Welcome to Canadian Punjabi Post
Follow us on

25

August 2019
ਬ੍ਰੈਕਿੰਗ ਖ਼ਬਰਾਂ :
ਭਾਰਤ

ਬੈਂਕ ਧੋਖਾਧੜੀ ਕੇਸ ਵਿੱਚ ਹਰਸ਼ਦ ਮਹਿਤਾ ਦੇ ਭਰਾ ਸਣੇ 9 ਬਰੀ

November 08, 2018 11:32 PM

ਮੁੰਬਈ, 8 ਨਵੰਬਰ (ਪੋਸਟ ਬਿਊਰੋ)- ਮੁੰਬਈ ਦੀ ਇਕ ਅਦਾਲਤ ਨੇ 1992 ਦੇ ਸ਼ੇਅਰ ਘੁਟਾਲੇ ਦੇ ਮੋਢੀ ਮੰਨੇ ਜਾ ਰਹੇ ਹਰਸ਼ਦ ਮਹਿਤਾ ਦੇ ਭਰਾ ਅਸ਼ਵਿਨ ਮਹਿਤਾ ਸਮੇਤ ਨੌਂ ਜਣਿਆਂ ਨੂੰ ਸਟੇਟ ਬੈਂਕ ਆਫ ਇੰਡੀਆ (ਐਸ ਬੀ ਆਈ) ਨਾਲ 105 ਕਰੋੜ ਰੁਪਏ ਦੇ ਧੋਖਾਧੜੀ ਦੇ ਕੇਸ ਵਿੱਚ ਬਰੀ ਕਰ ਦਿੱਤਾ ਹੈ।
ਸਾਲ 1992 ਦੇ ਸ਼ੇਅਰ ਘੁਟਾਲੇ ਨਾਲ ਸਬੰਧਤ ਕੇਸ ਦੀ ਸੁਣਵਾਈ ਲਈ ਬਣਾਈ ਵਿਸੇਸ਼ ਅਦਾਲਤ ਦੀ ਅਗਵਾਈ ਕਰਨ ਵਾਲੀ ਜਸਟਿਸ ਸ਼ਾਲਿਨੀ ਫੰਸਾਲਕਰ ਜੋਸ਼ੀ ਨੇ ਆਪਣੇ ਫੈਸਲੇ 'ਚ ਕਿਹਾ ਕਿ ਸਰਕਾਰੀ ਪੱਖ ਦੋਸ਼ ਸਾਬਤ ਕਰਨ 'ਚ ਨਾਕਾਮ ਰਿਹਾ ਹੈ। ਅਸ਼ਵਿਨ ਮਹਿਤਾ ਦੇ ਇਲਾਵਾ ਐਸ ਬੀ ਆਈ ਦੇ ਬਾਂਡ ਵਿਭਾਗ ਦੇ ਇੰਚਾਰਜ ਰਾਮ ਸੀਤਾਰਮਨ ਅਤੇ ਸੱਤ ਅਧਿਕਾਰੀ ਭੂਸ਼ਣ ਰਾਓਤ, ਸੀ. ਰਵੀ ਕੁਮਾਰ, ਐਸ ਸੁਰੇਸ਼ ਬਾਬੂ, ਪੀ ਮੁਰਲੀਧਰਨ, ਅਸ਼ੋਕ ਅਗਰਵਾਲ, ਜਨਾਰਦਨ ਬਧੋਪਾਧਿਆਏ ਅਤੇ ਸ਼ਿਆਮ ਸੁੰਦਰ ਗੁਪਤਾ ਵੀ ਬਰੀ ਕੀਤੇ ਗਏ ਹਨ। ਸਰਕਾਰੀ ਕੇਸ ਮੁਤਾਬਕ ਬੈਂਕ ਅਧਿਕਾਰੀਆਂ ਨੇ ਐਸ ਬੀ ਆਈ ਕੈਂਪਸ (ਐਸ ਬੀ ਆਈ ਕੈਪੀਟਲ ਮਾਰਕੀਟ) ਨਾਲ ਧੋਖਾਧੜੀ ਕਰਨ ਲਈ ਮਹਿਤਾ ਭਰਾਵਾਂ ਨਾਲ ਮਿਲ ਕੇ ਸਾਜ਼ਿਸ਼ ਰਚੀ। ਉਨ੍ਹਾਂ 1991 ਤੋਂ 1992 ਦੌਰਾਨ ਸ਼ੇਅਰਾਂ ਦੇ ਲੈਣ ਦੇਣ 'ਚ ਬੈਂਕ ਨਾਲ 105 ਕਰੋੜ ਰੁਪਏ ਦੀ ਧੋਖਾਧੜੀ ਕੀਤੀ। ਜਾਂਚ ਏਜੰਸੀ ਸੀ ਬੀ ਆਈ ਨੇ ਕਿਹਾ ਕਿ ਐਸ ਬੀ ਆਈ ਕੈਂਪਸ ਨੇ ਹਰਸ਼ਦ ਮਹਿਤਾ ਦੇ ਮਾਧਿਅਮ ਨਾਲ ਧਨ ਦੇ ਲੈਣ ਦੇਣ ਦੇ 24 ਸੌਦੇ ਕੀਤੇ ਸਨ। ਇਨ੍ਹਾਂ ਦੇ ਰਾਹੀਂ ਧਨ ਦੀ ਹੇਰਾਫੇਰੀ ਕੀਤੀ ਗਈ, ਜਿਸ ਨਾਲ ਬੈਂਕ ਨੂੰ ਨੁਕਸਾਨ ਪੁੱਜਾ ਹੈ। ਸੀ ਬੀ ਆਈ ਨੇ ਦਾਅਵਾ ਕੀਤਾ ਸੀ ਕਿ ਬੈਂਕ ਅਧਿਕਾਰੀਆਂ ਦੀ ਜਾਣਕਾਰੀ ਬਿਨਾਂ ਪੂੰਜੀ ਨੂੰ ਦੂਜੀ ਥਾਂ ਨਹੀਂ ਭੇਜੀ ਜਾ ਸਕਦੀ। ਅਦਾਲਤ ਨੇ ਬਚਾਅ ਪੱਖ ਦੀ ਇਹ ਦਲੀਲ ਮੰਨ ਲਈ ਕਿ ਧਨ ਦੀ ਹੇਰਾਫੇਰੀ ਬੈਂਕ ਦੀ ਮੁੱਖ ਬਰਾਂਚ ਤੋਂ ਬਦਲੀ ਗਈ ਸੀ ਅਤੇ ਇਸ ਲਈ ਸ਼ੇਅਰ ਵਿਭਾਗ ਦੇ ਇਨ੍ਹਾਂ ਅਧਿਕਾਰੀਆਂ ਖਿਲਾਫ ਦੋਸ਼ ਨਹੀਂ ਬਣਦਾ। ਅਦਾਲਤ ਨੇ ਕਿਹਾ ਕਿ ਸਰਕਾਰੀ ਪੱਖ ਦੀ ਦਲੀਲ 'ਚ ਬਹੁਤ ਸਾਰੀਆਂ ਗੱਲਾਂ ਅਣਉਚਿਤ ਹਨ ਅਤੇ ਉਹ ਵਿਚਕਾਰਲੀਆਂ ਕੜੀਆਂ ਨੂੰ ਜੋੜਨ 'ਚ ਨਾਕਾਮ ਰਿਹਾ ਹੈ। ਹੋ ਸਕਦਾ ਹੈ ਕਿ ਇਹ ਮੁੱਖ ਦੋਸ਼ੀ ਹਰਸ਼ਦ ਮਹਿਤਾ ਦੀ ਮੌਤ ਤੇ ਬਹੁਤ ਸਾਰੇ ਦੋਸ਼ੀਆਂ ਦੇ ਬਰੀ ਹੋਣ ਦਾ ਕਾਰਨ ਬਣਿਆ ਹੋਵੇ, ਪਰ ਤੱਥ ਇਹ ਹੈ ਕਿ ਸਾਜ਼ਿਸ਼ ਦਾ ਇਹ ਦੋਸ਼ ਸਿੱਧ ਨਹੀਂ ਕੀਤਾ ਜਾ ਸਕਿਆ। ਹਰਸ਼ਦ ਮਹਿਤਾ ਦੀ ਮੌਤ ਪਿੱਛੋਂ 2001 ਦਾ ਉਸ ਦੇ ਖਿਲਾਫ ਮਾਮਲਾ ਬੰਦ ਕਰ ਦਿੱਤਾ ਗਿਆ ਸੀ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਐਨ ਐਸ ਯੂ ਆਈ ਵਰਕਰਾਂ ਨੇ ਸਾਵਰਕਰ ਦੇ ਬੁੱਤ ਉਤੇ ਕਾਲਖ ਫੇਰੀ
ਕੇਜਰੀਵਾਲ ਨੇ ਕਿਹਾ: ਮੰਦਰ ਲਈ ਕੇਂਦਰ ਨੂੰ ਸੌ ਏਕੜ ਜ਼ਮੀਨ ਅਸੀਂ ਦਿਆਂਗੇ
ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਅਜੇ ਦੱਤ ਨੇ ਵਿਧਾਨ ਸਭਾ 'ਚ ਰੋਸ ਵਜੋਂ ਕਮੀਜ਼ ਪਾੜੀ
ਸੈਫਈ ਮੈਡੀਕਲ ਯੂਨੀਵਰਸਿਟੀ ਨੂੰ ਰੈਗਿੰਗ ਕੇਸ ਵਿੱਚ ਨੋਟਿਸ
ਤਾਰਾਂ ਵਿੱਚ ਉਲਝ ਕੇ ਹੈਲੀਕਾਪਟਰ ਕਰੈਸ਼, ਪਾਇਲਟ ਸਮੇਤ ਤਿੰਨ ਮਰੇ
ਦਿੱਲੀ ਪੁਲਸ ਨੇ ਮੰਨਿਆ: ਕ੍ਰਿਪਾਨ ਸਣੇ ਸਿੱਖ ਕਿਤੇ ਵੀ ਜਾ ਸਕਦੈ
ਭਾਰਤ ਦੀ ਸਿਹਤ ਸੇਵਾ ਵੈੱਬਸਾਈਟ ਤੋਂ 68 ਲੱਖ ਰਿਕਾਰਡ ਚੋਰੀ
ਹਰਿਆਣਾ ਚੋਣਾਂ ਲਈ ਅਕਾਲੀ-ਭਾਜਪਾ ਗੱਠਜੋੜ ਵਿਚਾਲੇ ਹਾਲੇ ਵੀ ਕਈ ਅੜਿੱਕੇ
ਮੁੱਖ ਜੱਜ ਗੋਗਈ ਵਿਰੁੱਧ ਵੱਡੀ ਸਾਜ਼ਿਸ਼ ਦੀ ਜਾਂਚ ਪੂਰੀ, ਰਿਪੋਰਟ ਅੱਧ ਸਤੰਬਰ ਵਿੱਚ
ਕਾਂਗਰਸ ਵੱਲੋਂ ਕੇਂਦਰ ਉੱਤੇ ਦੋਸ਼: ਚਿਦੰਬਰਮ ਦੇ ਸਵਾਲਾਂ ਤੋਂ ਪਰੇਸ਼ਾਨ ਹੋ ਗਈ ਭਾਜਪਾ ਨੇ ਗ੍ਰਿਫਤਾਰੀ ਕਰਵਾਈ ਹੈ: ਸੂਰਜੇਵਾਲਾ