ਮੁਕਸਤਸਰ ਸਾਹਿਬ, 3 ਅਪ੍ਰੈਲ (ਪੋਸਟ ਬਿਊਰੋ)- ਥਾਣਾ ਸਿਟੀ ਤੋਂ 100 ਮੀਟਰ ਦੀ ਦੂਰ ਹੋਟਲ 'ਚ ਥਾਈਲੈਂਡ ਦੀਆਂ ਚਾਰ ਔਰਤਾਂ ਪਿਛਲੇ 15 ਦਿਨਾਂ ਤੋਂ ਰਹਿ ਰਹੀਆਂ ਸਨ। ਹੋਟਲ ਮਾਲਕਾਂ ਨੇ ਉਨ੍ਹਾਂ ਔਰਤਾਂ ਬਾਰੇ ਪੁਲਸ ਨੂੰ ਜਾਣਕਾਰੀ ਨਹੀਂ ਦਿੱਤੀ। ਕੱਲ੍ਹ ਪੁਲਸ ਨੇ ਉਸ ਹੋਟਲ 'ਤੇ ਛਾਪਾ ਮਾਰ ਕੇ ਮਾਲਕ 'ਤੇ ਕੇਸ ਦਰਜ ਕਰ ਲਿਆ ਹੈ।
ਸਹਾਇਕ ਥਾਣੇਦਾਰ ਬਲਵਿੰਦਰ ਸਿੰਘ ਦੇ ਦੱਸਣ ਅਨੁਸਾਰ 15 ਦਿਨ ਪਹਿਲਾਂ ਥਾਈਲੈਂਡ ਦੀਆਂ ਚਾਰ ਔਰਤਾਂ ਇਸ ਸ਼ਹਿਰ ਵਿੱਚ ਆਈਆਂ ਅਤੇ ਹੋਟਲ ਸਿਟੀ ਪੈਲੇਸ 'ਚ ਠਹਿਰੀਆਂ ਸਨ। ਕਿਸੇ ਨੇ ਪੁਲਸ ਨੂੰ ਸੁੂਚਨਾ ਦਿੱਤੀ ਕਿ ਹੋਟਲ 'ਚ ਵਿਦੇਸ਼ੀ ਔਰਤਾਂ ਰਹਿ ਰਹੀਆਂ ਹਨ ਤਾਂ ਪੁਲਸ ਨੇ ਹੋਟਲ 'ਚ ਛਾਪੇਮਾਰੀ ਕਰ ਕੇ ਚਾਰੇ ਔਰਤਾਂ ਤੇ ਹੋਟਲ ਮਾਲਕਾਂ ਤੋਂ ਪੁੱਛਗਿੱਛ ਕੀਤੀ। ਇਸ ਨਾਲ ਪਤਾ ਲੱਗਾ ਕਿ ਉਕਤ ਔਰਤਾਂ ਥਾਈਲੈਂਡ ਦੀਆਂ ਰਹਿਣ ਵਾਲੀਆਂ ਹਨ ਤੇ ਪਿਛਲੇ ਕੁਝ ਸਮੇਂ ਤੋਂ ਮਲੋਟ ਦੇ ਇੱਕ ਮਕਾਨ 'ਚ ਕਿਰਾਏ 'ਤੇ ਰਹਿ ਰਹੀਆਂ ਸਨ। ਪਤਾ ਲੱਗਾ ਹੈ ਕਿ ਉਕਤ ਔਰਤਾਂ ਕਿਸੇ ਸਪਾ ਸੈਂਟਰ 'ਚ ਕੰਮ ਕਰਦੀਆਂ ਸਨ। ਕਿਸੇ ਕੰਮ ਮੁਕਤਸਰ ਸਾਹਿਬ ਆਈਆਂ ਤਾਂ ਓਸੇ ਦਿਨ ਕਰਫਿਊ ਲੱਗ ਗਿਆ ਅਤੇ ਵਾਪਸ ਨਾ ਜਾ ਸਕੀਆਂ। ਪੁਲਸ ਨੇ ਹੋਟਲ ਮਾਲਕ ਗਗਨ ਦੇ ਖ਼ਿਲਾਫ਼ ਔਰਤਾਂ ਦੀ ਪੁਲਸ ਤੋਂ ਜਾਣਕਾਰੀ ਲੁਕੋਣ ਦੇ ਦੋਸ਼ ਕੇਸ ਦਰਜ ਕਰ ਲਿਆ ਹੈ। ਚਾਰੇ ਔਰਤਾਂ ਨੂੰ ਇਸ ਹੋਟਲ 'ਚ ਹੀ ਕੁਆਰੰਟਾਈਨ ਕਰ ਦਿੱਤਾ ਗਿਆ ਹੈ।