ਸਮੱਗਰੀ-ਮੋਤੀਚੂਰ ਦੇ ਲੱਡੂ ਛੇ, ਮਲਾਈਦਾਰ ਦੁੱਧ ਇੱਕ ਲੀਟਰ, ਇਲਾਇਚੀ ਪਾਊਡਰ ਇੱਕ ਛੋਟਾ ਚਮਚ, ਬੂਰਾ ਖੰਡ ਦੋ ਵੱਡੇ ਚਮਚ, ਸੁੱਕੇ ਮੇਵੇ ਸਜਾਉਣ ਦੇ ਲਈ।
ਵਿਧੀ-ਪੈਨ ਵਿੱਚ ਦੁੱਧ ਗਰਮ ਕਰੋ। ਜਦ ਇਸ ਵਿੱਚ ਉਬਾਲ ਆ ਜਾਏ ਤਾਂ ਸੇਕ ਘੱਟ ਕਰੋ। ਹਲਕੇ ਸੇਕ 'ਤੇ ਇਸ ਨੂੰ ਪਕਾਓ। ਜਦ ਦੁੱਧ ਉਬਲ ਕੇ ਅੱਧਾ ਹੋ ਜਾਏ ਤਾਂ ਇਸ ਵਿੱਚ ਬੂਰਾ ਖੰਡ ਤੇ ਇਲਾਇਚੀ ਪਾਊਡਰ ਮਿਲਾਓ। ਗਾੜ੍ਹਾ ਹੋਣ ਤੱਕ ਚਲਾਉਂਦੇ ਹੋਏ ਪਕਾਓ। ਰਬੜੀ ਵਰਗਾ ਗਾੜ੍ਹਾ ਹੋਣ 'ਤੇ ਸੇਕ ਤੋਂ ਹਟਾ ਦਿਓ ਤੇ ਠੰਢਾ ਕਰੋ। ਸ਼ਾਟ ਗਿਲਾਸ ਦੀ ਤਲੀ ਵਿੱਚ ਮੋਤੀਚੂਰ ਲੱਡੂ ਭੋਰ ਕੇ ਪਾਓ। ਉਪਰੋਂ ਰਬੜੀ ਭਰੋ। ਇਸ ਨੂੰ ਕਰੀਬ ਛੇ ਘੰਟੇ ਲਈ ਫਰਿਜ ਵਿੱਚ ਠੰਢਾ ਹੋਣ ਦੇ ਲਈ ਰੱਖੋ। ਕੱਟੇ ਹੋਏ ਸੁੱਕੇ ਮੇਵੇ ਉਪਰੋਂ ਪਾ ਕੇ ਪਰੋਸੋ। ਜੇ ਰਬੜੀ ਨੂੰ ਹੋਰ ਵੀ ਚਿਕਨਾ ਕਰਨਾ ਚਾਹੁੰਦੇ ਹੋ ਤਾਂ ਇਸ ਨੂੰ ਇੱਕ ਵਾਰ ਬਲੈਂਡਰ ਵਿੱਚ ਚਲਾ ਸਕਦੇ ਹੋ।