ਥੀਏਟਰਾਂ ਦੇ ਖੁੱਲ੍ਹਣ ਦੀ ਬੇਯਕੀਨੀ ਦੇਖਦੇ ਹੋਏ ‘ਗੁਲਾਬੋ ਸਿਤਾਬੋ’ ਅਤੇ ‘ਸ਼ਕੁੰਤਲਾ ਦੇਵੀ’ ਦੇ ਬਾਅਦ ਉਰਵਸ਼ੀ ਰੌਤੇਲਾ ਦੀ ਫਿਲਮ ‘ਵਰਜਿਨ ਭਾਨੂਪ੍ਰਿਆ’ ਵੀ ਡਿਜੀਟਲ ਪਲੇਟਫਾਰਮ 'ਤੇ ਰਿਲੀਜ਼ ਹੋਵੇਗੀ। ਇਹ 12 ਜੂਨ ਨੂੰ ਥੀਏਟਰਾਂ ਵਿੱਚ ਰਿਲੀਜ਼ ਹੋਣ ਵਾਲੀ ਸੀ, ਪਰ ਕੋਰੋਨਾ ਦੇ ਕਾਰਨ ਥੀਏਟਰ ਜਲਦੀ ਖੁੱਲ੍ਹਣ ਦੇ ਆਸਾਰ ਨਹੀਂ ਨਜ਼ਰ ਆਏ। ਅਜਿਹੇ ਵਿੱਚ ਫਿਲਮ ਨਿਰਮਾਤਾਵਾਂ ਨੇ ਇਸ ਨੂੰ ਡਿਜੀਟਲ ਪਲੇਟਫਾਰਮ 'ਤੇ ਰਿਲੀਜ਼ ਕਰਨ ਦਾ ਫੈਸਲਾ ਕੀਤਾ ਹੈ। ਇਹ ਕਦੋਂ ਅਤੇ ਕਿਸ ਡਿਜੀਟਲ ਪਲੇਟਫਾਰਮ 'ਤੇ ਰਿਲੀਜ਼ ਹੋਵੇਗੀ, ਇਸ ਦੇ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
‘ਵਰਜਿਨ ਭਾਨੂਪ੍ਰਿਆ’ ਕਾਲਜ ਵਿੱਚ ਪੜ੍ਹਨ ਵਾਲੀ ਇੱਕ ਲੜਕੀ ਦੀ ਕਹਾਣੀ ਹੈ। ਸਿਰਲੇਖ ਦੇ ਉਲਟ ਨਿਰਮਾਤਾ ਇਸ ਫਿਲਮ ਨੂੰ ਪਰਵਾਰਕ ਕਾਮੇਡੀ ਫਿਲਮ ਦੱਸਦੇ ਹਨ। ਇਸ ਫਿਲਮ ਵਿੱਚ ਉਰਵਸ਼ੀ ਰੌਤੇਲਾ ਦੇ ਨਾਲ ਗੌਤਮ ਗੁਲਾਟੀ ਅਤੇ ਅਰਚਨਾ ਪੂਰਨ ਸਿੰਘ ਮੁੱਖ ਭੂਮਿਕਾਵਾਂ ਵਿੱਚ ਹਨ।