Welcome to Canadian Punjabi Post
Follow us on

06

July 2020
ਅੰਤਰਰਾਸ਼ਟਰੀ

ਇਜ਼ਰਾਈਲੀ ਪ੍ਰਧਾਨ ਮੰਤਰੀ ਨੇਤਨਯਾਹੂ ਉੱਤੇ ਭ੍ਰਿਸ਼ਟਾਚਾਰ ਦੇ ਕੇਸ ਦੀ ਸੁਣਵਾਈ ਸ਼ੁਰੂ

May 25, 2020 07:19 AM


ਯੇਰੂਸ਼ਲਮ, 24 ਮਈ, (ਪੋਸਟ ਬਿਊਰੋ)- ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਉੱਤੇ ਭ੍ਰਿਸ਼ਟਾਚਾਰ ਦੇ ਕੇਸ ਦੀ ਸੁਣਵਾਈ ਅੱਜ ਐਤਵਾਰ ਸ਼ੁਰੂ ਹੋ ਗਈ ਹੈ। ਜ਼ਿਲ੍ਹਾ ਅਦਾਲਤ ਵਿੱਚ ਪੇਸ਼ ਹੋਏ ਨੇਤਨਯਾਹੂ ਨੇ ਕਿਹਾ ਕਿ ਉਨ੍ਹਾਂ ਦੇ ਖਿਲਾਫ ਲਾਏ ਗਏ ਦੋਸ਼ ਬੇਬੁਨਿਆਦ ਹਨ ਅਤੇ ਉਹ ਸੱਚੇ ਸਾਬਤ ਹੋ ਕੇ ਨਿਕਲਣਗੇ। ਸਭ ਤੋਂ ਲੰਬਾ ਸਮਾਂ 11 ਸਾਲਾਂ ਤੋਂ ਆਪਣੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਰਹਿ ਚੁੱਕੇ ਉੱਤੇ ਨੇਤਨਯਾਹੂ ਉੱਤੇ ਇਸ ਅਹੁਦੇ ਉੱਤੇ ਹੋਣ ਦੌਰਾਨ ਅਦਾਲਤੀ ਕਾਰਵਾਈ ਵਿੱਚ ਸ਼ਾਮਲ ਹੋਣ ਦੇ ਨਾਲ ਉਹ ਇਹ ਨਮੋਸ਼ੀ ਝੱਲਣ ਵਾਲੇ ਇਸ ਦੇਸ਼ ਦੇ ਪਹਿਲੇ ਪ੍ਰਧਾਨ ਮੰਤਰੀ ਹੋਣਗੇ। ਵਰਨਣ ਯੋਗ ਹੈ ਕਿ 70 ਸਾਲਾ ਨੇਤਨਯਾਹੂ ਉੱਤੇ ਭ੍ਰਿਸ਼ਟਾਚਾਰ ਕਰਨ, ਰਿਸ਼ਵਤ ਲੈਣ ਤੇ ਭਰੋਸਾ ਤੋੜਨ ਦੇ ਤਿੰਨ ਦੋਸ਼ ਲੱਗੇ ਹਨ। ਉਨ੍ਹਾਂ ਨੇ ਇਸੇ ਮਹੀਨੇ ਗੱਠਜੋੜ ਸਰਕਾਰ ਦੇ ਮੁਖੀ ਵਜੋਂ ਆਪਣਾ ਨਵਾਂ ਕਾਰਜਕਾਲ ਸ਼ੁਰੂ ਕੀਤਾ ਹੈ।
ਅੱਜ ਮੀਡੀਆ ਨਾਲ ਗੱਲਬਾਤ ਦੌਰਾਨ ਨੇਤਨਯਾਹੂ ਨੇ ਕਿਹਾ ਕਿ ਪਹਿਲੇ ਦਿਨ ਤੋਂ ਉਨ੍ਹਾਂ ਨੂੰ ਫਸਾਉਣ ਦੀ ਕੋਸ਼ਿਸ਼ ਹੋ ਰਹੀ ਸੀ, ਜਿਸ ਹੇਠ ਝੂਠੇ ਕੇਸ ਬਣਾਏ ਅਤੇ ਬੇਬੁਨਿਆਦ ਦੋਸ਼ ਲਾਏ ਗਏ ਸਨ। ਇਹ ਉਨ੍ਹਾਂ ਨੂੰ ਸੱਤਾ ਤੋਂ ਹਟਾਉਣ ਦੀ ਸਾਜ਼ਿਸ਼ ਹੈ। ਉਨ੍ਹਾਂ ਭਰੋਸੇ ਨਾਲ ਕਿਹਾ ਕਿ ਉਹ ਕਾਨੂੰਨੀ ਸੁਣਵਾਈ ਵਿੱਚ ਸਾਫ਼ ਨਿਕਲਣਗੇ। ਇਸ ਪਿੱਛੋਂ ਉਨ੍ਹਾਂ ਨੇ ਜੱਜਾਂ ਦੇ ਕਲਲ ਪੇਸ਼ ਹੋ ਕੇ ਆਪਣੇ ਉੱਤੇ ਲੱਗੇ ਦੋਸ਼ਾਂ ਦੇ ਅਧਿਐਨ ਕਰਨ ਤੇ ਉਨ੍ਹਾਂ ਨੂੰ ਸਮਝਣ ਲਈ ਸਮਾਂ ਮੰਗਿਆ। ਨੇਤਨਯਾਹੂ ਦੇ ਵਕੀਲ ਮੀਕਾ ਫੇਟਮੈਨ ਨੇ ਪ੍ਰਧਾਨ ਮੰਤਰੀ ਉੱਤੇ ਲੱਗੇ ਦੋਸ਼ਾਂ ਦੇ ਲੋੜੀਂਦੇ ਸਬੂਤ ਨਾ ਹੋਣ ਦੀ ਗੱਲ ਕਹੀ ਹੈ।
ਇਸ ਤੋਂ ਪਹਿਲਾਂ ਤਿੰਨ ਜੱਜਾਂ ਦੇ ਬੈਂਚ ਨੇ ਪਿਛਲੇ ਬੁੱਧਵਾਰ ਪ੍ਰਧਾਨ ਮੰਤਰੀ ਨੇਤਨਯਾਹੂ ਵੱਲੋਂ ਦਿੱਤੀ ਪੇਸ਼ੀ ਤੋਂ ਛੋਟ ਦੀ ਅਰਜ਼ੀ ਰੱਦ ਕਰ ਦਿੱਤੀ ਤੇ ਉਨ੍ਹਾ ਨੂੰ ਹੁਕਮ ਦਿੱਤਾ ਸੀ ਕਿ ਦੋਸ਼-ਪੱਤਰ ਪੜ੍ਹੇ ਜਾਣ ਵੇਲੇ ਅਦਾਲਤ ਵਿੱਚ ਮੌਜੂਦ ਹੋਣ। ਅਦਾਲਤ ਨੇ ਕਿਹਾ ਸੀ ਕਿ ਪ੍ਰਧਾਨ ਮੰਤਰੀ ਦੀ ਪੇਸ਼ੀ ਤੋਂ ਛੋਟ ਦੀ ਅਰਜ਼ੀ ਮਨਜ਼ੂਰ ਕਰਨਾ ਨਿਯਮਾਂ ਤੇ ਪ੍ਰੰਪਰਾ ਦੇ ਖ਼ਿਲਾਫ਼ ਹੈ, ਇਸ ਲਈ ਇਹ ਅਰਜ਼ੀ ਰੱਦ ਕੀਤੀ ਹੈ। ਨੇਤਨਯਾਹੂ ਨੇ ਹਾਜ਼ਰੀ ਤੋਂ ਛੋਟ ਲਈ ਕੋਵਿਡ-19 ਤੋਂ ਬਚਾਅ ਵਾਲੇ ਪ੍ਰਬੰਧਾਂ ਦਾ ਬਹਾਨਾ ਬਣਾਇਆ ਸੀ, ਪਰ ਅਦਾਲਤ ਨੇ ਮੰਨਿਆ ਨਹੀਂ ਸੀ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਕੋਰੋਨਾ ਦਾ ਕਹਿਰ: 239 ਵਿਗਿਆਨੀਆਂ ਵੱਲੋਂ ਸੰਸਾਰ ਸਿਹਤ ਸੰਗਠਨ ਨੂੰ ਸਾਂਝੀ ਚੇਤਾਵਨੀ
ਕੋਰੋਨਾ ਵਾਇਰਸ ਦੀ ਮਾਰ: ਬ੍ਰਾਜ਼ੀਲ ਵਿੱਚ ਇੱਕੋ ਦਿਨ ਵਿੱਚ 37,923 ਨਵੇਂ ਕੇਸ ਪਤਾ ਲੱਗੇ
ਇਮਰਾਨ ਦੀ ਪਤਨੀ ਤੇ ਫੌਜ ਬਾਰੇ ਟਿੱਪਣੀਆਂ ਕਰਨ ਵਾਲੀ ਵਿਧਾਇਕ ਪਾਰਟੀ ਵਿੱਚੋਂ ਕੱਢੀ ਗਈ
ਅਮਰੀਕਾ ਦੇ ਰਾਸ਼ਟਰਪਤੀ ਦੀ ਚੋਣ ਦੀ ਦੌੜ ਵਿੱਚ ਸ਼ਾਮਲ ਹੋਣਗੇ ਕਾਨੇਯੇ ਵੈਸਟ
ਨਾਇਕਾਂ ਨੂੰ ਬਦਨਾਮ ਕਰ ਰਹੇ ਹਨ ਮੁਜ਼ਾਹਰਾਕਾਰੀ : ਟਰੰਪ
ਅਮਰੀਕੀ ਚੋਣਾਂ: ਰੁਝਾਨਾਂ ਵਿੱਚ ਡੋਨਾਲਡ ਟਰੰਪ ਪਿਛੜਿਆ, ਬਿਡੇਨ ਦੀ ਪਕੜ ਮਜ਼ਬੂਤ
ਯੂ ਕੇ ਪੁਲਸ ਵੱਲੋਂ ਅਪਰਾਧੀਆਂ ਖ਼ਿਲਾਫ਼ ਇੱਕ ਵੱਡੀ ਕਾਰਵਾਈ ਦੌਰਾਨ 746 ਲੋਕ ਗ਼੍ਰਿਫ਼ਤਾਰ
ਕ੍ਰਾਈਸਟਚਰਚ ਵਿੱਚ ਮਸਜਿਦਾਂ ਵਿੱਚ 51 ਲੋਕਾਂ ਦਾ ਕਤਲ ਕਰਨ ਵਾਲੇ ਨੂੰ ਸਜ਼ਾ24 ਅਗਸਤ ਨੂੰ ਹੋਵੇਗੀ
ਅਮਰੀਕੀ ਪਾਰਲੀਮੈਂਟ ਨੇ ਹਾਂਗਕਾਂਗ ਮਾਮਲੇ ਬਾਰੇ ਚੀਨ ਵਿਰੁੱਧ ਬਿੱਲ ਪਾਸਕੀਤਾ
ਇੰਗਲੈਂਡ 'ਚ ਪੰਜਾਬੀ ਨੂੰ ਕਤਲ ਕੇਸ ਵਿੱਚ 10 ਸਾਲ ਕੈਦ