* ਸੈਂਕਿੰਡ ਤੋਂ ਘੱਟ ਸਮੇਂ ਵਿੱਚ ਹਜ਼ਾਰ ਐਚ ਡੀ ਫਿਲਮਾਂ ਡਾਊਨਲੋਡ
ਮੇਲਬੋਰਨ, 24 (ਪੋਸਟ ਬਿਊਰੋ)- ਇੰਟਰਨੈੱਟ ਦੇ ਖੋਜ ਕਰਤਿਆਂ ਨੇ ਸਿੰਗਲ ਆਪਟੀਕਲ ਚਿਪ ਦੀ ਮਦਦ ਨਾਲ ਸਭ ਤੋਂ ਤੇਜ਼ ਇੰਟਰਨੈੱਟ ਸਪੀਡ ਬਣਾ ਲਈ ਹੈ। ਇਹ ਸਪੀਡ ਇੰਨ੍ਹੀ ਤੇਜ਼ ਹੈ ਕਿ ਸੈਂਕਿੰਡ ਤੋਂ ਘੱਟ ਸਮੇਂ ਵਿੱਚ 1000 ਐਚ ਡੀ ਫਿਲਮਾਂ ਡਾਊਸਲੋਡ ਕਰ ਸਕਦੀ ਹੈ। ਇਹ ਅੱਜ ਤੱਕ ਦੀ ਇੰਟਰਨੈੱਟ ਸਪੀਡ ਤੋਂ ਹਜ਼ਾਰ ਗੁਣਾਂ ਤੋਂ ਵੱਧ ਹੈ।
ਵਿਗਿਆਨ ਪੱਤਿਕਾ ਨੇਚਰ ਕਮਿਊਨੀਕੇਸ਼ ਵਿੱਚ ਛਾਪੇ ਗਏ ਇੱਕ ਅਧਿਐਨ ਮੁਤਾਬਕ ਆਸਟ੍ਰੇਲੀਆ ਦੀ ਮੋਨਾਸ਼ ਯੂਨੀਵਰਸਿਟੀ ਦੇ ਬਿਲ ਕਾਕੋਰਨ ਤੇ ਉਨ੍ਹਾਂ ਦੇ ਸਾਥੀਆਂ ਨੇ ਲਾਈਟ ਸੋਰਸ ਤੋਂ 44,2 ਟੇਰਾਬਿਟ ਪ੍ਰਤੀ ਸੈਂਕੇਡ ਦੀ ਸਪੀਡ ਰਿਕਾਰਡ ਕੀਤੀ ਹੈ। ਇਸ ਖੋਜ ਦੀ ਮਦਦ ਨਾਲ ਟੈਲੀ ਕਮਿਊਨੀਕੇਸ਼ ਸਮਰੱਥਾ ਨੂੰ ਤੇਜ਼ੀ ਨਾਲ ਵਧਾਉਣ ਦੀ ਮਦਦ ਮਿਲ ਸਕਦੀ ਹੈ। ਉਨ੍ਹਾ ਦੱਸਿਆ ਕਿ ਮੌਜੂਦਾ ਫਾਈਬਰ ਆਪਟਿਕ ਟੈਕਨੋਲਾਜੀ ਵਿੱਚ ਨਵਾਂ ਜੰਤਰ ਲਾ ਕੇ ਇਹ ਸਪੀਡ ਲੱਭੀ ਗਈ ਹੈ। ਖੋਜ ਕਰਤਿਆਂ ਆਰਨਨ ਮਿਸ਼ੇਲ ਨੇ ਕਿਹਾ ਕਿ ਸ਼ੁਰੂ ਦੇ ਪੱਧਰ ਉੱਤੇ ਡਾਟਾ ਸੈਂਟਰਸ ਤੋਂ ਅਲਟਰਾ ਹਾਈ ਸਪੀਡ ਕਮਿਊਨੀਕੇਸ਼ ਵਿੱਚ ਇਸ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਉਨ੍ਹਾ ਨੇ ਆਰ ਐਸ ਆਈ ਟੀ ਯੂਨੀਵਰਸਿਟੀ ਦੇ ਮੈਲਬੋਰਨ ਸਿਟੀ ਕੈਂਪਸ ਅਤੇ ਮੋਨਾਸ਼ ਯੂਨੀਵਰਸਿਟੀ ਦੇ ਕਲੇਟਨ ਕੈਂਪਸ ਵਿੱਚ ਦੇ 76.6 ਕਿਲੋਮੀਟਰ ਦੇ ਆਪਟੀਕਲ ਫਾਈਬਰ ਦੇ ਵਿੱਚ ਇਹ ਤਜਰਬਾ ਕੀਤਾ ਹੈ। ਇਹ ਡਿਵਾਈਸ 80 ਲੇਜਰ ਨੂੰ ਇੱਕ ਸਾਥ ਮਿਲਾ ਕੇ ਕੰਮ ਕਰਦੀ ਹੈ। ਵਿਗਿਆਨਿਕਾਂ ਨੇ ਕਿਹਾ ਕਿ ਕੋਰੋਨਾ ਦੇ ਕਾਰਨ ਜਿਵੇਂ ਲੋਕਾਂ ਨੂੰ ਘਰ ਵਿੱਚ ਰਹਿ ਕੇ ਕੰਮ ਕਰਨਾ ਪੈ ਰਿਹਾ ਹੈ, ਉਸ ਨਾਲ ਇੰਟਰਨੈੱਟ ਦੀ ਮੰਗ ਵਧੀ ਅਤੇ ਪਤਾ ਲੱਗਾ ਹੈ ਕਿ ਸਾਨੂੰ ਇੰਟਰਨੈੱਟ ਦੀ ਸਮਰੱਥਾ ਵਧਾਉਣ ਦੀ ਲੋੜ ਹੈ। ਭਵਿੱਖ ਵਿੱਚ ਕਾਰ ਚਲਾਉਣ ਤੋਂ ਲੈ ਕੇ ਡਾਕਟਰੀ ਅਤੇ ਸਿੱਖਿਆ ਵਰਗੇ ਖੇਤਰਾਂ ਵਿੱਚ ਇੰਟਰਨੈੱਟ ਦੀ ਵਰਤੋਂ ਹੋਰ ਵੀ ਵਧੇਗੀ।