ਬਾਲੀਵੁੱਡ ਵਿੱਚ ਘੱਟ ਫਿਲਮਾਂ ਮਿਲਣ ਪਿੱਛੋਂ ਜੈਕਲੀਨ ਫਰਨਾਂਡੀਜ਼ ਨੇ ਸਾਊਥ ਦੀਆਂ ਫਿਲਮਾਂ ਦਾ ਰੁਖ਼ ਕਰ ਲਿਆ ਹੈ। ਉਨ੍ਹਾਂ ਨੇ ਇੱਕ ਤੇਲਗੂ ਫਿਲਮ ਸਾਈਨ ਕੀਤੀ ਹੈ ਜਿਸ ਵਿੱਚ ਉਹ ਸੁਪਰ ਸਟਾਰ ਪਵਨ ਕਲਿਆਣ ਦੇ ਆਪੋਜ਼ਿਟ ਨਜ਼ਰ ਆਏਗੀ। ਕਈ ਭਾਸ਼ਾਵਾਂ ਵਿੱਚ ਬਣ ਰਹੀ ਇਸ ਫਿਲਮ ਦਾ ਡਾਇਰੈਕਸ਼ਨ ‘ਗੱਬਰ ਇਜ਼ ਬੈਕ’ ਤੇ ‘ਮਣੀਕਰਣਿਕਾ’ ਫੇਮ ਡਾਇਰੈਕਟਰ ਕ੍ਰਿਸ਼ ਕਰਨਗੇ। ਇਹ ਇੱਕ ਐਕਸ਼ਨ-ਐਡਵੈਂਚਰ ਫਿਲਮ ਹੈ ਜਿਸ ਦਾ ਨਾਂਅ ਅਜੇ ਫਾਈਨਲ ਨਹੀਂ ਹੋਇਆ ਹੈ। ਇਸ ਵਿੱਚ ਪਵਨ ਦਾ ਕਿਰਦਾਰ ਰਾਬਿਨਹੁੱਡ ਟਾਈਪ ਦਾ ਹੋਵੇਗਾ। 1870 ਦੇ ਦੌਰ ਦੀ ਇਸ ਕਹਾਣੀ 'ਤੇ ਆਧਾਰਤ ਇਸ ਫਿਲਮ ਨੂੰ ਕਈ ਭਾਸ਼ਾਵਾਂ ਵਿੱਚ ਰਿਲੀਜ਼ ਕੀਤਾ ਜਾਏਗਾ।