ਬਰੈਂਪਟਨ, 25 ਮਾਰਚ (ਪੋਸਟ ਬਿਊਰੋ) : ਸਿਟੀ ਕਾਉਂਸਲ ਨਾਲ ਗੱਲਬਾਤ ਕਰਨ ਤੋਂ ਬਾਅਦ ਅਤੇ ਸਿਟੀ ਦੀ ਐਮਰਜੰਸੀ ਮੈਨੇਜਮੈਂਟ ਟੀਮ ਦੀਆਂ ਸਿਫਾਰਿਸ਼ਾਂ ਦੇ ਮਦੇਨਜਰ ਮੇਅਰ ਪੈਟ੍ਰਿਕ ਬ੍ਰਾਊਨ ਵਲੋਂ ਬਰੈਂਪਟਨ ਵਿਚ ਸਟੇਟ ਆਫ ਐਮਰਜੰਸੀ ਐਲਾਨ ਦਿਤੀ ਗਈ। ਇਹ ਫੈਸਲਾ ਸਿਟੀ ਦੇ ਐਮਰਜੰਸੀ ਮੈਨੇਜਮੈਂਟ ਪਲੈਨ ਅਨੁਸਾਰ ਹੀ ਕੀਤਾ ਗਿਆ ਹੈ।
ਇਹ ਓਨਟਾਰੀਓ ਪ੍ਰੋਵਿੰਸ ਦਾ ਸਹਿਯੋਗ ਕਰਨ ਅਤੇ ਪੀਲ ਰੀਜਨ ਵਲੋਂ ਕੋਵਿਡ-19 ਨੂੰ ਰੋਕਣ ਲਈ ਕੀਤੀਆਂ ਜਾ ਰਹੀਆਂ ਕੋਸਿਸਾਂ ਲਈ ਅਹਿਮ ਯੋਜਨਾ ਹੈ। ਇਸ ਨਵੇਂ ਐਲਾਨ ਨਾਲ ਸਿਟੀ ਦੀਆਂ ਚਲ ਰਹੀਆਂ ਐਮਰਜੰਸੀ ਰਿਸਪਾਂਸ ਕੋਸਿਸਾਂ ਲਈ ਲਚੀਲਾਪਨ ਹੋਰ ਵਧੇਗਾ ਤੇ ਕੋਵਿਡ-19 ਦੇ ਪਸਾਰ ਨੂੰ ਰੋਕਣ ਲਈ ਰਫਤਾਰ ਵਿਚ ਵੀ ਵਾਧਾ ਹੋਵੇਗਾ।
ਸਿਟੀ ਆਫ ਬਰੈਂਪਟਨ ਵਲੋਂ ਰੋਜਮਰਾ ਦੀ ਜਿੰਦਗੀ ਵਿਚ ਕੰਮ ਆਉਣ ਵਾਲੀਆਂ ਜਰੂਰਹ ਸੇਵਾਵਾਂ, ਜਿਵੇਂ ਕਿ ਟਰਾਂਜਿਟ, ਫਾਇਰ ਤੇ ਐਮਰਜੰਸੀ ਸੇਵਾਵਾਂ, ਬਾਇ-ਲਾਅ ਐਂਡ ਐਨਫੋਰਸਮੈਂਟ ਆਦਿ ਜਾਰੀ ਰਖਣ ਵਿਚ ਮਦਦ ਮਿਲੇਗੀ। ਸਿਟੀ ਵਲੋਂ ਬਰੈਂਪਟਨ ਵਾਸੀਆਂ ਨੂੰ ਪੂਰੀ ਤਰ੍ਹਾਂ ਹਰ ਜਾਣਕਾਰੀ ਮੁਹਈਆ ਕਰਵਾਈ ਜਾ ਰਹੀ ਹੈ ਤੇ ਕੋਵਿਡ-19 ਬਾਰੇ ਸਿਟੀ ਵਲੋਂ ਕੀਤੇ ਜਾ ਰਹੇ ਕੰਮ ਦੀ ਅਪਡੇਟ ਵੀ ਸਥਾਨਕ ਵਾਸੀਆਂ ਨੂੰ ਦਿਤੀ ਜਾਵੇਗੀ।