Welcome to Canadian Punjabi Post
Follow us on

27

May 2020
ਅੰਤਰਰਾਸ਼ਟਰੀ

ਇਟਲੀ ਦੇ ਸਿਸਲੀ ਵਿੱਚ ਖਾਣ ਪੀਣ ਦੇ ਸਾਮਾਨ ਦੀ ਲੁੱਟ ਮੱਚੀ

March 31, 2020 08:40 AM

ਪਲੇਰਮੋ, 30 ਮਾਰਚ (ਪੋਸਟ ਬਿਊਰੋ)- ਇਟਲੀ 'ਚ ਕੋਰੋਨਾ ਵਾਇਰਸ ਦੀ ਮਹਾਮਾਰੀ ਅਤੇ ਦਿਨੋ-ਦਿਨ ਖਰਾਬ ਹੁੰਦੀ ਮਾਲੀ ਹਾਲਤ ਕਾਰਨ ਲੋਕ ਖਾਣ-ਪੀਣ ਦਾ ਸਾਮਾਨ ਵੀ ਨਹੀਂ ਖਰੀਦ ਸਕੇ। ਇਸ ਕਰ ਕੇ ਸਿਸਲੀ ਦੇ ਸੁਪਰ ਮਾਰਕੀਟ 'ਚ ਸਥਾਨਕ ਲੋਕਾਂ ਨੇ ਲੁੱਟਮਾਰ ਕੀਤੀ ਜਿਸ ਤੋਂ ਬਾਅਦ ਉਥੇ ਸੁਰੱਖਿਆ ਲਈ ਲਾਠੀਆਂ ਅਤੇ ਬੰਦੂਕ ਨਾਲ ਲੈਸ ਪੁਲਸ ਮੁਲਾਜ਼ਮਾਂ ਨੂੰ ਤੈਨਾਤ ਕਰ ਦਿੱਤਾ ਗਿਆ।
ਇਸ ਦੇਸ਼ ਵਿੱਚ ਕੋਰੋਨਾ ਵਾਇਰਸ ਕਰ ਕੇ ਮਚੀ ਅਫਰਾ-ਤਫਰੀ ਦਾ ਲਾਭ ਉਠਾ ਕੇ ਮਾਫੀਆ ਵੀ ਖੁਦ ਨੂੰ ਨਵੇਂ ਸਿਰੇ ਤੋਂ ਸੰਗਠਿਤ ਕਰ ਰਿਹਾ ਹੈ, ਜੋ ਪ੍ਰਸ਼ਾਸਨ ਲਈ ਨਵੀਂ ਚੁਣੌਤੀ ਹੈ। ਲਾ ਰਿਪਬਲਿਕਾ ਅਖਬਾਰ ਅਨੁਸਾਰ ਸਥਾਨਕ ਲੋਕਾਂ ਦਾ ਇੱਕ ਗਰੁੱਪ ਪਲੇਰਮੋ ਦੀ ਸੁਪਰ ਮਾਰਕੀਟ 'ਚ ਭੁਗਤਾਨ ਕੀਤੇ ਬਗੈਰ ਸਾਮਾਨ ਲੈ ਕੇ ਭੱਜ ਗਿਆ। ਇਸ ਮੌਕੇ ਇੱਕ ਵਿਅਕਤੀ ਨੂੰ ਕੈਸ਼ੀਅਰ ਦੇ ਕਾਊਂਟਰ 'ਤੇ ਚੀਕਦੇ ਸੁਣਿਆ ਗਿਆ ਕਿ ਸਾਡੇ ਕੋਲ ਦੇਣ ਲਈ ਪੈਸੇ ਨਹੀਂ, ਪਰ ਸਾਨੂੰ ਖਾਣਾ ਚਾਹੀਦਾ ਹੈ। ਸਿਸਲੀ ਦੇ ਇੱਕ ਹੋਰ ਸ਼ਹਿਰ, ਜਿੱਥੇ ਛੋਟੀਆਂ ਦੁਕਾਨਾਂ ਨੂੰ ਖੋਲ੍ਹਣ ਦੀ ਇਜਾਜ਼ਤ ਹੈ, ਦੇ ਲੋਕਾਂ ਨੇ ਮੁਫਤ 'ਚ ਖਾਣਾ ਦੇਣ ਦਾ ਦਬਾਅ ਬਣਾਇਆ। ਅਖਬਾਰ ਨੂੰ ਇਸ ਖੇਤਰ ਦੇ ਇੰਚਾਰਜ ਮੰਤਰੀ ਗਿਊਸੇਪ ਪ੍ਰੋਵੇਨਜ਼ਾਨੋ ਨੇ ਦੱਸਿਆ ਕਿ ਇਹ ਇਲਾਕਾ ਸਮਾਜਕ ਟਾਈਮ ਬੰਬ ਬਣਦਾ ਜਾ ਰਿਹਾ ਹੈ ਅਤੇ ਡਰ ਹੈ ਕਿ ਜੇ ਹਾਲਾਤ ਇਸੇ ਤਰ੍ਹਾਂ ਰਹੇ ਤਾਂ ਸਿਹਤ, ਆਮਦਨ ਅਤੇ ਭਵਿੱਖ ਬਾਰੇ ਬਹੁਤੀ ਆਬਾਦੀ ਦੀ ਚਿੰਤਾ ਕਿਸੇ ਦਿਨ ਗੁੱਸੇ ਤੇ ਨਫਰਤ ਦਾ ਰੂਪ ਲੈ ਸਕਦੀ ਹੈ। ਆਰਥਿਕ ਖੁਫੀਆ ਇਕਾਈ ਨੇ ਦੱਸਿਆ ਕਿ ਇਟਲੀ ਦਾ ਅਰਥਚਾਰਾ ਇਸ ਸਾਲ ਸੱਤ ਫੀਸਦੀ ਤੱਕ ਸੁੰਗੜ ਸਕਦਾ ਹੈ ਅਤੇ ਇਟਲੀ 'ਚ ਲਗਭਗ 65 ਫੀਸਦੀ ਛੋਟੇ ਅਤੇ ਦਰਮਿਆਨੇ ਕਾਰੋਬਾਰ ਦਿਵਾਲੀਆ ਹੋ ਸਕਦੇ ਹਨ।

 

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਅਮਰੀਕਾ ਵਿੱਚ ਕੋਰੋਨਾ ਨਾਲ ਮੌਤਾਂ ਦੀ ਕੁੱਲ ਗਿਣਤੀ ਇੱਕ ਲੱਖ ਤੋਂ ਟੱਪੀ
ਜਾਪਾਨ ਦੇ ਪ੍ਰਧਾਨ ਮੰਤਰੀ ਸ਼ਿੰਜੋ ਐਬੇ ਨੇ ਐਮਰਜੈਂਸੀ ਖਤਮ ਕੀਤੀ
ਪਾਕਿ ਦੇ ਬਹਾਵਲਪੁਰ ਦੇ ਹਿੰਦੂਆਂ ਦੇ ਘਰਾਂ ਉੱਤੇ ਬੁਲਡੋਜ਼ਰ ਚਲਾ ਦਿੱਤੇ ਗਏ
ਕੋਰੋਨਾ ਦੇ ਕਾਰਨ ਨਿਊਜ਼ੀਲੈਂਡ ਦੇ ਵੀਜ਼ਾ ਨਿਯਮ ਸਖਤ ਹੋਏ
ਡਬਲਯੂ ਐੱਚ ਓ ਨੇ ਹਾਈਡ੍ਰਾਕਸੀਕਲੋਰੋਕਵੀਨ ਦਾ ਟਰਾਇਲ ਰੋਕ ਦਿੱਤਾ
ਬ੍ਰਿਟੇਨ ਵਿੱਚ ਗੁਰਦੁਆਰੇ ਉੱਤੇ ਹਮਲਾ ਕਰਨ ਲਈ ਪਾਕਿ ਮੂਲ ਦਾ ਦੋਸ਼ੀ ਗ੍ਰਿਫਤਾਰ
ਨੋਬਲ ਜੇਤੂ ਵਿਗਿਆਨੀ ਨੇ ਕਿਹਾ: ਲਾਕਡਾਊਨ ਦਾ ਫੈਸਲਾ ਗਲਤ, ਇਸ ਨਾਲ ਮੌਤ ਵੱਧ ਹੋਣਗੀਆਂ
ਜਨਰਲ ਬਾਜਵਾ ਕਹਿੰਦੈ: ਕਸ਼ਮੀਰ ਨੂੰ ਪਾਕਿ ਕੌਮਾਂਤਰੀ ਮੁੱਦਾ ਬਣਾਉਣ 'ਚ ਅਸਫ਼ਲ ਰਿਹਾ
ਅਮਰੀਕਾ ਨੇ 33 ਚੀਨੀ ਕੰਪਨੀਆਂ ਨੂੰ ਕਾਲੀ ਸੂਚੀ 'ਚ ਪਾਇਆ
ਥਾਈਲੈਂਡ ਦਾ ਰਾਜਕੁਮਾਰ ਜਰਮਨੀ ਵਿੱਚ ਇਕੱਲਾ ਜਿਊਣ ਵਾਸਤੇ ਮਜ਼ਬੂਰ