ਕਾਨਪੁਰ, 24 ਮਈ (ਪੋਸਟ ਬਿਊਰੋ)- ਕੋਰੋਨਾ ਵਾਇਰਸ ਕਾਰਨ ਪੂਰੀ ਦੁਨੀਆ 'ਚ ਜਦੋਂ ਪੰਜ-ਛੇ ਮਹੀਨਿਆਂ ਤੋਂ ਹਾਲਾਤ ਖਰਾਬ ਹੋਏ ਪਏ ਹਨ, ਓਦੋਂ ਇਸ ਦੌਰਾਨ ਕਈ ਰਿਸ਼ਤੇ ਵੀ ਨਵੇਂ ਜੁੜ ਰਹੇ ਹਨ। ਇਸ ਦੀ ਮਿਸਾਲ ਕਾਨਪੁਰ ਦੇ ਅਨਿਲ ਅਤੇ ਨੀਲਮ ਹਨ। ਇਨ੍ਹਾਂ ਦੀ ਮੁਹੱਬਤ ਦੀ ਕਹਾਣੀ ਕਿਸੇ ਫਿਲਮੀ ਕਹਾਣੀ ਜਿੰਨੀ ਦਿਲਚਸਪ ਹੈ।
ਕਾਨਪੁਰ ਦੀ ਕੁੜੀ ਨੀਲਮ ਨੂੰ ਉਸ ਦੇ ਭਰਾ-ਭਾਬੀ ਨੇ ਮਾਰ ਕੁੱਟ ਕਰ ਕੇ ਘਰੋਂ ਬਾਹਰ ਕੱਢ ਦਿੱਤਾ ਅਤੇ ਉਸ ਦੀ ਕੋਈ ਸਾਰ ਨਹੀਂ ਸੀ ਲਈ। ਫਿਰ ਉਹ ਭਿਖਾਰੀਆਂ ਨਾਲ ਰਹਿਣ ਲੱਗ ਪਈ। ਇਸ ਦੌਰਾਨ ਕੋਰੋਨਾ ਵਾਇਰਸ ਦਾ ਕਹਿਰ ਸ਼ੁਰੂ ਹੋ ਗਿਆ ਤਾਂ ਖਾਣਾ ਦੇਣ ਵਾਲੇ ਆਉਣ ਲੱਗ ਪਏ, ਜਿਨ੍ਹਾਂ ਵਿੱਚ ਲਾਲਤਾ ਪ੍ਰਸ਼ਾਦ ਨਾ ਦਾਂ ਲੜਕਾ ਵੀ ਸੀ। ਉਥੇ ਦੋਹਾਂ ਦੀ ਮੁਲਾਕਾਤ ਹੋਈ। ਇੱਕ ਦਿਨ ਲਾਲਤਾ ਪ੍ਰਸਾਦ ਨੇ ਆਪਣੇ ਡਰਾਈਵਰ ਨੂੰ ਕਿਹਾ ਕਿ ਉਹ ਰੋਜ਼ ਨੀਲਮ ਨੂੰ ਖਾਣਾ ਪਹੁੰਚਾ ਦਿਆ ਕਰੇ ਅਤੇ ਨਾਲ ਹੋਰ ਲੋੜਵੰਦਾਂ ਨੂੰ ਵੀ ਦੇਵੇ। ਇਸ ਦੌਰਾਨ ਦੋਵਾਂ ਨੂੰ ਪਿਆਰ ਹੋ ਗਿਆ। ਗੱਲ ਲੜਕੇ ਦੇ ਪਿਤਾ ਨੂੰ ਪਤਾ ਲੱਗੀ ਤਾਂ ਉਨ੍ਹਾਂ ਨੇ ਲੜਕੀ ਦੀ ਮਰਜ਼ੀ ਪੁੱਛੀ। ਲੜਕੀ ਮੰਨ ਗਈ ਤਾਂ ਦੋਹਾਂ ਦਾ ਵਿਆਹ ਕਰਵਾ ਦਿੱਤਾ ਗਿਆ।