ਫਿਲਮ ‘ਬੈਡ ਬੁਆਏ’ ਨਾਲ ਹਿੰਦੀ ਸਿਨੇਮਾ ਵਿੱਚ ਡੈਬਿਊ ਕਰ ਰਹੇ ਮਿਥੁਨ ਚੱਕਰਵਰਤੀ ਦੇ ਛੋਟੇ ਬੇਟੇ ਨਮਾਸ਼ੀ ਚੱਕਰਵਰਤੀ ਦੀ ਫਿਲਮ ਦਾ ਪਹਿਲਾ ਪੋਸਟਰ ਸਲਮਾਨ ਨੇ ਖਾਨ ਨੇ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕੀਤਾ ਹੈ। ਰਾਜ ਕੁਮਾਰ ਸੰਤੋਸ਼ੀ ਦੇ ਨਿਰਦੇਸ਼ਨ ਵਿੱਚ ਬਣੀ ਇਸ ਫਿਲਮ ਵਿੱਚ ਨਮਾਸ਼ੀ ਦੇ ਨਾਲ ਅਭਿਨੇਤਰੀ ਅਮਰੀਨ ਕੁਰੈਸ਼ੀ ਨੂੰ ਵੀ ਲਾਂਚ ਕੀਤਾ ਜਾ ਰਿਹਾ ਹੈ। ਅਮਰੀਨ ਫਿਲਮ ਨਿਰਮਾਤਾ ਸਾਜਿਦ ਕੁਰੈਸ਼ੀ ਦੀ ਬੇਟੀ ਹੈ। ਫਿਲਮ ਦਾ ਪਹਿਲਾ ਪੋਸਟਰ ਜਾਰੀ ਕਰਦੇ ਹੋਏ ਸਲਮਾਨ ਖਾਨ ਨੇ ਨਮਾਸ਼ੀ ਨੂੰ ਸ਼ੁਭ ਕਾਮਨਾਵਾਂ ਦਿੱਤੀਆਂ।
ਸਲਮਾਨ ਵੱਲੋਂ ਪੋਸਟਰ ਲਾਂਚ ਕੀਤੇ ਜਾਣ 'ਤੇ ਨਮਾਸ਼ੀ ਨੇ ਕਿਹਾ ਕਿ ਉਨ੍ਹਾਂ ਦੀ ਖੁਸ਼ੀ ਸੱਤਵੇਂ ਅਸਮਾਨ 'ਤੇ ਹੈ। ਉਸ ਨੇ ਇਸ ਤੋਂ ਬਿਹਤਰ ਡੈਬਿਊ ਦੀ ਕਲਪਨਾ ਨਹੀਂ ਕੀਤੀ ਸੀ। ਉਸ ਨੇ ਦੱਸਿਆ ਕਿ ਇਸ ਲਾਂਚ ਦੀ ਖਬਰ ਬਾਰੇ ਉਸ ਦੇ ਪਾਪਾ ਮਿਥੁਨ ਚੱਕਰਵਰਤੀ ਨੇ ਕਿਹਾ ਕਿ ਉਸ ਨੂੰ ਅਤੇ ਅਮਰੀਨ ਨੂੰ ਸਲਮਾਨ ਦਾ ਅਸ਼ੀਰਵਾਦ ਮਿਲਿਆ ਹੈ, ਦੋਵੇਂ ਖੂਬ ਮਿਹਨਤ ਨਾਲ ਕੰਮ ਕਰੋ। ‘ਬੈਡ ਬੁਆਏ’ ਇੱਕ ਰੋਮਾਂਟਿਕ ਕਾਮੇਡੀ ਫਿਲਮ ਹੈ, ਜਿਸ ਦੀ ਕਹਾਣੀ ਬੰਗਲੌਰ ਦੇ ਪਿਛੋਕੜ 'ਤੇ ਆਧਾਰਤ ਹੈ। ਇਹ ਫਿਲਮ ਬਣ ਕੇ ਤਿਆਰ ਹੈ। ਸਿਨੇਮਾ ਹਾਲ ਖੁੱਲ੍ਹਣ 'ਤੇ ਹੀ ਇਸ ਨੂੰ ਰਿਲੀਜ਼ ਕੀਤਾ ਜਾਏਗਾ।