Welcome to Canadian Punjabi Post
Follow us on

24

September 2020
ਟੋਰਾਂਟੋ/ਜੀਟੀਏ

ਮੇਅਰ ਪੈਟਿ੍ਰਕ ਬ੍ਰਾਊਨ ਨੇ ਕੀਤਾ ਪੰਜਾਬੀ ਫੂਡ ਸੇਵਾ ਦੇ ਵਲੰਟੀਅਰਜ਼ ਦਾ ਧੰਨਵਾਦ

May 22, 2020 09:59 AM

ਬਰੈਂਪਟਨ, 21 ਮਈ (ਪੋਸਟ ਬਿਊਰੋ)- ਜਿਸ ਦਿਨ ਤੋਂ ਕੈਨੇਡਾ ’ਚ ਲੌਕਡਾਊਨ ਸ਼ੁਰੂ ਹੋਇਆ ਹੈ, ਉਸ ਦਿਨ ਤੋਂ ਹੀ ਪੰਜਾਬੀ ਫੂੂਡ ਸੇਵਾ ਵਲੋਂ ਜਰੂਰਤਮੰਦ ਲੋਕਾਂ ਲਈ ਖਾਣਾ ਮੁਹੱਈਆ ਕਰਵਾਉਣ ਦੀ ਸੇਵਾ ਆਰੰਭ ਕਰ ਦਿੱਤੀ ਗਈ ਸੀ। ਅੱਜ ਇਸ ਮੁਹਿੰਮ ਨੂੰ ਚੱਲਦਿਆਂ ਪੂਰੇ 62 ਦਿਨ ਹੋ ਚੁੱਕੇ ਹਨ।ਦੋ ਮਹੀਨੇ ਦਾ ਇਹ ਸਫ਼ਰ ਤੈਅ ਕਰਨ ਉਤੇ ਬਰੈਂਪਟਨ ਦੇ ਮੇਅਰ ਪੈਟਿ੍ਰਕ ਬ੍ਰਾਊਨ ਕੱਲ੍ਹ ਉੇਚੇਚੇ ਤੌਰ ’ਤੇ ਬਰੈਂਪਟਨ ਸਥਿਤ ਪੰਜਾਬੀ ਫੂਡ ਸੇਵਾ ਦੀ ਯੁਨਿਟ ਵਿਚ ਆਏ।ਇਸ ਮੌਕੇ ਜਿਥੇ ਪੰਜਾਬੀ ਫੂਡ ਸੇਵਾ ਨਾਲ ਜੁੜੇ ਵਲੰਟੀਅਰ ਮੌਜੂਦ ਸਨ, ਉਥੇ ਹੀ ਪੰਜਾਬੀ ਭਾਈਚਾਰੇ ਦੀਆਂ ਕਈ ਜਾਣੀਆਂ ਪਹਿਚਾਣੀਆਂ ਸ਼ਖਸੀਅਤਾਂ ਵੀ ਮੌਜੂਦ ਸਨ।ਪੰਜਾਬੀ ਫੂਡ ਸੇਵਾ ਦੇ ਸੰਚਾਲਕ ਜਗਰਾਜ ਸਿੱਧੂ ਨੇ ਸਾਰੇ ਹੀ ਵਲਟੀਅਰਜ਼ ਦਾ ਧੰਨਵਾਦ ਕੀਤਾ ਤੇ ਇਸ ਦੇ ਨਾਲ ਹੀ ਜਿਨ੍ਹਾਂ ਵਲੋਂ ਰਸਦ ਦਾਨ ਕੀਤੀ ਗਈ, ਉਨ੍ਹਾਂ ਦਾ ਵੀ ਧੰਨਵਾਦ ਕੀਤਾ ਗਿਆ।ਜਗਰਾਜ ਸਿੱਧੂ ਨੇ ਦੱਸਿਆ ਕਿ ਕੋਈ ਹਿਸਾਬ ਹੀ ਨਹੀਂ ਕਿ ਕਿਥੋਂ ਇਹ ਸਾਰੀ ਰਸਦ ਆ ਰਹੀ ਹੈ ਤੇ ਨਾਲ ਦੀ ਨਾਲ ਇਹ ਸਭ ਕੁੱਝ ਕਿਥੇ ਜਾ ਰਿਹਾ ਹੈ। ਗੋਲੂ ਇਆਲੀ, ਜੋ ਪਹਿਲੇ ਦਿਨ ਤੋਂ ਇਸ ਮੁਹਿੰਮ ਨਾਲ ਜੁੜੇ ਹੋਏ ਹਨ, ਉਨ੍ਹਾਂ ਦੱਸਿਆ ਕਿ ਇਹ ਨਾ ਸਿਰਫ਼ ਪੰਜਾਬੀਆਂ ਲਈ, ਉਸ ਦੇ ਨਾਲ ਹੀ ਵੱਖ-ਵੱਖ ਕਮਿਉਨੀਟੀਜ਼ ਦੇ ਲੋਕ ਵੀ ਆ ਰਹੇ ਹਨ। ਕਾਲੇ ਭਾਈਚਾਰੇ ਤੋਂ ਸੀਰੀਅਨ, ਪਾਕਿਸਤਾਨੀ ਮੂਲ ਦੇ ਤੇ ਹੋਰ ਬਹੁਤ ਸਾਰੇ ਲੋਕ, ਜੋ-ਜੋ ਜਰੂਰਤਮੰਦ ਹੈ, ਉਹ ਇਥੋਂ ਬਿਨਾਂ ਕਿਸੇ ਹਿਚਕਿਚਾਹਟ ਤੋਂ ਰਸਦ ਲੈ ਕੇ ਜਾ ਰਿਹਾ ਹੈ।ਜਗਦੀਸ਼ ਗਰੇਵਾਲ ਵਲੋਂ ਮੇਅਰ ਪੈਟਿ੍ਰਕ ਬ੍ਰਾਊਨ ਨੂੰ ਫੂਡ ਸੇਵਾ ਬਾਰੇ ਜਾਣਕਾਰੀ ਦਿੱਤੀ ਗਈ ਅਤੇ ਨਵੀਂ ਯੁਨਿਟ ਜੋ ਕਿ ਬਰੈਂਪਟਨ ਵਿਚ ਨਾਰਥ ਪਾਰਕ ਤੇ ਏਅਰਪੋਰਟ ਦੇ ਕਾਰਨਰ ’ਤੇ ਸਥਿਤ ਹੈ, ਵਿਚ ਤਰਤੀਬਵਾਰ ਰੱਖੀ ਰਸਦ ਬਾਰੇ ਜਾਣਕਾਰੀ ਦਿੱਤੀ ਗਈ।ਮੇਅਰ ਪੈਟਿ੍ਰਕ ਬ੍ਰਾਊਨ ਦੇ ਨਾਲ ਨਾਲ ਰੀਜਨਲ ਕੌਂਸਲਰ ਗੁਰਪ੍ਰੀਤ ਢਿੱਲੋਂ ਤੇ ਸਿਟੀ ਕੌਂਸਲਰ ਹਰਕੀਰਤ ਸਿੰਘ ਨੇ ਵੀ ਪੰਜਾਬੀ ਫੂਡ ਸੇਵਾ ਦੇ ਵਲੰਟੀਅਰਜ਼ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਤੇ ਉਨ੍ਹਾਂ ਕਿਹਾ ਕਿ ਅਸੀਂ ਜਦੋਂ ਕੌਂਸਲ ਵਿਚ ਬੈਠਦੇ ਹਾਂ ਤੇ ਗੱਲ ਕਰਦੇ ਹਾਂ ਸਾਨੂੰ ਵੀ ਮਾਣ ਮਹਿਸੂਸ ਹੁੰਦਾ ਹੈ ਕਿ ਸਾਡੀ ਕਮਿਉਨਿਟੀ ਤੇ ਸਾਡੇ ਭਾਈਚਾਰੇ ਦੇ ਲੋਕ ਇਸ ਤਰ੍ਹਾਂ ਮਦਦ ਕਰ ਰਹੇ ਹਨ।

Have something to say? Post your comment
ਹੋਰ ਟੋਰਾਂਟੋ/ਜੀਟੀਏ ਖ਼ਬਰਾਂ
ਮੋਦੀ ਸਰਕਾਰ ਵੱਲੋਂ ਲਿਆਂਦੀਆਂ ਜਾ ਰਹੀਆਂ ਕਿਸਾਨ ਮਾਰੂ ਨੀਤੀਆਂ ਦੀ ਓਨਟਾਰੀਓ ਗੁਰਦੁਆਰਾਜ਼ ਕਮੇਟੀ ਵੱਲੋਂ ਨਿਖੇਧੀ
ਸਕੂਲ ਦੇ ਬਾਹਰ ਸਰਿੰਜਾਂ ਸੁੱਟਣ ਵਾਲਾ ਮਸ਼ਕੂਕ ਕਾਬੂ
ਕਰਮਚਾਰੀ ਦੇ ਕੋਵਿਡ-19 ਪਾਜ਼ੀਟਿਵ ਆਉਣ ਤੋਂ ਬਾਅਦ ਇਟੋਬੀਕੋ ਵਿਚਲਾ ਪੱਬ ਬੰਦ
ਨੌਰਥ ਯੌਰਕ ਵਿੱਚ ਚੱਲੀ ਗੋਲੀ, ਇੱਕ ਗੰਭੀਰ ਜ਼ਖ਼ਮੀ
ਓਨਟਾਰੀਓ ਵਿੱਚ ਹੁਣ 60 ਫਾਰਮੇਸੀਜ਼ ਵਿੱਚ ਹੋ ਸਕਣਗੇ ਕੋਵਿਡ-19 ਸਬੰਧੀ ਟੈਸਟ
ਸਕੂਲ ਦੇ ਬਾਹਰ ਸਰਿੰਜਾਂ ਸੁੱਟਣ ਵਾਲੇ ਮਸ਼ਕੂਕ ਦੀ ਭਾਲ ਕਰ ਰਹੀ ਹੈ ਪੁਲਿਸ
ਇਸ ਹਫਤੇ ਓਨਟਾਰੀਓ ਦੇ ਹਸਪਤਾਲਾਂ ਵਿੱਚ ਸ਼ੁਰੂ ਹੋਵੇਗਾ ਸਲਾਇਵਾ ਟੈਸਟ
ਫੇਅਰਵਿਊ ਮਾਲ ਦੇ ਸੈਫੋਰਾ ਸਟੋਰ ਵਿੱਚ ਕੋਵਿਡ-19 ਕੇਸ ਪਾਏ ਜਾਣ ਦੀ ਹੋਈ ਪੁਸ਼ਟੀ
ਫਲੂ ਸ਼ੌਟ ਲਈ ਫੋਰਡ ਨੇ 5æ1 ਮਿਲੀਅਨ ਡੋਜ਼ਿਜ਼ ਦਾ ਕੀਤਾ ਐਲਾਨ
ਵੁੱਡਬਾਈਨ ਦੇ ਇੱਕ ਕਬਾੜ ਮੈਟਲ ਯਾਰਡ ਵਿੱਚ ਲੱਗੀ ਜ਼ਬਰਦਸਤ ਅੱਗ