Welcome to Canadian Punjabi Post
Follow us on

01

March 2021
ਖੇਡਾਂ

2021 ਵਾਲੇ ਵੰਨ ਡੇ ਮਹਿਲਾ ਵਿਸ਼ਵ ਕੱਪ ਲਈ ਭਾਰਤ ਨੂੰ ਟਿਕਟ ਮਿਲੀ

April 17, 2020 01:13 AM

ਦੁਬਈ, 16 ਅਪ੍ਰੈਲ (ਪੋਸਟ ਬਿਊਰੋ)- ਭਾਰਤ ਨੇ ਪਾਕਿਸਤਾਨ ਦੇ ਖਿਲਾਫ ਵੰਨ ਡੇ ਚੈਂਪੀਅਨਸ਼ਿਪ ਰੱਦ ਹੋਣ ਪਿੱਛੋਂ ਕੱਲ੍ਹ ਸਾਲ 2021 ਵਿੱਚ ਹੋਣ ਵਾਲੇ ਆਈ ਸੀ ਸੀ ਮਹਿਲਾ ਵਿਸ਼ਵ ਕੱਪ ਵਿੱਚ ਆਪਣੀ ਥਾਂ ਬਣਾ ਲਈ ਹੈ।
ਵਰਨਣ ਯੋਗ ਹੈ ਕਿ ਭਾਰਤ ਦੀ ਟੀਮ ਨੂੰ ਆਪਣੇ ਵਿਰੋਧੀ ਦੇ ਖਿਲਾਫ ਖੇਡਣ ਲਈ ਸਰਕਾਰ ਤੋਂ ਮਨਜ਼ੂਰੀ ਨਹੀਂ ਸੀ ਮਿਲੀ ਸੀ। ਪਿਛਲੇ ਸਾਲ ਜੁਲਾਈ ਅਤੇ ਨਵੰਬਰ ਵਿੱਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਇਹ ਮੈਚ ਹੋਣੇ ਸਨ, ਪਰ ਇਹ ਮੈਚ ਸਰਕਾਰ ਤੋਂ ਮਨਜ਼ੂਰੀ ਮਿਲਣ ਉਤੇ ਨਿਰਭਰ ਸੀ। ਦੋਵਾਂ ਟੀਮਾਂ ਵਿੱਚ ਤਿੰਨ ਮੈਚਾਂ ਦੀ ਸੀਰੀਜ਼ ਰੱਦ ਹੋਣ ਕਾਰਨ ਬਰਾਬਰ ਪੁਆਇੰਟ ਵੰਡ ਦਿੱਤੇ ਗਏ ਸਨ। ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ (ਆਈ ਸੀ ਸੀ) ਨੇ ਕਿਹਾ ਹੈ ਕਿ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਸੀਰੀਜ਼ ਦੇ ਸੰਬੰਧ ਵਿੱਚ ਤਕਨੀਕੀ ਕਮੇਟੀ ਇਸ ਫੈਸਲੇ ਉੱਤੇ ਪਹੁੰਚੀ ਹੈ ਕਿ ਕੁਝ ਵਿਸ਼ੇਸ਼ ਕਾਰਨਾਂ ਕਰ ਕੇ ਸੀਰੀਜ਼ ਨਹੀਂ ਖੇਡੀ ਜਾ ਸਕਦੀ, ਕਿਉਂਕਿ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ ਸੀ ਸੀ ਆਈ) ਨੇ ਕਿਹਾ ਹੈ ਕਿ ਉਸ ਨੂੰ ਪਾਕਿਸਤਾਨ ਦੇ ਖਿਲਾਫ ਦੁਵੱਲੀ ਸੀਰੀਜ਼ ਖੇਡਣ ਲਈ ਸਰਕਾਰ ਤੋਂ ਮਨਜ਼ੂਰੀ ਨਹੀਂ ਮਿਲੀ। ਇਹ ਸੀਰੀਜ਼ ਆਈ ਸੀ ਸੀ ਮਹਿਲਾ ਚੈਂਪੀਅਨਸ਼ਿਪ ਦਾ ਹਿੱਸਾ ਸੀ। ਭਾਰਤ ਅਤੇ ਪਾਕਿਸਤਾਨ ਵਿੱਚ ਸੀਰੀਜ਼ ਮੁਕਾਬਲੇ ਦੇ ਛੇਵੇਂ ਦੌਰ ਵਿੱਚ ਸ਼ਾਮਲ ਸੀ, ਜਿਹੜਾ ਜੁਲਾਈ ਅਤੇ ਨਵੰਬਰ 2019 ਵਿੱਚ ਹੋਣਾ ਸੀ, ਪਰ ਦੋਵਾਂ ਬੋਰਡਾਂ ਦੇ ਸਾਰੇ ਯਤਨਾਂ ਦੇ ਬਾਵਜੂਦ ਇਹ ਸੀਰੀਜ਼ ਨਹੀਂ ਹੋ ਸਕੀ। ਇਸ ਦਾ ਮਤਲਬ ਹੈ ਕਿ 2017 ਵਿੱਚ ਉਪ ਵਿਜੇਤਾ ਰਹਿਣ ਵਾਲੇ ਭਾਰਤ ਨੇ ਨਿਊਜ਼ੀਲੈਂਡ ਵਿੱਚ 2021 ਵਿੱਚ ਹੋਣ ਵਾਲੇ ਵਿਸ਼ਵ ਕੱਪ ਲਈ ਜਗ੍ਹਾ ਬਣਾ ਲਈ ਹੈ।
ਅਗਲੇ ਵੰਨ ਡੇ ਮਹਿਲਾ ਕ੍ਰਿਕਟ ਕੱਪ ਦੇ ਹੋਸਟ ਨਿਊਜ਼ੀਲੈਂਡ ਤੇ ਸਕੋਰ ਬੋਰਡ ਵਿੱਚ ਸਿਖਰ 'ਤੇ ਰਹਿਣ ਵਾਲੀਆਂ ਅਗਲੀਆਂ ਚੀਰ ਟੀਮਾਂ ਨੇ ਇਸ ਟੂਰਨਾਮੈਂਟ ਦੇ ਲਈ ਸਿੱਧਾ ਕੁਆਲੀਫਾਈ ਕੀਤਾ ਹੈ। ਆਸਟਰੇਲੀਆ (37 ਪੁਆਇੰਟ), ਇੰਗਲੈਂਡ (29), ਦੱਖਣੀ ਅਫਰੀਕਾ (25) ਅਤੇ ਭਾਰਤ (23 ਅੰਕ) ਨੇ ਚੋਟੀ ਦੇ ਚਾਰ ਸਥਾਨ ਹਾਸਲ ਕਰਨ ਦੇ ਕਾਰਨ ਕੁਆਲੀਫਾਈ ਕੀਤਾ ਹੈ। ਪਾਕਿਸਤਾਨ (19), ਨਿਊਜ਼ੀਲੈਂਡ (17), ਵੈਸਟ ਇੰਡੀਜ਼ (13) ਤੇ ਸ੍ਰੀਲੰਕਾ (ਪੰਜ ਪੁਆਇੰਟ) ਇਸ ਸਕੋਰ ਬੋਰਡ ਵਿੱਚ ਸ਼ਾਮਲ ਬਾਕੀ ਦੀਆਂ ਟੀਮਾਂ ਹਨ।

 

Have something to say? Post your comment
ਹੋਰ ਖੇਡਾਂ ਖ਼ਬਰਾਂ
ਵਿਸ਼ਵ ਦੇ ਨੰਬਰ ਇਕ ਖਿਡਾਰੀ ਨੋਵਾਕ ਜੋਕੋਵਿਕ ਨੇ ਆਸਟ੍ਰੇਲੀਅਨ ਓਪਨ ਨੌਵੀਂ ਵਾਰ ਜਿੱਤਿਆ
ਸਿਡਨੀ ਟੈਸਟ : ਭਾਰਤੀ ਕ੍ਰਿਕਟ ਖਿਡਾਰੀਆਂ ਵਿਰੁੱਧ ਨਸਲੀ ਟਿੱਪਣੀਆਂ
ਲਿਓਨ ਮੈਸੀ ਨੇ ਪੇਲੇ ਨੂੰ ਪਿੱਛੇ ਛੱਡਿਆ, ਅਗਲਾ ਰਿਕਾਰਡ ਤੋੜਨ ਉੱਤੇ ਨਜ਼ਰ ਟਿਕੀ
ਮੈਸੀ ਨੇ ਪੇਲੇ ਦੀ ਬਰਾਬਰੀ ਕੀਤੀ
ਨਾਕਾਮੁਰਾ ਤੀਜੀ ਵਾਰ ਸਪੀਡ ਸ਼ਤਰੰਜ ਦਾ ਬਾਦਸ਼ਾਹ ਬਣਿਆ
ਭਾਰਤ ਦੀ ਚੋਟੀ ਦੀ ਟੈਨਿਸ ਖਿਡਾਰਨ ਅੰਕਿਤ ਰੈਣਾ ਨੇ ਆਈਟੀ ਐੱਫ ਡਬਲਜ਼ ਜਿੱਤਿਆ
ਵਿਸ਼ਵ ਚੈਪੀਅਨ ਕਾਰਲਸਨ ਨੂੰ ਹਰਾ ਕੇ ਵੇਸਲੀ ਸੋ ਓਪਨ ਸ਼ਤਰੰਜ ਦੇ ਸਕਿਲਿੰਗ ਚੈਂਪੀਅਨ ਬਣੇ
ਸੰਸਾਰ ਪ੍ਰਸਿੱਧ ਫੁੱਟਬਾਲਰ ਡਿਏਗੋ ਮੈਰਾਡੋਨਾ ਦਾ ਹਾਰਟ ਅਟੈਕ ਦੇ ਕਾਰਨ ਦੇਹਾਂਤ
ਏਸ਼ੀਅਨ ਟੈਨਿਸ ਦਾ ਚੈਂਪੀਅਨ ਮੈਦਵੇਦੇਵ ਬਣਿਆ
ਆਈ ਪੀ ਐੱਲ ਕ੍ਰਿਕਟ ਮੁੰਬਈ 5ਵੀਂ ਵਾਰ ਚੈਂਪੀਅਨ ਬਣਿਆ, ਦਿੱਲੀ ਨੂੰ 5 ਵਿਕਟਾਂ ਨਾਲ ਹਰਾਇਆ