ਪਿਛਲੇ ਕੁਝ ਸਾਲਾਂ ਤੋਂ ਈਦ 'ਤੇ ਬਾਕਸ ਆਫਸ 'ਤੇ ਅਕਸਰ ਸਲਮਾਨ ਖਾਨ ਦੀਆਂ ਫਿਲਮਾਂ ਦਾ ਕਬਜ਼ਾ ਰਿਹਾ ਹੈ। ਇਸ ਸਾਲ ਵੀ ਈਦ 'ਤੇ ਉਹ ਆਪਣੀ ਫਿਲਮ ‘ਰਾਧੇ : ਯੌਰ ਮੋਸਟ ਵਾਂਟਿਡ ਭਾਈ’ ਲੈ ਕੇ ਆਉਣ ਵਾਲੇ ਸਨ। ਫਿਲਮ ਦੀ ਰਿਲੀਜ਼ ਤਰੀਕ 22 ਮਈ ਸੀ। ਲਾਕਡਾਊਨ ਦੇ ਕਾਰਨ ਸਿਨੇਮਾ ਘਰ ਬੰਦ ਹਨ। ਅਜਿਹੇ ਵਿੱਚ ਉਨ੍ਹਾਂ ਦੇ ਫੈਨਸ ਫਿਲਮ ਦੀ ਰਿਲੀਜ਼ ਨੂੰ ਇੰਨਾ ਮਿਸ ਕਰ ਰਹੇ ਸਨ ਕਿ ਸੋਸ਼ਲ ਮੀਡੀਆ ਉੱਤੇ ‘ਰਾਧੇ ਡੇਅ’ ਮਨਾ ਦਿੱਤਾ। ਇਸ ਦੇ ਕਾਰਨ ਟਵਿੱਟਰ 'ਤੇ ਹੈਸ਼ਟੈਗ ਦੇ ਨਾਲ ਰਾਧੇ ਟਰੈਂਡ ਕਰਨ ਲੱਗਾ।
ਇੱਕ ਯੂਜ਼ਰ ਨੇ ਲਿਖਿਆ, ‘ਆਸ ਕਰ ਰਹੇ ਹਾਂ ਕਿ ਇਸ ਦਿਨ ਸਲਮਾਨ ਖਾਨ ‘ਰਾਧੇ’ ਨਾਲ ਜੁੜਿਆ ਸਾਨੂੰ ਕੁਝ ਨਾ ਕੁਝ ਦੇਣਗੇ। ਅਸੀਂ ਇਸ ਦਿਨ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਸੀ।” ਇੱਕ ਯੂਜ਼ਰ ਨੇ ਤਾਂ ਸਿਨੇਮਾਘਰ ਦੀ ਇੱਕ ਟਿਕਟ ਹੀ ਡਿਜ਼ਾਈਨ ਕਰ ਕੇ ਟਵਿੱਟਰ 'ਤੇ ਪੋਸਟ ਕਰ ਦਿੱਤੀ, ਜਿਸ ਵਿੱਚ ‘ਰਾਧੇ’ ਫਿਲਮ ਦਾ ਨਾਂਅ ਲਿਖਿਆ ਸੀ। ਇਸ ਦੇ ਨਾਲ ਉਸ ਯੂਜ਼ਰ ਨੇ ਲਿਖਿਆ ਕਿ ‘ਜੇ ਮਾਹੌਲ ਨਾਰਮਲ ਹੁੁੰਦਾ ਤਾਂ ਮੈਂ ਇਸ ਤਰ੍ਹਾਂ ਟਿਕਟ ਬੁੱਕ ਕਰਾਈ ਹੰੁਦੀ।’ ਇੱਕ ਯੂਜ਼ਰ ਨੇ ਈਦ 'ਤੇ ਪਹਿਲਾਂ ਰਿਲੀਜ਼ ਹੋਈ ਸਲਮਾਨ ਖਾਨ ਦੀਆਂ ਫਿਲਮਾਂ ‘ਵਾਂਟਿਡ’, ‘ਕਿੱਕ’ ਅਤੇ ‘ਬਜਰੰਗੀ ਭਾਈਜਾਨ’ ਦੀ ਰਿਲੀਜ਼ ਦੇ ਦੌਰਾਨ ਸਿੰਗਲ ਸਕਰੀਨ ਥੀਏਟਰ ਦੇ ਬਾਹਰ ਜਮ੍ਹਾ ਹੋਈ ਭੀੜ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਲਿਖਿਆ, ‘‘ਅਜਿਹਾ ਹੀ ਪਾਗਲਪਣ ਹੁੰਦਾ ਅਤੇ ਭੀੜ ਇਕੱਠੀ ਹੰੁਦੀ, ਜੇ ‘ਰਾਧੇ’ ਰਿਲੀਜ਼ ਹੋਈ ਹੁੰਦੀ।”