ਇੱਕ ਵਾਰ ਜੰਗਲ ਵਿੱਚ ਹਾਥੀ ਸੈਰ 'ਤੇ ਨਿਕਲਿਆ। ਰਸਤੇ ਵਿੱਚ ਉਸ ਨੂੰ ਚੂਹਾ ਮਿਲ ਗਿਆ।
ਹਾਥੀ ਨੇ ਪੁੱਛਿਆ, ‘‘ਤੂੰ ਕੌਣ ਏਂ?”
ਚੂਹਾ, ‘‘ਮੈਂ ਚੂਹਾਂ ਹਾਂ।”
ਹਾਥੀ, ‘‘ਤੇਰੀ ਉਮਰ ਕਿੰਨੀ ਹੈ?”
ਚੂਹਾ, ‘‘ਇੱਕ ਸਾਲ।”
ਹੈਰਾਨ ਹੋ ਕੇ ਹਾਥੀ ਨੇ ਪੁੱਛਿਆ, ‘‘ਯਾਰ, ਉਮਰ ਤਾਂ ਮੇਰੀ ਵੀ ਇੱਕ ਸਾਲ ਹੈ, ਪਰ ਤੂੰ ਤਾਂ ਬਹੁਤ ਛੋਟਾ ਏਂ।”
ਚੂਹੇ ਨੇ ਜਵਾਬ ਦਿੱਤਾ, ‘‘ਅਸਲ ਵਿੱਚ ਮੈਂ ਤਿੰਨ-ਚਾਰ ਦਿਨਾਂ ਤੋਂ ਬਿਮਾਰ ਹਾਂ ਨਾ।”
*********
ਪਤਨੀ, ‘‘ਪਿਆਸ ਲੱਗੀ ਹੈ ਪਾਣੀ ਤਾਂ ਲਿਆ ਦਿਓ।”
ਪਤੀ, ‘‘ਕਿਉਂ ਨਾ ਚਿਕਨ ਬਰਿਆਨੀ ਖੁਆਵਾਂ?”
ਪਤਨੀ, ‘‘ਵਾਹ! ਮੂੰਹ ਵਿੱਚ ਪਾਣੀ ਆ ਗਿਆ।”
ਪਤੀ, ‘‘ਬਸ ਇਸੇ ਪਾਣੀ ਨਾਲ ਕੰਮ ਚਲਾ ਲੈ।”
*********
ਆਦਮੀ, ‘‘ਬੇਟਾ ਫ੍ਰੀ ਟਾਈਮ ਵਿੱਚ ਕੀ ਕਰਦੇ ਹੋ?”
ਲੜਕਾ, ‘‘ਜੀ, ਫੋਨ ਚਾਰਜ ਕਰਦਾ ਹਾਂ।”
ਆਦਮੀ, ‘‘...ਅਤੇ ਫ੍ਰੀ ਕਦੋਂ ਹੁੰਦੇ ਹੋ?”
ਲੜਕਾ, ‘‘ਜਦੋਂ ਫੋਨ ਦੀ ਬੈਟਰੀ ਖਤਮ ਹੋ ਜਾਂਦੀ ਹੈ।”