Welcome to Canadian Punjabi Post
Follow us on

27

May 2020
ਅੰਤਰਰਾਸ਼ਟਰੀ

ਕੋਰੋਨਾ ਵਾਇਰਸ ਦੀ ਮਾਰ: ਅਮਰੀਕਾ ਵਿੱਚ ਕਰੀਬ 5000 ਮੌਤਾਂ ਤੇ ਪਾਜ਼ੇਟਿਵ ਕੇਸ 2 ਲੱਖ ਤੋਂ ਟੱਪੇ

April 02, 2020 08:37 AM

* ਸੰਸਾਰ ਵਿੱਚ ਕੇਸਾਂ ਤੇ ਮੌਤਾਂ ਦਾ ਅੰਕੜਾ ਹੋਰ ਵਧਿਆ

ਵਾਸ਼ਿੰਗਟਨ, 1 ਅਪਰੈਲ, (ਪੋਸਟ ਬਿਊਰੋ)- ਬੇਸ਼ੱਕ ਸਾਰੇ ਸੰਸਾਰ ਵਿੱਚ ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਦੀ ਗਿਣਤੀ ਅਤੇ ਇਸ ਕਾਰਨ ਹੋਈਆਂ ਮੌਤਾਂ ਦਾ ਅੰਕੜਾ ਲਗਾਤਾਰ ਵਧ ਰਿਹਾ ਹੈ, ਪਰ ਅਮਰੀਕਾ ਵਿੱਚ ਸਥਿਤੀ ਵੱਧ ਤੇਜ਼ੀ ਨਾਲ ਖਰਾਬ ਹੁੰਦੀ ਮਹਿਸੂਸ ਕੀਤੀ ਜਾਣ ਲੱਗੀ ਹੈ। ਇਸ ਦਾ ਨਿਊ ਯਾਰਕ ਰਾਜ ਸਭ ਤੋਂ ਵੱਧ ਪ੍ਰਭਾਵਤ ਹੈ।
ਅਮਰੀਕਾ ਵਿਚ ਕੋਰੋਨਾ ਦੀ ਮਹਾਮਾਰੀ ਲੋਕਾਂ ਨੂੰ ਪੂਰੀ ਤਰ੍ਹਾਂ ਡਰਾਉਣ ਵਾਲੀ ਹੈ ਤੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਦਿੱਤੇ ਬਿਆਨ, ਕਿ 2 ਹਫਤਿਆਂ ਵਿਚ ਇੱਕ ਤੋਂ 2 ਲੱਖ ਮੌਤਾਂ ਹੋ ਸਕਦੀਆਂ ਹਨ, ਕਾਰਨ ਲੋਕ ਹੋਰ ਘਬਰਾ ਗਏ ਹਨ। ਤਾਜ਼ਾ ਅੰਕੜਿਆਂ ਮੁਤਾਬਕ ਪਿਛਲੇ ਚੌਵੀ ਘੰਟਿਆਂ ਵਿੱਚ ਅਮਰੀਕਾ ਵਿੱਚ ਹੋਰ ਸੈਂਕੜੇ ਮੌਤਾਂ ਹੋਣ ਦੇ ਬਾਅਦ ਕੋਰੋਨਾ ਨਾਲ ਮ੍ਰਿਤਕਾਂ ਦੀ ਗਿਣਤੀ 5100 ਅਤੇ ਪੀੜਤ ਕੇਸਾਂ ਦਾ ਅੰਕੜਾ 214,966 ਹੋ ਗਿਆ ਹੈ। ਦੇਸ਼ ਵਿੱਚ ਸਭ ਤੋਂ ਮਾੜਾ ਅਸਰ ਨਿਊਯਾਰਕ ਰਾਜ ਵਿਚ ਪਿਆ, ਜਿਥੇ 2219 ਵੱਧ ਮੌਤਾਂ ਹੋ ਚੁੱਕੀਆਂ ਤੇ 84,000 ਪਾਜ਼ੇਟਿਵ ਕੇਸ ਮਿਲੇ ਹਨ।
ਇਸ ਦੌਰਾਨ ਸੰਸਾਰ ਭਰ ਵਿੱਚ ਕੋਰੋਨਾ ਦੇ ਕੇਸਾਂ ਦੀ ਗਿਣਤੀ 9,35,189 ਅਤੇ ਮੌਤਾਂ ਦੀ ਗਿਣਤੀ 47,192 ਹੋ ਚੁੱਕੀ ਹੈ। ਕੋਰੋਨਾ ਨਾਲ ਸਭ ਤੋਂ ਵੱਧ ਪ੍ਰਭਾਵਤ ਇਟਲੀ ਵਿੱਚ ਕੇਸਾਂ ਦੀ ਗਿਣਤੀ ਇੱਕ ਲੱਖ ਦਸ ਹਜ਼ਾਰ ਤੋਂ ਟੱਪ ਗਈ ਤੇ 13,155 ਮੌਤਾਂ ਹੋ ਚੁੱਕੀਆਂ ਹਨ। ਦੂਸਰੇ ਸਭ ਤੋਂ ਵੱਧ ਪ੍ਰਭਾਵਤ ਦੇਸ਼ ਸਪੇਨ ਵਿੱਚ ਕੇਸਾਂ ਦੀ ਗਿਣਤੀ ਇੱਕ ਲੱਖ ਤੋਂ ਟੱਪ ਗਈ ਤੇ ਮੌਤਾਂ ਦਾ ਅੰਕੜਾ ਇੱਕੋ ਦਿਨ ਦੀਆਂ 923 ਮੌਤਾਂ ਨਾਲ 9,387 ਹੋ ਗਿਆ ਹੈ। ਤੀਸਰੇ ਥਾਂ ਅਮਰੀਕਾ ਵਿੱਚ ਮੌਤਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧ ਰਹੀ ਹੈ। ਇਸ ਵਕਤ ਮੌਤਾਂ ਦੇ ਪੱਖ ਤੋਂ ਚੌਥੀ ਥਾਂ ਚੱਲ ਰਹੇ ਫਰਾਂਸ ਵਿੱਚ ਕੁੱਲ ਮੌਤਾਂ 4032 ਹੋ ਚੁੱਕੀਆਂ ਹਨ ਤੇ ਕੇਸਾਂ ਦੀ ਗਿਣਤੀ 56,989 ਦੱਸੀ ਗਈ ਹੈ। ਇਰਾਨ ਵਿੱਚ ਮੌਤਾਂ ਦੀ ਗਿਣਤੀ 3036 ਅਤੇ ਬ੍ਰਿਟੇਨ ਵਿੱਚ ਇੱਕੋ ਦਿਨ ਹੋਈਆਂ 563 ਮੌਤਾਂ ਨਾਲ ਕੁੱਲ ਗਿਣਤੀ 2352 ਹੋ ਗਈ ਹੈ। ਨੀਦਰਲੈਂਡ ਵਿੱਚ ਇੱਕੋ ਦਿਨ ਦੇ ਅੰਦਰ 134 ਹੋਰ ਮੌਤਾਂ ਹੋਣ ਨਾਲ ਕੁੱਲ ਗਿਣਤੀ 1173 ਹੋ ਗਈ ਹੈ। ਜਰਮਨੀ ਵਿੱਚ ਵੀ ਕੋਰੋਨਾ ਦੇ ਕੇਸ ਤੇਜ਼ੀ ਨਾਲ ਵਧ ਰਹੇ ਹਨ। ਏਥੇ ਕੁੱਲ ਕੇਸਾਂ ਦੀ ਗਿਣਤੀ ਵੱਧ ਕੇ 77,981 ਹੋ ਗਈ ਹੈ ਅਤੇ 931 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਅਮਰੀਕਾ ਵਿੱਚ ਕੋਰੋਨਾ ਨਾਲ ਮੌਤਾਂ ਦੀ ਕੁੱਲ ਗਿਣਤੀ ਇੱਕ ਲੱਖ ਤੋਂ ਟੱਪੀ
ਜਾਪਾਨ ਦੇ ਪ੍ਰਧਾਨ ਮੰਤਰੀ ਸ਼ਿੰਜੋ ਐਬੇ ਨੇ ਐਮਰਜੈਂਸੀ ਖਤਮ ਕੀਤੀ
ਪਾਕਿ ਦੇ ਬਹਾਵਲਪੁਰ ਦੇ ਹਿੰਦੂਆਂ ਦੇ ਘਰਾਂ ਉੱਤੇ ਬੁਲਡੋਜ਼ਰ ਚਲਾ ਦਿੱਤੇ ਗਏ
ਕੋਰੋਨਾ ਦੇ ਕਾਰਨ ਨਿਊਜ਼ੀਲੈਂਡ ਦੇ ਵੀਜ਼ਾ ਨਿਯਮ ਸਖਤ ਹੋਏ
ਡਬਲਯੂ ਐੱਚ ਓ ਨੇ ਹਾਈਡ੍ਰਾਕਸੀਕਲੋਰੋਕਵੀਨ ਦਾ ਟਰਾਇਲ ਰੋਕ ਦਿੱਤਾ
ਬ੍ਰਿਟੇਨ ਵਿੱਚ ਗੁਰਦੁਆਰੇ ਉੱਤੇ ਹਮਲਾ ਕਰਨ ਲਈ ਪਾਕਿ ਮੂਲ ਦਾ ਦੋਸ਼ੀ ਗ੍ਰਿਫਤਾਰ
ਨੋਬਲ ਜੇਤੂ ਵਿਗਿਆਨੀ ਨੇ ਕਿਹਾ: ਲਾਕਡਾਊਨ ਦਾ ਫੈਸਲਾ ਗਲਤ, ਇਸ ਨਾਲ ਮੌਤ ਵੱਧ ਹੋਣਗੀਆਂ
ਜਨਰਲ ਬਾਜਵਾ ਕਹਿੰਦੈ: ਕਸ਼ਮੀਰ ਨੂੰ ਪਾਕਿ ਕੌਮਾਂਤਰੀ ਮੁੱਦਾ ਬਣਾਉਣ 'ਚ ਅਸਫ਼ਲ ਰਿਹਾ
ਅਮਰੀਕਾ ਨੇ 33 ਚੀਨੀ ਕੰਪਨੀਆਂ ਨੂੰ ਕਾਲੀ ਸੂਚੀ 'ਚ ਪਾਇਆ
ਥਾਈਲੈਂਡ ਦਾ ਰਾਜਕੁਮਾਰ ਜਰਮਨੀ ਵਿੱਚ ਇਕੱਲਾ ਜਿਊਣ ਵਾਸਤੇ ਮਜ਼ਬੂਰ