ਮੁੰਬਈ, 21 ਮਈ (ਪੋਸਟ ਬਿਊਰੋ): ਕੋਰੋਨਾ ਵਾਇਰਸ ਕਾਰਨ ਦੇਸ਼ 'ਚ ਲੰਬੇ ਸਮੇਂ ਤੋਂ ਲੌਕਡਾਊਨ ਲੱਗਿਆ ਹੋਇਆ ਹੈ। ਅਜਿਹੀ ਸਥਿਤੀ 'ਚ ਇੱਕ ਥਾਂ ਤੋਂ ਦੂਜੀ ਥਾਂ `ਤੇ ਜਾਣਾ ਕਿਸੇ ਵੱਡੀ ਚੁਣੌਤੀ ਤੋਂ ਘੱਟ ਨਹੀਂ ਹੈ, ਪਰ ਇਸ ਚੁਣੌਤੀ ਦੇ ਬਾਵਜੂਦ ਅਦਾਕਾਰਾ ਸਵਰਾ ਭਾਸਕਰ ਨੇ ਲਾਕਡਾਊਨ ਵਿਚਕਾਰ 1400 ਕਿਲੋਮੀਟਰ ਦੀ ਦੂਰੀ ਸੜਕ ਦੇ ਰਾਸਤੇ ਤੈਅ ਕੀਤੀ ਹੈ। ਅਦਾਕਾਰਾ ਨੇ ਮੁੰਬਈ ਤੋਂ ਦਿੱਲੀ ਦਾ ਸਫ਼ਰ ਤੈਅ ਕੀਤਾ ਹੈ। ਸਵਰਾ ਭਾਸਕਰ ਦੀ ਮਾਂ ਜ਼ਖ਼ਮੀ ਹੈ। ਉਨ੍ਹਾਂ ਦੇ ਮੋਢੇ 'ਚ ਫਰੈਕਚਰ ਹੋ ਗਿਆ ਹੈ। ਸਵਰਾ ਆਪਣੀ ਮਾਂ ਨੂੰ ਲੈਕੇ ਬਹੁਤ ਚਿੰਤਤ ਸੀ ਅਤੇ ਉਨ੍ਹਾਂ ਨੂੰ ਇਕੱਲੇ ਨਹੀਂ ਛੱਡ ਸਕਦੀ ਸੀ। ਇਸ ਲਈ ਅਦਾਕਾਰਾ ਨੇ ਜਲਦਬਾਜ਼ੀ `ਚ ਮੁੰਬਈ ਤੋਂ ਦਿੱਲੀ ਜਾਣ ਦਾ ਫ਼ੈਸਲਾ ਕੀਤਾ। ਉਨ੍ਹਾਂ ਨੇ ਜਾਣ ਤੋਂ ਪਹਿਲਾਂ ਹਰ ਤਰ੍ਹਾਂ ਦੀ ਮਨਜ਼ੂਰੀ ਲੈ ਲਈ ਸੀ। ਸਾਰੀਆਂ ਰਸਮਾਂ ਪੂਰੀਆਂ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਮੁੰਬਈ ਤੋਂ ਦਿੱਲੀ ਦੀ ਯਾਤਰਾ ਕੀਤੀ। ਇਸ ਸਮੇਂ ਅਦਾਕਾਰਾ ਆਪਣੀ ਮਾਂ ਨਾਲ ਦਿੱਲੀ ਵਿੱਚ ਹੈ।