‘ਗੈਂਗਸ ਆਫ ਵਾਸੇਪੁਰ’, ‘ਰਾਜ਼ੀ’ ਅਤੇ ‘ਬਾਰਡ ਆਫ ਬਲਡ’ ਵਰਗੀਆਂ ਫਿਲਮਾਂ ਅਤੇ ਵੈੱਬ ਸੀਰੀਜ਼ ਵਿੱਚ ਆਪਣੀ ਐਕਟਿੰਗ ਦਾ ਹੁਨਰ ਦਿਖਾਉਣ ਦੇ ਬਾਅਦ ਜੈਦੀਪ ਅਹਿਲਾਵਤ ‘ਪਾਤਾਲ ਲੋਕ’ ਵੈੱਬ ਸੀਰੀਜ਼ ਵਿੱਚ ਨਜ਼ਰ ਆ ਰਹੇ ਹਨ। ਜੈਦੀਪ ਨੇ ਦੱਸਿਆ, ‘‘ਮੈਂ ਹਮੇਸ਼ਾ ਤੋਂ ਫੌਜੀ ਬਣਨਾ ਚਾਹੁੰਦਾ ਸੀ। ਕਈ ਵਾਰ ਪ੍ਰੀਖਿਆ ਵੀ ਦਿੱਤੀ, ਪਰ ਹਰ ਵਾਰ ਰਿਜੈਕਟ ਹੋ ਗਿਆ ਅਤੇ ਅੱਜ ਮੇਰੀ ਕਿਸਮਤ ਦੇਖੋ ਐਕਟਰ ਬਣ ਕੇ ‘ਪਾਤਾਲ ਲੋਕ’ ਵਿੱਚ ਪੁਲਸ ਇੰਸਪੈਕਟਰ ਦਾ ਰੋਲ ਕਰ ਰਿਹਾ ਹਾਂ। ਅਸੀਂ ਅਸੀਂ ਇਸ ਦੀ ਸ਼ੂਟਿੰਗ ਦੇ ਦੌਰਾਨ ਦਿੱਲੀ ਤੇ ਗੁੜਗਾਓਂ ਦੀ ਸਰਦੀ ਵੀ ਮਹਿਸੂਸ ਕੀਤੀ ਅਤੇ ਚਿਤਰਕੂਟ ਦੇ 47 ਡਿਗਰੀ ਟੈਂਪਰੇਚਰ ਵਿੱਚ ਵੀ ਸ਼ੂਟਿੰਗ ਕੀਤੀ ਹੈ। ਇੱਕ ਐਕਟਰ ਹੋਣ ਦੇ ਨਾਤੇ ਹੁਣ ਮੈਂ ਸਾਰੇ ਜਾਨਰਸ ਦੇ ਨਾਲ ਐਕਸਪੈਰੀਮੈਂਟ ਕਰਨਾ ਚਾਹੁੰਦਾ ਹਾਂ। ਮੈਨੂੰ ਅਜੇ ਤੱਕ ਰੋਮਾਂਟਿਕ ਅਤੇ ਕਾਮੇਡੀ ਰੋਲ ਨਹੀਂ ਮਿਲੇ ਹਨ, ਉਨ੍ਹਾਂ ਨੂੰ ਨਿਭਾਉਣ ਦੀ ਖਾਹਿਸ਼ ਹੈ।”