ਤੇ ਪੁਲਿਸ ਅੱਗੇ ਹਾੜੇ ਕੱਢ ਰਿਹਾ ਸੀ।
ਪੁਲਿਸ ਦੇ ਬੁਲਾਰੇ ਨੇ ਵੀਰਵਾਰ ਰਾਤ ਨੂੰ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਪੁਲਿਸ ਦੇ ਅਮਲੇ ਵੱਲੋਂ ਉਸ ਪੁਲਿਸ ਸਟੇਸ਼ਨ ਨੂੰ ਛੱਡ ਦਿੱਤਾ ਗਿਆ ਸੀ, ਜਿਸ ਨੂੰ ਸਾੜਿਆ ਗਿਆ। ਉਨ੍ਹਾਂ ਆਖਿਆ ਕਿ ਇਹ ਆਪਣੇ ਲੋਕਾਂ ਨੂੰ ਬਚਾਉਣ ਦੀ ਪੁਲਿਸ ਵਿਭਾਗ ਵੱਲੋਂ ਕੀਤੀ ਗਈ ਕੋਸਿ਼ਸ਼ ਹੈ ਕਿਉਂਕਿ ਗੁੱਸੇ ਵਿੱਚ ਭਰੇ ਲੋਕਾਂ ਵੱਲੋਂ ਇਸ ਪੁਲਿਸ ਸਟੇਸ਼ਨ ਨੂੰ ਲੰਮੇਂ ਸਮੇਂ ਤੋਂ ਨਿਸ਼ਾਨਾ ਬਣਾਏ ਜਾਣ ਦੀ ਤਿਆਰੀ ਕੀਤੀ ਜਾ ਰਹੀ ਹੀ। ਪੁਲਿਸ ਵਿਭਾਗ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਮੁਜ਼ਾਹਰਾਕਾਰੀਆਂ ਨੂੰ ਅੱਗ ਲਗਾਉਂਦਿਆ ਵੇਖਿਆ ਜਾ ਸਕਦਾ ਸੀ।
ਵੀਰਵਾਰ ਦੇਰ ਰਾਤ ਨੂੰ ਹੀ ਰਾਸ਼ਟਰਪਤੀ ਡੌਨਲ ਟਰੰਪ ਨੇ ਆਖਿਆ ਕਿ ਮਿਨੀਆਪੋਲਿਸ ਵਿੱਚ ਲੀਡਰਸਿ਼ਪ ਦੀ ਘਾਟ ਹੈ। ਉਨ੍ਹਾਂ ਆਖਿਆ ਕਿ ਉਨ੍ਹਾਂ ਵੱਲੋਂ ਗਵਰਨਰ ਟਿੰਮ ਵਾਲਜ਼ ਨਾਲ ਗੱਲ ਕੀਤੀ ਸੀ ਕਿ ਉਹ ਚਾਹੁਣ ਤਾਂ ਫੌਜ ਦੀ ਮਦਦ ਵੀ ਲਈ ਜਾ ਸਕਦੀ ਹੈ। ਕੋਈ ਵੀ ਮੁਸ਼ਕਲ ਪੈਣ ੳੱੁਤੇ ਅਸੀਂਂ ਨਿਯੰਤਰਣ ਲੈ ਸਕਦੇ ਹਾਂ। ਪਰ ਜਦੋਂ ਲੁੱਟਮਾਰ ਸੁ਼ਰੂ ਹੋਈ ਉਦੋਂ ਹੀ ਸੂ਼ਟਿੰਗ ਸ਼ੁਰੂ ਹੋਈ। ਉਨ੍ਹਾਂ ਕਿਹਾ ਕਿ ਮੁਜ਼ਾਹਰਾਕਾਰੀ ਠੱਗ ਹਨ ਤੇ ਹਿੰਸਾ ਨੂੰ ਸਕਾਰਾਤਮਕ ਢੰਗ ਨਾਲ ਪੇਸ਼ ਕਰ ਰਹੇ ਹਨ।