ਅੰਬਾਲਾ, 26 ਮਈ (ਪੋਸਟ ਬਿਊਰੋ)- ਰੇਲਵੇ ਨੇ ਸਪੈਸ਼ਲ ਟਰੇਨ ਵਿੱਚ ਵੇਟਿੰਗ ਲਿਸਟ ਬਾਰੇ ਨਿਯਮ ਬਣਾ ਦਿੱਤੇ, ਪਰ ਉਨ੍ਹਾਂ ਨੂੰ ਲਾਗੂ ਕਰਨਾ ਭੁੱਲ ਗਈ ਹੈ। ਬੀਤੀ 13 ਮਈ ਨੂੰ ਰੇਲ ਮੰਤਰਾਲੇ ਨੇ ਦੇਸ਼ ਭਰ ਦੇ ਪ੍ਰਿੰਸੀਪਲ ਚੀਫ ਕਮਰਸ਼ੀਅਲ ਮੈਨੇਜਰਜ਼ (ਪੀ ਸੀ ਸੀ ਐੱਸ) ਨੂੰ ਪੱਤਰ ਲਿਖਿਆ, ਜਿਸ ਵਿੱਚ ਏ ਸੀ ਅਤੇ ਸਲੀਪਰ ਕਲਾਸ ਦੇ ਯਾਤਰੀਆਂ ਨੂੰ ਕਿੰਨੀ-ਕਿੰਨੀ ਵੇਟਿੰਗ ਦੇਣੀ ਹੈ, ਇਸ ਦਾ ਖੁਲਾਸਾ ਕੀਤਾ ਗਿਆ ਹੈ। ਇੱਕ ਜੂਨ ਤੋਂ ਸਪੈਸ਼ਲ ਟਰੇਨਾਂ ਚੱਲਣੀਆਂ ਹਨ। ਉਨ੍ਹਾਂ ਦੀ ਵੇਟਿੰਗ ਲਿਸਟ ਤੈਅ ਸੀਮਾ ਤੋਂ ਵੱਧ ਹੈ। ਵੇਟਿੰਗ ਟਿਕਟ ਕਨਫਰਮ ਨਹੀਂ ਹੋ ਰਿਹਾ ਤਾਂ ਲੋਕ ਰੱਦ ਕਰਵਾ ਰਹੇ ਹਨ, ਪਰ ਸਟੇਸ਼ਨਾਂ 'ਤੇ ਯਾਤਰੀਆਂ ਨੂੰ ਰੱਦ ਟਿਕਟ ਦਾ ਰਿਫੰਡ ਦੇਣ ਲਈ ਪੈਸੇਂਜਰ ਰਿਜ਼ਰਵੇਸ਼ਨ ਸਿਸਟਮ (ਪੀ ਆਰ ਐੱਸ) ਕੋਲ ਪੈਸੇ ਨਹੀਂ ਹਨ। ਕਮਰਸ਼ੀਅਲ ਵਿਭਾਗ ਅਕਾਊਂਟ ਤੋਂ ਪੈਸੇ ਲੈ ਕੇ ਰਿਫੰਡ ਦੇਣਾ ਸ਼ੁਰੂ ਕਰੇਗਾ।
ਪਤਾ ਲੱਗਾ ਹੈ ਕਿ ਇਸ ਪੱਤਰ ਵਿੱਚ ਰੇਲਵੇ ਨੇ ਵੇਟਿੰਗ ਲਿਸਟ ਬਾਰੇ ਨਿਯਮ ਬਣਾਏ ਸਨ। ਉਸ ਦੇ ਤਹਿਤ ਫਸਟ ਏ ਸੀ ਅਤੇ ਐਗਜ਼ੀਕਿਊਟਿਵ ਕਲਾਸ ਵਿੱਚ ਵੀਹ-ਵੀਹ ਸੈਕਿੰਡ, ਏ ਸੀ ਵਿੱਚ ਪੰਜਾਹ, ਥਰਡ ਏ ਸੀ ਅਤੇ ਏ ਸੀ ਚੇਅਰ ਕਾਰ ਵਿੱਚ 100, ਸਲੀਪਰ ਕਲਾਸ ਵਿੱਚ 200 ਦੀ ਵੇਟਿੰਗ ਰਹੇਗੀ। ਰੇਲਵੇ ਨੇ ਜਦ ਇਨ੍ਹਾਂ ਟਰੇਨਾਂ ਦੇ ਲਈ ਟਿਕਟਾਂ ਦੀ ਬੁਕਿੰਗ ਕੀਤੀ ਤਾਂ ਜਿੰਨੀ ਗਿਣਤੀ ਤੈਅ ਕੀਤੀ ਸੀ, ਉਸ ਤੋਂ ਜ਼ਿਆਦਾ ਦੀ ਵੇਟਿੰਗ ਦੇ ਦਿੱਤੀ ਗਈ।