ਓਟਵਾ, 21 ਮਈ (ਪੋਸਟ ਬਿਊਰੋ) : ਸ਼ੌਪੀਫਾਇ ਇਨਕਾਰਪੋਰੇਸ਼ਨ ਦੇ ਚੀਫ ਐਗਜ਼ੈਕਟਿਵ ਦਾ ਕਹਿਣਾ ਹੈ ਕਿ ਕੰਪਨੀ ਦੇ ਆਫਿਸ 2021 ਤੱਕ ਬੰਦ ਰਹਿਣਗੇ ਤੇ ਇਸ ਦੇ ਬਹੁਤੇ ਇੰਪਲੌਈਜ਼ ਪਰਮਾਨੈਂਟ ਤੌਰ ਉੱਤੇ ਘਰਾਂ ਤੋਂ ਹੀ ਕੰਮ ਕਰਨਗੇ।
ਓਟਵਾ ਸਥਿਤ ਇਸ ਈ-ਕਾਮਰਸ ਕੰਪਨੀ ਦੇ ਟੋਬੀ ਲੁਟਕੇ ਨੇ ਇਹ ਐਲਾਨ ਟਵਿੱਟਰ ਉੱਤੇ ਕੀਤਾ। ਉਨ੍ਹਾਂ ਆਖਿਆ ਕਿ ਸ਼ੌਪੀਫਾਇ ਅਸਲ ਵਿੱਚ ਡਿਜੀਟਲ ਕੰਪਨੀ ਹੈ ਤੇ ਹਾਲ ਦੀ ਘੜੀ ਆਫਿਸ ਵਾਲੀ ਲੋੜ ਖਤਮ ਹੋ ਚੁੱਕੀ ਹੈ। ਇੱਕ ਮਹੀਨੇ ਪਹਿਲਾਂ ਜਦੋਂ ਕੋਵਿਡ-19 ਮਹਾਂਮਾਰੀ ਦਾ ਕੈਨੇਡਾ ਵਿੱਚ ਜ਼ੋਰ ਵਧਿਆ ਸੀ ਤਾਂ ਲੁਟਕੇ ਨੇ ਕੰਪਨੀ ਦੇ 5000 ਕਰਮਚਾਰੀਆਂ ਨੂੰ ਘਰ ਤੋਂ ਹੀ ਕੰਮ ਕਰਨ ਦੀ ਇਜਾਜ਼ਤ ਦਿੱਤੀ ਸੀ।
ਕੰਪਨੀ ਨੇ ਇਹ ਵੀ ਆਖਿਆ ਕਿ ਫਰੰਟ ਸਟਰੀਟ ਵੈਸਟ ਅਤੇ ਸਪੈਡਿਨਾ ਐਵਨਿਊ ਵਿਖੇ ਨਿਰਮਾਣ ਲਈ ਉਹ ਟੋਰਾਂਟੋ ਵਿੱਚ ਦ ਵੈਲ ਕਾਂਪਲੈਕਸ ਵਿਖੇ 253,995 ਸਕੁਏਅਰ ਫੁਟ ਲੀਜ਼ ਉੱਤੇ ਦੇਵੇਗੀ। ਇਸ ਤੋਂ ਇਲਾਵਾ ਕੰਪਨੀ ਨੇ ਆਪਣਾ ਪਹਿਲਾ ਪਰਮਾਨੈਂਟ ਆਫਿਸ ਜਨਵਰੀ ਵਿੱਚ ਡਾਊਨਟਾਊਨ ਵੈਨਕੂਵਰ ਵਿੱਚ ਖੋਲ੍ਹਦ ਦਾ ਐਲਾਨ ਵੀ ਕੀਤਾ ਜੋ ਕਿ 2020 ਦੇ ਅੰਤ ਤੱਕ ਫੋਰ ਬੈਂਟਲ ਸੈਂਟਰ ਵਿੱਚ ਬਣ ਕੇ ਤਿਆਰ ਹੋ ਜਾਵੇਗਾ।