ਹਾਲਟਨ, 6 ਨਵੰਬਰ (ਪੋਸਟ ਬਿਊਰੋ) : ਹਾਲਟਨ ਰੀਜਨਲ ਪੁਲਿਸ ਸਰਵਿਸ ਸਾਡੇ ਸਾਲਾਨਾ ਟੁਆਇਜ਼ ਫੌਰ ਟੌਟਜ਼ ਪ੍ਰੋਗਰਾਮ ਲਈ ਈਵੈਂਟਸ ਆਰਗੇਨਾਈਜ਼ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਪਿਛਲੇ ਕਈ ਸਾਲਾਂ ਤੋਂ ਅਸੀਂ ਹਾਲਟਨ ਦੇ ਲੋੜਵੰਦ ਬੱਚਿਆਂ ਲਈ ਵੱਧ ਤੋਂ ਵੱਧ ਖਿਡਾਉਣੇ ਇੱਕਠੇ ਕਰਕੇ ਉਨ੍ਹਾਂ ਤੱਕ ਪਹੁੰਚਾਉਂਦੇ ਆ ਰਹੇ ਹਾਂ। ਇਸ ਪ੍ਰੋਗਰਾਮ ਵਿੱਚ ਸੁਧਾਰ ਲਿਆਉਣ ਲਈ ਅਸੀਂ ਟਾਈਗਰ ਜੀਤ ਸਿੰਘ ਫਾਊਂਡੇਸ਼ਨ ਨਾਲ ਭਾਈਵਾਲੀ ਕੀਤੀ ਹੈ।
ਟਾਈਗਰ ਜੀਤ ਸਿੰਘ ਫਾਊਂਡੇਸ਼ਨ ਮਿਲਟਨ ਸਥਿਤ ਚੈਰਿਟੀ ਹੈ, ਜੋ ਕਿ ਕੁਸ਼ਤੀ ਦੇ ਮਹਾਨ ਯੋਧੇ, ਮਾਨਵਤਾਵਾਦੀ ਤੇ ਪਰੋਉਪਕਾਰੀ ਟਾਈਗਰ ਜੀਤ ਸਿੰਘ ਤੇ ਉਨ੍ਹਾਂ ਦੇ ਲੜਕੇ ਟਾਈਗਰ ਅਲੀ ਸਿੰਘ ਵੱਲੋਂ ਸ਼ੁਰੂ ਕੀਤੀ ਗਈ। ਪਿਛਲੇ ਨੌਂ ਸਾਲਾਂ ਤੋਂ ਟਾਈਗਰ ਜੀਤ ਸਿੰਘ ਫਾਊਂਡੇਸ਼ਨ ਨੇ ਮਿਰੈਕਲ ਆਨ ਮੇਨ ਸਟਰੀਟ ਈਵੈਂਟ ਰਾਹੀਂ ਸਾਡੇ ਰੀਜਨ ਵਿੱਚ ਰਹਿਣ ਵਾਲੇ ਲੋੜਵੰਦ ਬੱਚਿਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਕਈ ਮਿਲੀਅਨ ਡਾਲਰ ਜੁਟਾਏ ਹਨ।
30 ਨਵੰਬਰ ਨੂੰ ਦੁਪਹਿਰੇ 1:00 ਵਜੇ ਅਸੀਂ ਟੌਇਜ਼ ਫੌਰ ਟੌਟਜ/ਮਿਰੈਕਲ ਆਨ ਮੇਨ ਈਵੈਂਟ ਹਾਲਟਨ ਪੁਲਿਸ ਹੈੱਡਕੁਆਰਟਰ, ਜੋ ਕਿ ਓਕਵਿੱਲੇ ਵਿੱਚ 2485 ਨੌਰਥ ਸਰਵਿਸ ਰੋਡ ਵੈਸਟ ਉੱਤੇ ਸਥਿਤ ਹੈ, ਵਿਖੇ ਕਰਵਾਉਣ ਜਾ ਰਹੇ ਹਾਂ। ਆਪਣਾ ਸਮਰਥਨ ਦੇਣ ਲਈ ਤੁਹਾਡੀ ਸੱਭ ਦੀ ਹਾਜ਼ਰੀ ਦੀ ਬਹੁਤ ਲੋੜ ਹੈ ਤੇ ਇਸ ਦੇ ਨਾਲ ਹੀ ਇਸ ਪ੍ਰੋਗਰਾਮ ਰਾਹੀਂ ਅਸੀਂ ਇਸ ਵਿਲੱਖਣ ਪਹਿਲਕਦਮੀ ਬਾਰੇ ਜਾਗਰੂਕਤਾ ਵੀ ਫੈਲਾਉਣੀ ਚਾਹੁੰਦੇ ਹਾਂ। ਇਸ ਲਈ ਸਾਰਿਆਂ ਨੂੰ ਵੱਧ ਚੜ੍ਹ ਕੇ ਇਸ ਮੌਕੇ ਪਹੁੰਚਣ ਦੀ ਅਪੀਲ ਕੀਤੀ ਜਾਂਦੀ ਹੈ।