ਟੋਰਾਂਟੋ, 2 ਅਪਰੈਲ (ਪੋਸਟ ਬਿਊਰੋ) : ਓਨਟਾਰੀਓ ਵਿੱਚ ਕੋਵਿਡ-19 ਮਾਮਲਿਆਂ ਦੀ ਗਿਣਤੀ 2000 ਤੋਂ ਟੱਪ ਗਈ ਹੈ।
ਬੱੁਧਵਾਰ ਨੂੰ ਪ੍ਰੋਵਿੰਸ਼ੀਅਲ ਹੈਲਥ ਅਧਿਕਾਰੀਆਂ ਵੱਲੋਂ ਕੋਵਿਡ-19 ਦੇ 426 ਹੋਰ ਮਾਮਲੇ ਦਰਜ ਕੀਤੇ ਗਏ, ਜਿਨ੍ਹਾਂ ਨਾਲ ਓਨਟਾਰੀਓ ਵਿੱਚ ਕੋਵਿਡ-19 ਨਾਲ ਸਬੰਧਤ ਮਾਮਲਿਆਂ ਦੀ ਕੁਲ ਗਿਣਤੀ 2,392 ਤੱਕ ਅੱਪੜ ਗਈ ਹੈ। ਪ੍ਰੋਵਿੰਸ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ 3,135 ਲੋਕਾਂ ਦੀ ਅਜੇ ਵਾਇਰਸ ਸਬੰਧੀ ਜਾਂਚ ਹੋਣੀ ਬਾਕੀ ਹੈ। ਓਨਟਾਰੀਓ ਹੈਲਥ ਅਧਿਕਾਰੀਆਂ ਵਲੋਂ ਦਸਿਆ ਗਿਆ ਕਿ ਹੁਣ ਤਕ ਕੋਵਿਡ-19 ਕਾਰਨ 37 ਲੋਕ ਮਾਰੇ ਜਾ ਚੁਕੇ ਹਨ।
ਪਰ ਬੁੱਧਵਾਰ ਸਵੇਰੇ 10:00 ਵਜੇ ਇਸ ਵਾਇਰਸ ਨਾਲ ਸੰਬਧਤ 68 ਮੌਤਾਂ ਰਿਪੋਰਟ ਕੀਤੀਆਂ ਗਈਆਂ ਜੋ ਕਿ ਪ੍ਰੋਵਿੰਸ ਦੀਆਂ 34 ਪਬਲਿਕ ਹੈਲਥ ਯੂਨਿਟਸ ਵਿਚ ਹੋਈਆਂ। ਪ੍ਰੋਵਿੰਸ ਨੇ ਇਹ ਮੰਨਿਆ ਹੈ ਕਿ ਅੰਕੜਿਆਂ ਵਿਚ ਇਹ ਵਾਧਾ ਘਾਟਾ ਉਨ੍ਹਾਂ ਦੇ ਡਾਟਾਬੇਸ ਵਿੱਚ ਸਹੀ ਜਾਣਕਾਰੀ ਨਾ ਪਾਏ ਜਾਣ ਕਾਰਨ ਹੋਇਆ ਹੈ।