Welcome to Canadian Punjabi Post
Follow us on

27

May 2020
ਪੰਜਾਬ

ਐਨ ਆਰ ਆਈ ਦੇ ਏ ਟੀ ਐਮ ਵਿੱਚੋਂ ਦੋ ਲੱਖ ਕਢਵਾਏ ਗਏ

April 02, 2020 08:16 AM

ਰਾਹੋਂ, 1 ਅਪ੍ਰੈਲ (ਪੋਸਟ ਬਿਊਰੋ)- ਕੁਝ ਠੱਗਾਂ ਵੱਲੋਂ ਪਿੰਡ ਉਸਮਾਨਪੁਰ ਦੇ ਇੱਕ ਐਨ ਆਰ ਆਈ ਦੇ ਖਾਤੇ ਵਿੱਚੋਂ ਏ ਟੀ ਐਮ ਰਾਹੀਂ ਦੋ ਲੱਖ ਰੁਪਏ ਕਢਵਾਉਣ ਦਾ ਸਮਾਚਾਰ ਮਿਲਿਆ ਹੈ।
ਐਨ ਆਰ ਆਈ ਸੇਵਾ ਸਿੰਘ ਪੱਤਰ ਸੁਰਿੰਦਰ ਸਿੰਘ ਨੇ ਦੱਸਿਆ ਕਿ ਉਸ ਦਾ ਪੀ ਐਨ ਬੀ ਬਰਾਂਚ ਰਾਹੋਂ ਵਿਖੇ ਖਾਤਾ ਚੱਲ ਰਿਹਾ ਹੈ। ਉਸ ਨੇ ਏ ਟੀ ਐਮ ਕਾਰਡ ਬੰਦ ਹੋਣ ਕਰਕੇ ਤਿੰਨ ਮਾਰਚ ਨੂੰ ਨਵਾਂ ਏ ਟੀ ਐਮ ਜਾਰੀ ਕਰਵਾਇਆ ਸੀ। ਜਦੋਂ ਉਨ੍ਹਾਂ ਨੇ 18 ਮਾਰਚ ਨੂੰ ਐਸ ਬੀ ਆਈ ਰਾਹੋਂ ਬੱਸ ਸਟੈਂਡ ਉੱਤੇ ਏ ਟੀ ਐਮ ਤੋਂ ਪੈਸੇ ਕਢਵਾਉਣੇ ਚਾਹੇ ਤਾਂ ਨਿਕਲ ਨਹੀਂ ਰਹੇ ਸਨ। ਇਨੀ ਦੇਰ ਨੂੰ ਦੋ ਵਿਅਕਤੀ ਉਥੇ ਆਏ ਤਾਂ ਉਨ੍ਹਾਂ ਨੇ ਕਿਹਾ ਕਿ ਤੁਸੀਂ ਪੰਜ-ਪੰਜ ਹਜ਼ਾਰ ਕਰਕੇ ਕਢਵਾਓ ਤੇ ਉਸ ਨੇ ਪੰਜ-ਪੰਜ ਹਜ਼ਾਰ ਕਰਕੇ ਪੈਸੇ ਕਢਵਾ ਲਏ। ਇਸ ਤੋਂ ਬਾਅਦ ਉਨ੍ਹਾਂ ਦੇ ਖਾਤੇ ਵਿੱਚੋਂ ਲਗਾਤਾਰ 28 ਮਾਰਚ ਤੱਕ ਰੋਜ਼ਾਨਾ ਪੈਸੇ ਨਿਕਲਦੇ ਰਹੇ, ਪਰ ਇਸ ਦਾ ਓਦੋਂ ਪਤਾ ਲੱਗਾ, ਜਦੋਂ ਉਸ ਨੇ 29 ਮਾਰਚ ਨੂੰ ਪਿੰਡ ਜਾਡਲਾ ਦੇ ਏ ਟੀ ਐਮ ਵਿੱਚੋਂ ਪੈਸੇ ਕਢਵਾਉਣੇ ਚਾਹੇ, ਪਰ ਉਹ ਪੈਸੇ ਕਢਵਾਉਣ ਵਿੱਚ ਨਾਕਾਮ ਰਿਹਾ। ਆਪਣੇ ਮੋਬਾਈਲ `ਤੇ ਆਏ ਮੈਸੇਜ ਚੈਂਕ ਕੀਤੇ ਤਾਂ ਪਤਾ ਲੱਗਾ ਕਿ ਉਹ ਲੁਟਿਆ ਗਿਆ। ਉਸ ਨੇ ਆਪਣੇ ਬੈਂਕ ਪੀ ਐਨ ਬੀ ਰਾਹੋਂ ਦੇ ਬਰਾਂਚ ਮੈਨੇਜਰ ਨਾਲ ਗੱਲ ਕੀਤੀ ਤੇ ਆਪਣੇ ਖਾਤੇ ਦੀ ਸਟੇਟਮੈਂਟ ਲਈ ਤਾਂ ਪਤਾ ਲੱਗਾ ਕਿ ਉਸ ਦੇ ਖਾਤੇ ਵਿੱਚ ਦੋ ਲੱਖ ਕਢਵਾ ਲਏ ਗਏ ਹਨ। ਪੈਸੇ ਕਢਵਾਉਣ ਵਾਲਿਆਂ ਨੇ ਬਿਨਾਂ ਏ ਟੀ ਐਮ ਤੋਂ ਪੰਜਾਬ ਤੇ ਹਰਿਆਣਾ ਦੇ ਕਈ ਸ਼ਹਿਰਾਂ ਲੰਬਾ ਪਿੰਡ, ਹੰਸ ਪੁਰ ਅਰਬਨ ਸਟੇਟ ਜਲੰਧਰ, ਬਰਵਾਲਾ ਨਿਊ ਗਰੀਨ ਮਾਰਕੀਟ ਆਦਿ ਬਰਾਂਚਾਂ ਦੇ ਏ ਟੀ ਐਮ ਤੋਂ ਦੱਸ-ਦੱਸ ਹਜ਼ਾਰ ਅਤੇ ਪੰਜ-ਪੰਜ ਹਜ਼ਾਰ ਕਰਕੇ ਕਢਵਾਏ ਹੋਏ ਸਨ। ਸੇਵਾ ਸਿੰਘ ਨੇ ਇਸ ਦੀ ਸ਼ਿਕਾਇਤ ਪਹਿਲਾ ਬਰਾਂਚ ਮੈਨੇਜਰ ਤੇ ਫਿਰ ਐਸ ਐਸ ਪੀ ਸ਼ਹੀਦ ਭਗਤ ਸਿੰਘ ਨਗਰ ਨੂੰ ਦੇ ਦਿੱਤੀ ਹੈ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਹਾਈ ਕੋਰਟ ਵੱਲੋਂ ਫੈਸਲਾ: ਮਾਪਿਆਂ ਤੋਂ ਸੱਤਰ ਫੀਸਦੀ ਫੀਸ ਲੈ ਕੇ ਪ੍ਰਾਈਵੇਟ ਸਕੂਲ ਟੀਚਰਾਂ ਨੂੰ ਤਨਖਾਹਾਂ ਦੇਣ
ਵਿਦੇਸ਼ਾਂ ਵਿੱਚ ਫੈਲੇ ਕੋਰੋਨਾ ਵਾਇਰਸ ਕਾਰਨ ਪੰਜਾਬੀ ਨੌਜਵਾਨਾਂ 'ਚ ਵਿਦੇਸ਼ ਜਾਣ ਦਾ ਚਾਅ ਘਟਿਆ
ਕੈਂਡਲ ਮਾਰਚ ਕੱਢਣ ਲੱਗਾ ਸੁਖਪਾਲ ਸਿੰਘ ਖਹਿਰਾ ਗ੍ਰਿਫਤਾਰ
ਵਿਦੇਸ਼ ਤੋਂ ਮੁੜੇ ਯਾਤਰੀਆਂ ਦਾ ਪੰਜਵੇਂ ਦਿਨ ਸਵੈਬ ਟੈਸਟ ਹੋਵੇਗਾ
ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਸਰੂਪ ਅਗਨ ਭੇਟ
ਸੁਖਪਾਲ ਖਹਿਰਾ ਨੇ ਰਾਣਾ ਗੁਰਜੀਤ ਦੇ ਸ਼ਰਾਬ ਤੇ ਨਸ਼ਾ ਸਮੱਗਲਰਾਂ ਨਾਲ ਸਬੰਧਾਂ ਦਾ ਦੋਸ਼ ਲਾਇਆ
ਤੇਜ਼ ਰਫਤਾਰ ਕਾਰ ਦੀ ਟੱਕਰ ਨਾਲ ਪਤੀ-ਪਤਨੀ ਦੀ ਮੌਤ
ਅਕਾਲੀ ਆਗੂ ਦੀ ਗੋਲੀਆਂ ਮਾਰ ਕੇ ਹੱਤਿਆ, 2 ਗੰਭੀਰ ਜ਼ਖ਼ਮੀ
ਕੋਰੋਨਾ ਦੇ ਕਾਰਨ ਹੇਮਕੁੰਟ ਸਾਹਿਬ ਦੀ ਯਾਤਰਾ ਵੀ ਮੁਲਤਵੀ
ਹਾਕੀ ਸਟਾਰ ਪਦਮ ਸ੍ਰੀ ਬਲਬੀਰ ਸਿੰਘ ਸੀਨੀਅਰ ਦਾ ਪੂਰੇ ਸਰਕਾਰੀ ਸਨਮਾਨਾਂ ਨਾਲ ਸਸਕਾਰ