ਨਵੀਂ ਦਿੱਲੀ, 26 (ਪੋਸਟ ਬਿਊਰੋ)- ਭਾਰਤ ਤੋਂ ਭਗੌੜੇ ਹੋਏ ਇਸਲਾਮਿਕ ਪ੍ਰਚਾਰਕ ਜ਼ਾਕਿਰ ਨਾਇਕ ਨੂੰ ਹੁੰਦੀ ਫੰਡਿੰਗ ਦਾ ਵੱਡਾ ਖ਼ੁਲਾਸਾ ਹੋਇਆ ਹੈ। ਜ਼ਾਕਿਰ ਨਾਇਕ ਨੂੰ ਲਗਾਤਾਰ ਖਾੜੀ ਦੇਸ਼ਾਂ ਤੋਂ ਫੰਡ ਮਿਲ ਰਿਹਾ ਹੈ। ਪਾਕਿਸਤਾਨ ਤੁਰਕੀ ਅਤੇ ਕਤਲ ਦਾ ਇਸਤੇਮਾਲ ਕਰ ਨਾਇਕ ਨੂੰ ਫੰਡ ਹਾਸਲ ਕਰਵਾ ਰਿਹਾ ਹੈ।
ਆਪਣੇ ਭਾਸ਼ਣਾਂ ਨਾਲ ਨਫ਼ਰਤ ਵਧਾਉਣ ਦੀ ਸਾਜ਼ਿਸ਼ ਰਚਣ ਵਾਲੇ ਜ਼ਾਕਿਰ ਨਾਇਕ ਬਾਰੇ ਜਿਹੜੀ ਜਾਣਕਾਰੀ ਪਤਾ ਲੱਗੀ ਹੈ ਉਹ ਸੱਚਮੁੱਚ ਉਸ ਦੇ ਪਾਕਿਸਤਾਨ ਪ੍ਰੇਮ ਦਾ ਸਭ ਤੋਂ ਵੱਡਾ ਸਬੂਤ ਹੈ ਜਾਂ ਨਾਇਕ ਦੇ ਸਿਰ 'ਤੇ ਪਾਕਿਸਤਾਨ ਦਾ ਹੱਥ ਹੈ। ਸੁਰੱਖਿਆ ਏਜੰਸੀਆਂ ਨੂੰ ਜਿਹੜੇ ਨਵੇਂ ਇਨਪੁਟ ਮਿਲੇ ਹਨ, ਉਸ ਤੋਂ ਬਾਅਦ ਇਹ ਗੱਲ ਹੋਰ ਪੱਕੀ ਹੋਣ ਲੱਗੀ ਹੈ ਕਿ ਹਿੰਦੁਸਤਾਨ 'ਚ ਨਫ਼ਰਤ ਦੀ ਖੇਤੀ ਨੂੰ ਵਧਾਉਣ 'ਚ ਪਾਕਿਸਤਾਨ ਜ਼ਾਕਿਰ ਨਾਇਕ ਦਾ ਮਦਦਗਾਰ ਹੈ। ਭਾਰਤ ਖ਼ਿਲਾਫ਼ ਹਰ ਸਾਜ਼ਿਸ਼ ਦੇ ਤਾਰ ਪਾਕਿਸਤਾਨ ਨਾਲ ਜੁੜ ਜਾਂਦੇ ਹਨ। ਭਗੌੜਾ ਜ਼ਾਕਿਰ ਨਾਇਕ ਸਿਰਫ ਨਫ਼ਰਤ ਫੈਲਾਉਣ ਅਤੇ ਜ਼ਹਿਰ ਉਗਲਣ ਵਾਸਤੇ ਨਹੀਂ, ਸਗੋਂ ਅੱਤਵਾਦ ਨੂੰ ਹੱਲਾਸ਼ੇਰੀ ਦੇਣ ਅਤੇ ਮਨੀ ਲਾਂਡਰਿੰਗ ਕੇਸ ਵਿੱਚਚ ਵੀ ਫਰਾਰ ਹੈ। ਉਹ ਸਾਲ 2016 'ਚ ਆਪਣੇ ਆਪ ਨੂੰ ਮੁਸ਼ਕਲਾਂ 'ਚ ਘਿਰਦਾ ਦੇਖ ਕੇ ਮਲੇਸ਼ੀਆ ਭੱਜ ਗਿਆ ਸੀ। ਉਸ ਨੂੰ ਉਥੇ ਸਥਾਈ ਨਿਵਾਸ ਦੀ ਇਜਾਜ਼ਤ ਵੀ ਦੇ ਦਿੱਤੀ ਗਈ ਹੈ। ਉਸ ਦੀ ਅਸਲੀਅਤ ਸਾਹਮਣੇ ਆਉਣ ਉੱਤੇ ਸਵਾਲ ਉੱਠੇ ਹਨ ਕੀ ਜ਼ਾਕਿਰ ਨਾਇਕ ਸਿਰਫ ਮੋਹਰਾ ਹੈ ਅਤੇ ਉਸ ਦਾ ਆਕਾ ਪਾਕਿਸਤਾਨ ਹੈ? ਕੀ ਪਾਕਿਸਤਾਨ ਦੀ ਫੰਡਿੰਗ ਨਾਲ ਭਾਰਤ 'ਚ ਭਗੌੜਾ ਜ਼ਾਕਿਰ ਨਾਇਕ ਨਫਰਤ ਦੀ ਸਾਜ਼ਿਸ਼ ਰਚ ਰਿਹਾ ਸੀ? ਕੀ ਇਸ ਖੇਡ 'ਚ ਪਾਕਿਸਤਾਨ, ਤੁਰਕੀ ਅਤੇ ਕਤਰ ਦੀ ਮਿਲੀਭੁਗਤ ਹੈ?
ਪਿੱਛੇ ਜਿਹੇ ਜ਼ਾਕਿਰ ਨਾਇਕ ਨੂੰ ਓਦੋਂ ਸਜ਼ਾ ਮਿਲੀ ਹੈ ਜਦੋਂ ਇੱਕ ਰੈਗੂਲੇਟਰ ‘ਆਫਕਾਮ' ਜੋ ਬ੍ਰਿਟਿਸ਼ ਮੀਡੀਆ 'ਤੇ ਨਜ਼ਰ ਰੱਖਦੀ ਹੈ, ਨੇ ਵਿਵਾਦਿਤ ਉਸ ਦੇ ਪੀਸ ਟੀ ਵੀ ਨੈਟਵਰਕ ਉੱਤੇ ਕਰੀਬ 2 ਕਰੋੜ 75 ਲੱਖ ਰੁਪਏ ਦਾ ਜੁਰਮਾਨਾ ਲਾਇਆ ਹੈ। ਇਸ ਜੁਰਮਾਨੇ ਦਾ ਕਾਰਨਾ ਉਸ ਦੇ ਨਫਰਤ ਫੈਲਾਉਣ ਵਾਲੇ ਇਤਰਾਜ਼ਯੋਗ ਪ੍ਰਸਾਰਨ ਹਨ।