ਸਮੱਗਰੀ-ਦੋ ਸ਼ਿਮਲਾ ਮਿਰਚਾਂ, ਦੋ ਪਿਆਜ, ਦੋ ਟਮਾਟਰ, ਥੋੜ੍ਹਾ ਜਿਹਾ ਅਦਰਕ, ਦੋ ਹਰੀਆਂ ਮਿਰਚਾਂ, 100 ਗਰਾਮ ਪਨੀਰ, ਨਮਕ ਸਵਾਦ ਅਨੁਸਾਰ, ਇੱਕ ਚਮਚ ਜ਼ੀਰਾ, ਇੱਕ ਚਮਚ ਧਨੀਆ ਪਾਊਡਰ, 1/4 ਚਮਚ ਲਾਲ ਮਿਰਚ ਪਾਊਡਰ, 1/4 ਚਮਚ ਅਮਚੂਰ ਪਾਊਡਰ, 1/4 ਚਮਚ ਗਰਮ ਮਸਾਲਾ, ਪੰਜ-ਛੇ ਪੁਦੀਨੇ ਦੀਆਂ ਪੱਤੀਆਂ, ਇੱਕ ਵੱਡਾ ਚਮਚ ਆਲਿਵ ਆਇਲ।
ਵਿਧੀ-ਸ਼ਿਮਲਾ ਮਿਰਚਾ ਤੇ ਟਮਾਟਰ ਨੂੰ ਲੰਬੀਆਂ ਫਾਂਕਾਂ ਵਿੱਚ ਅਤੇ ਪਿਆਜ ਨੂੰ ਲੰਬਾ-ਪਤਲਾ ਬਰੀਕ ਕੱਟ ਲਓ। ਅਦਰਕ, ਹਰੀ ਮਿਰਚ, ਬਰੀਕ ਕੱਟੋਂ ਤੇ ਪਨੀਰ ਦੇ ਛੋਟੇ ਛੋਟੇ ਟੁਕੜਿਆਂ ਵਿੱਚ ਕੱਟ ਲਓ। ਫਰਾਈਪੈਨ ਵਿੱਚ ਤੇਲ ਗਰਮ ਕਰ ਕੇ ਜੀਰਾ, ਅਦਰਕ, ਹਰੀ ਮਿਰਚ, ਪਿਆਜ ਤੇ ਸ਼ਿਮਲਾ ਮਿਰਚ ਪਾ ਕੇ ਹਲਕੇ ਸੇਕ 'ਤੇ ਲਗਾਤਾਰ ਹਿਲਾਉਂਦੇ ਹੋਏ ਭੁੰਨੋ। ਜਦ ਪਿਆਜ ਪਾਰਦਰਸ਼ੀ ਹੋਣ ਲੱਗੇ ਤਦ ਟਮਾਟਰ, ਪਨੀਰ, ਨਮਕ ਤੇ ਸਾਰੇ ਮਸਾਲੇ ਪਾ ਕੇ ਥੋੜ੍ਹਾ ਜਿਹਾ ਭੁੰਨੋ। ਸੇਕ ਤੋਂ ਉਤਾਰ ਕੇ ਪੁਦੀਨੇ ਦੀਆਂ ਪੱਤੀਆਂ ਨਾਲ ਸਜਾਓ।