Welcome to Canadian Punjabi Post
Follow us on

06

July 2020
ਅੰਤਰਰਾਸ਼ਟਰੀ

ਚੀਨ ਵੱਲੋਂ ਅਮਰੀਕਾ ਉੱਤੇ ਦੁਵੱਲੇ ਸਬੰਧਾਂ ਵਿੱਚ ਨਵੀਂ ਕੋਲਡ ਵਾਰ ਛੇੜਨ ਦਾ ਦੋਸ਼

May 25, 2020 07:17 AM

* ਹਾਂਗ ਕਾਂਗ ਮੁੱਦੇ ਉੱਤੇ ਵਿਦੇਸ਼ੀ ਦਖਲ ਵਿਰੁੱਧ ਚੇਤਾਵਨੀ


ਬੀਜਿੰਗ, 24 ਮਈ, (ਪੋਸਟ ਬਿਊਰੋ)- ਚੀਨ ਨੇ ਅੱਜ ਐਤਵਾਰ ਨੂੰ ਅਮਰੀਕਾ ਉੱਤੇ ਦੋਸ਼ ਲਾਇਆ ਹੈ ਕਿ ਉਹ ਕੋਰੋਨਾ ਵਾਇਰਸ ਦੇ ਮੁੱਦੇ ਉੱਤੇ ਝੂਠ ਫੈਲਾ ਕੇ ਦੁਵੱਲੇ ਸਬੰਧਾਂ ਵਿੱਚ ਨਵੀਂ ਕੋਲਡ ਵਾਰ ਛੇੜ ਰਿਹਾ ਹੈ। ਉਂਜ ਚੀਨ ਨੇ ਕਿਹਾ ਕਿ ਉਹ ਕੋਰੋਨਾ ਵਾਇਰਸ ਦੇ ਮੁੱਢ ਦਾ ਪਤਾ ਲਾਉਣ ਲਈ ਸੰਸਾਰ ਕੋਸ਼ਿਸ਼ਾਂ ਵਿੱਚ ਸ਼ਾਮਲ ਰਹੇਗਾ।
ਅੱਜ ਇਸ ਬਾਰੇ ਚੀਨ ਦੇ ਵਿਦੇਸ਼ ਮੰਤਰੀ ਵਾਂਗ ਯੀ ਨੇ ਸਾਫ ਕਿਹਾ ਕਿ ਕੋਵਿਡ-19 ਬਾਰੇ ਚੀਨ ਖਿਲਾਫ ਕਾਨੂੰਨੀ ਜਾਂ ਅੰਤਰਰਾਸ਼ਟਰੀ ਵਿਆਖਿਆ ਦਾ ਕੋਈ ਵੀ ਕੇਸ ਤੱਥਾਂ ਤੋਂ ਵਾਂਝਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਚੀਨ ਦੇ ਖਿਲਾਫ ਅਮਰੀਕਾ ਵਿਚ ਕੋਵਿਡ-19 ਲਈ ਮੁਆਵਜ਼ੇ ਦੀ ਮੰਗ ਕਰਨ ਦਾ ਮੁਕੱਦਮਾ ਬਿਨਾਂ ਸਬੂਤਾਂ ਤੋਂ ਕਿਸੇ ਪੀੜਤ ਧਿਰ ਨੂੰ ਧਮਕੀ ਦੇਣ ਦੀ ਕੋਸ਼ਿਸ਼ ਕਰਨ ਵਰਗਾ ਹੈ, ਕਿਉਂਕਿ ਚੀਨ ਤਾਂ ਖੁਦ ਇਸ ਤੋਂ ਪੀੜਤ ਹੈ।
ਵਰਨਣ ਯੋਗ ਹੈ ਕਿ ਕੋਰੋਨਾ ਵਾਇਰਸ ਬਾਰੇ ਸਮੇਂ ਸਿਰ ਜਾਣਕਾਰੀ ਨਾ ਦੇਣ ਤੇ ਵਾਇਰਸ ਦੇ ਪੈਦਾ ਹੋਣ ਦੇ ਸਥਾਨ ਬਾਰੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਤੇ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਦੋਵੇਂ ਜਣੇ ਲਗਾਤਾਰ ਚੀਨ ਦੇ ਖਿਲਾਫ ਬੋਲ ਰਹੇ ਹਨ। ਇਸ ਬਾਰੇ ਚੀਨੀ ਵਿਦੇਸ਼ ਮੰਤਰੀ ਵਾਂਗ ਯੀ ਨੇ ਆਪਣੀ ਸਾਲਾਨਾ ਮੀਡੀਆ ਕਾਨਫਰੰਸ ਵਿੱਚ ਆਪਣੇ ਦੇਸ਼ ਦਾ ਪੱਖ ਪੇਸ਼ ਕੀਤਾ ਤੇ ਅਮਰੀਕਾ ਉੱਤੇ ਚੀਨ ਨੂੰ ਬਦਨਾਮ ਕਰਨ ਲਈ ਸਿਆਸੀ ਵਾਇਰਸ ਫੈਲਾਉਣ ਦਾ ਦੋਸ਼ ਲਾਇਆ। ਵਿਦੇਸ਼ ਮੰਤਰੀ ਵਾਂਗ ਯੀ ਨੇ ਕਿਹਾ ਕਿ ਚੀਨ ਵੀ ਹੋਰ ਦੇਸ਼ਾਂ ਵਾਂਗ ਇਸ ਗਲੋਬਲ ਮਹਾਮਾਰੀ ਦਾ ਸ਼ਿਕਾਰ ਹੋਇਆ ਹੈ ਅਤੇ ਲੋੜਵੰਦ ਸਰਕਾਰਾਂ ਦੀ ਮਦਦ ਵੀ ਕੀਤੀ ਹੈ। ਉਨ੍ਹਾ ਕਿਹਾ ਕਿ ਤੱਥਾਂ ਤੋਂ ਅਣਜਾਣ ਕੁਝ ਅਮਰੀਕੀ ਲੀਡਰ ਬਹੁਤ ਝੂਠ ਬੋਲ ਰਹੇ ਹਨ ਤੇ ਕਈ ਸਾਜ਼ਿਸ਼ਾਂ ਵੀ ਰਚੀਆਂ ਗਈਆਂ ਹਨ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਦੇ ਮੁਕੱਦਮੇ ਅੰਤਰਰਾਸ਼ਟਰੀ ਕਾਨੂੰਨ ਦੀ ਕਸੌਟੀ ਉੱਤੇ ਖਰੇ ਨਹੀਂ ਉਤਰਦੇ ਤੇ ਚੀਨ ਦੇ ਖਿਲਾਫ ਏਦਾਂ ਦੇ ਦੋਸ਼ ਲਾਉਣ ਅਤੇ ਦਿਨੇ ਸੁਪਨੇ ਦੇਖਣ ਵਾਲੇ ਆਪਣੀ ਬੇਇੱਜ਼ਤੀ ਕਰਾਉਣਗੇ। ਉਨ੍ਹਾ ਕਿਹਾ ਕਿ ਅਮਰੀਕਾ ਦੀਆਂ ਕੁਝ ਸਿਆਸੀ ਤਾਕਤਾਂ ਚੀਨ-ਅਮਰੀਕਾ ਸਬੰਧਾਂ ਵਿਚ ਰੁਕਾਵਟ ਪਾ ਰਹੀਆਂ ਹਨ ਤੇ ਦੋਵਾਂ ਦੇਸ਼ਾਂ ਨੂੰ ਨਵੀਂ ਕੋਲਡ ਵਾਰ ਦੇ ਕੰਢੇ ਉੱਤੇ ਲਿਆਉਣਾ ਚਾਹੁੰਦੀਆਂ ਹਨ।
ਇਸ ਮੌਕੇ ਵਾਂਗ ਯੀ ਨੇ ਹਾਂਗ ਕਾਂਗ ਦੇ ਵਿਵਾਦਿਤ ਨਵੇਂ ਸੁਰੱਖਿਆ ਕਾਨੂੰਨ ਨੂੰ ਲਾਗੂ ਕਰਨ ਬਾਰੇ ਕਿਹਾ ਕਿ ਬ੍ਰਿਟੇਨ ਦੀ ਬਸਤੀ ਰਹਿ ਚੁੱਕੇ ਖੇਤਰ ਹਾਂਗ ਕਾਂਗ ਉੱਤੇ ਬਹੁਤੇ ਗੈਰ-ਕਾਨੂੰਨੀ ਵਿਦੇਸ਼ੀ ਦਖਲ ਕਾਰਨ ਚੀਨ ਦੀ ਸੁਰੱਖਿਆ ਦੇ ਲਈ ਗੰਭੀਰ ਖਤਰਾ ਹੋ ਗਿਆ ਹੈ। ਵਰਨਣ ਯੋਗ ਹੈ ਕਿ ਅਮਰੀਕੀ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਚੀਨ ਦੇ ਨਵੇਂ ਕਾਨੂੰਨ ਨੂੰ ਹਾਂਗ ਕਾਂਗ ਲਈ ਮੌਤ ਦੀ ਘੰਟੀ ਕਿਹਾ ਸੀ। ਵਾਂਗ ਨੇ ਹਾਂਗ ਕਾਂਗ ਵਿਚ ਵਿਦੇਸ਼ੀ ਦਖਲ ਦੇ ਖਿਲਾਫ ਚਿਤਾਵਨੀ ਦਿੰਦੇ ਹੋਏ ਕਿਹਾ ਕਿ ਇਹ ਸਾਡਾ ਅੰਦਰੂਨੀ ਮੁੱਦਾ ਹੈ ਤੇ ਕਿਸੇ ਕੋਈ ਬਾਹਰੀ ਦਖਲ ਦਰਦਾਸ਼ਤ ਨਹੀਂ ਕਰਾਂਗੇ। ਉਨ੍ਹਾਂ ਕਿਹਾ ਕਿ ਹਾਂਗ ਕਾਂਗ ਲਈ ਜੁਡੀਸ਼ਲ ਪ੍ਰਬੰਧ ਤੇ ਇਮੀਗਰੇਸ਼ਨ ਦੇ ਨਿਯਮ ਬਣਾਉਣਾ ਤੇ ਉਨ੍ਹਾਂ ਦਾ ਸੁਧਾਰ ਕਰਨਾ ਰਾਸ਼ਟਰੀ ਸੁਰੱਖਿਆ ਦੀ ਪਹਿਲ ਬਣ ਗਿਆ ਹੈ, ਜਿਸ ਨੂੰ ਬਿਨਾਂ ਦੇਰੀ ਲਾਗੂ ਕਰਨਾ ਬਣਦਾ ਹੈ। ਹਾਂਗ ਕਾਂਗ ਦੇ ਜੁਡੀਸ਼ਲ ਪ੍ਰਬੰਧ ਤੇ ਇਮੀਗਰੇਸ਼ਨ ਨਿਯਮ ਕਾਇਮ ਕਰਨ ਅਤੇ ਇਨ੍ਹਾਂ ਦੇ ਸੁਧਾਰ ਲਈ ਬਿੱਲ ਦਾ ਖਰੜਾ ਬੀਤੇ ਸ਼ੁੱਕਰਵਾਰ ਚੀਨ ਦੀ ਪਾਰਲੀਮੈਂਟ ਵਿਚ ਪੇਸ਼ ਕੀਤਾ ਗਿਆ ਸੀ ਤੇ ਆਸ ਜਤਾਈ ਜਾ ਰਹੀ ਹੈ ਕਿ 28 ਮਈ ਨੂੰ ਇਹ ਪਾਸ ਵੀ ਹੋ ਜਾਵੇਗਾ।

 

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਕੋਰੋਨਾ ਦਾ ਕਹਿਰ: 239 ਵਿਗਿਆਨੀਆਂ ਵੱਲੋਂ ਸੰਸਾਰ ਸਿਹਤ ਸੰਗਠਨ ਨੂੰ ਸਾਂਝੀ ਚੇਤਾਵਨੀ
ਕੋਰੋਨਾ ਵਾਇਰਸ ਦੀ ਮਾਰ: ਬ੍ਰਾਜ਼ੀਲ ਵਿੱਚ ਇੱਕੋ ਦਿਨ ਵਿੱਚ 37,923 ਨਵੇਂ ਕੇਸ ਪਤਾ ਲੱਗੇ
ਇਮਰਾਨ ਦੀ ਪਤਨੀ ਤੇ ਫੌਜ ਬਾਰੇ ਟਿੱਪਣੀਆਂ ਕਰਨ ਵਾਲੀ ਵਿਧਾਇਕ ਪਾਰਟੀ ਵਿੱਚੋਂ ਕੱਢੀ ਗਈ
ਅਮਰੀਕਾ ਦੇ ਰਾਸ਼ਟਰਪਤੀ ਦੀ ਚੋਣ ਦੀ ਦੌੜ ਵਿੱਚ ਸ਼ਾਮਲ ਹੋਣਗੇ ਕਾਨੇਯੇ ਵੈਸਟ
ਨਾਇਕਾਂ ਨੂੰ ਬਦਨਾਮ ਕਰ ਰਹੇ ਹਨ ਮੁਜ਼ਾਹਰਾਕਾਰੀ : ਟਰੰਪ
ਅਮਰੀਕੀ ਚੋਣਾਂ: ਰੁਝਾਨਾਂ ਵਿੱਚ ਡੋਨਾਲਡ ਟਰੰਪ ਪਿਛੜਿਆ, ਬਿਡੇਨ ਦੀ ਪਕੜ ਮਜ਼ਬੂਤ
ਯੂ ਕੇ ਪੁਲਸ ਵੱਲੋਂ ਅਪਰਾਧੀਆਂ ਖ਼ਿਲਾਫ਼ ਇੱਕ ਵੱਡੀ ਕਾਰਵਾਈ ਦੌਰਾਨ 746 ਲੋਕ ਗ਼੍ਰਿਫ਼ਤਾਰ
ਕ੍ਰਾਈਸਟਚਰਚ ਵਿੱਚ ਮਸਜਿਦਾਂ ਵਿੱਚ 51 ਲੋਕਾਂ ਦਾ ਕਤਲ ਕਰਨ ਵਾਲੇ ਨੂੰ ਸਜ਼ਾ24 ਅਗਸਤ ਨੂੰ ਹੋਵੇਗੀ
ਅਮਰੀਕੀ ਪਾਰਲੀਮੈਂਟ ਨੇ ਹਾਂਗਕਾਂਗ ਮਾਮਲੇ ਬਾਰੇ ਚੀਨ ਵਿਰੁੱਧ ਬਿੱਲ ਪਾਸਕੀਤਾ
ਇੰਗਲੈਂਡ 'ਚ ਪੰਜਾਬੀ ਨੂੰ ਕਤਲ ਕੇਸ ਵਿੱਚ 10 ਸਾਲ ਕੈਦ