‘ਕਿੱਸਾ', ‘ਅਕਸ਼ੈ' ਅਤੇ ‘ਮੰਟੋ' ਵਰਗੀਆਂ ਫਿਲਮਾਂ ਵਿੱਚ ਆਪਣੇ ਦਮਦਾਰ ਅਭਿਨੈ ਨਾਲ ਦਰਸ਼ਕਾਂ ਦਾ ਧਿਆਨ ਖਿੱਚਣ ਵਾਲੀ ਰਸਿਕਾ ਦੁੱਗਲ ਇੱਕ ਅਜਿਹੀ ਫਿਲਮ ਕਰਨ ਵਾਲੀ ਹੈ, ਜਿਸ ਦੀ ਨਾ ਸਕ੍ਰਿਪਟ ਅਤੇ ਨਾ ਕੋਈ ਡਾਇਲਾਗ ਲਿਖਿਆ ਗਿਆ ਹੈ। ਇਸ ਫਿਲਮ ਦਾ ਨਿਰਦੇਸ਼ਨ ਕਰਣ ਗੌੜ ਕਰਨਗੇ। ਇਸ ਵਿੱਚ ਸਿਰਫ ਸਿਚੂਏਸਨ ਹੀ ਸਕ੍ਰਿਪਟਿਡ ਹੋਵੇਗੀ, ਜਿਸ ਦੇ ਮੁਤਾਬਕ ਸਟਾਰਸ ਆਪਣੀ ਸੂਝ ਬੂਝ ਨਾਲ ਡਾਇਲਾਗ ਡਿਲੀਵਰੀ ਕਰਨਗੇ। ਫਿਲਮ ਵਿੱਚ ਇੱਕ ਦੇ ਬਾਅਦ ਇੱਕ ਸੀਨ ਨੂੰ ਲਗਾਤਾਰ ਸ਼ੂਟ ਕੀਤਾ ਜਾਏਗਾ।
ਦੱਸਣਾ ਬਣਦਾ ਹੈ ਕਿ ਇੰਡੀਆ ਵਿੱਚ ਪਹਿਲੀ ਵਾਰ ਅਜਿਹੀ ਫੀਚਰ ਫਿਲਮ ਬਣ ਰਹੀ ਹੈ। ਇਸ ਵਿੱਚ ਰਸਿਕਾ ਦੇ ਆਪੋਜ਼ਿਟ ਉਨ੍ਹਾਂ ਦੇ ਪਤੀ ਮੁਕੁਲ ਚੱਢਾ ਹੋਣਗੇ। ਕਰਣ ਦੇ ਨਿਰਦੇਸ਼ਨ ਵਿੱਚ ਰਸਿਕਾ ਦੋਬਾਰਾ ਐਕਟਿੰਗ ਕਰਦੀ ਨਜ਼ਰ ਆਏਗੀ। ਇਸ ਤੋਂ ਪਹਿਲਾਂ ਰਸਿਕਾ 2011 ਵਿੱਚ ਕਰਣ ਦੇ ਨਿਰਦੇਸ਼ਨ ਵਿੱਚ ‘ਅਕਸ਼ੈ' ਫਿਲਮ ਕਰ ਚੁੱਕੀ ਹੈ।