* ਦਿੱਲੀ ਵਿੱਚ ਪਹਿਲੀ ਵਾਰ ਇੱਕੋ ਦਿਨ 1000 ਤੋਂ ਵੱਧ ਕੇਸ ਮਿਲੇ
* ਪੰਜਾਬ ਵਿੱਚ ਕੇਸਾਂ ਦੀ ਗਿਣਤੀ 2158 ਹੋਈ
ਨਵੀਂ ਦਿੱਲੀ, 28 ਮਈ, (ਪੋਸਟ ਬਿਊਰੋ)- ਅੱਜ ਵੀਰਵਾਰ ਨੂੰ ਕੋਰੋਨਾ ਵਾਇਰਸ ਦੇ 6,566 ਨਵੇਂ ਕੇਸ ਪਤਾ ਲੱਗਣ ਦੇ ਨਾਲ ਦੇਸ਼ ਵਿੱਚ ਭਾਰਤ ਵਿੱਚ ਇਸ ਮਹਾਮਾਰੀ ਦੇ ਕੇਸਾਂ ਦੀ ਗਿਣਤੀ 1,58,333 ਹੋ ਗਈ ਹੈ। ਇਸ ਦੌਰਾਨ ਬੀਤੇ 24 ਘੰਟਿਆਂ ਵਿੱਚ 194 ਮੌਤਾਂ ਹੋਈਆਂ ਹਨ। ਇਸ ਤੋਂ ਪਹਿਲਾਂ 5 ਮਈ ਨੂੰ ਮੌਤਾਂ ਦੀ ਗਿਣਤੀ 195 ਸੀ ਤੇ ਉਹ ਇੱਕੋ ਦਿਨ ਵਿੱਚ ਮੌਤਾਂ ਦੀ ਸਭ ਤੋਂ ਵੱਡੀ ਗਿਣਤੀ ਸੀ। ਭਾਰਤ ਵਿੱਚ ਇਸ ਵੇਲੇ ਹਸਪਤਾਲ ਦਾਖਲ ਲੋਕਾਂ ਦੀ ਗਿਣਤੀ 86,110 ਹੈ ਅਤੇ ਅੱਜ ਤੱਕ ਕੁਲ 4531 ਮੌਤਾਂ ਹੋ ਚੁੱਕੀਆਂ ਹਨ, ਜਦ ਕਿ 67,691 ਲੋਕ ਠੀਕ ਹੋ ਚੁੱਕੇ ਹਨ।
ਪਿਛਲੇ ਦਿਨਾਂ ਵਾਂਗ ਇਸ ਵਕਤ ਵੀ ਕੋਰੋਨਾ ਦੇ ਪੀੜਤਾਂ ਦੀ ਸਭ ਤੋਂ ਵੱਧ ਗਿਣਤੀ ਮਹਾਰਾਸ਼ਟਰ ਵਿੱਚ 59,546 ਹੈ ਅਤੇ ਇਹ ਸਾਰੇ ਦੇਸ਼ ਦੇ ਕੁੱਲ ਕੇਸਾਂ ਦਾ 35.96 ਫ਼ੀਸਦੀ ਬਣਦੀ ਹੈ। ਇਸ ਰਾਜ ਵਿੱਚ ਅੱਜ ਤੱਕ 1897 ਲੋਕ ਇਸ ਬਿਮਾਰੀ ਨਾਲ ਮਾਰੇ ਜਾ ਚੁੱਕੇ ਹਨ। ਦੂਸਰੇ ਸਭ ਤੋਂ ਵੱਧ ਪ੍ਰਭਾਵਤ ਰਾਜ ਗੁਜਰਾਤ ਵਿੱਚ ਮੌਤਾਂ ਦੀ ਗਿਣਤੀ 938 ਤੇ ਮੱਧ ਪ੍ਰੇਦਸ਼ ਵਿੱਚ 313 ਹੋ ਚੁੱਕੀ ਹੈ। ਇਨ੍ਹਾਂ ਤੋਂ ਬਿਨਾ ਦਿੱਲੀ ਵਿੱਚ 303, ਪੱਛਮੀ ਬੰਗਾਲ ਵਿੱਚ 289, ਉੱਤਰ ਪ੍ਰਦੇਸ਼ ਵਿੱਚ 183 ਅਤੇ ਰਾਜਸਥਾਨ ਵਿੱਚ 173 ਲੋਕਾਂ ਦੀ ਕੋਰੋਨਾ ਦੇ ਕਾਰਨ ਮੌਤ ਹੋ ਚੁੱਕੀ ਹੈ।
ਪੰਜਾਬ ਵਿਚ ਅੱਜ ਵੀਰਵਾਰ ਤੱਕ ਕੋਰੋਨਾ ਵਾਇਰਸ ਦੇ ਪੀੜਤਾਂ ਦੀ ਗਿਣਤੀ ਵਧ ਕੇ 2158 ਹੋ ਗਈ ਹੈ ਤੇ ਇਸ ਦੌਰਾਨ ਇਸ ਬਿਮਾਰੀ ਨਾਲ 41 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਸ ਵਕਤ ਪੰਜਾਬ ਵਿਚ ਕੋਰੋਨਾ 172 ਮਰੀਜ਼ ਹਸਪਤਾਲਾਂ ਵਿੱਚ ਦਾਖਲ ਹਨ ਅਤੇ 1946 ਮਰੀਜ਼ ਠੀਕ ਹੋ ਕੇ ਆਪਣੇ ਘਰਾਂ ਨੂੰ ਜਾ ਚੁੱਕੇ