Welcome to Canadian Punjabi Post
Follow us on

02

April 2020
ਬ੍ਰੈਕਿੰਗ ਖ਼ਬਰਾਂ :
ਲੇਬਰਫੈਡ ਵੱਲੋਂ ਮੁੱਖ ਮੰਤਰੀ ਕੋਵਿਡ ਰਾਹਤ ਫੰਡ ਲਈ 11 ਲੱਖ ਰੁਪਏ ਦਾਨ ਕੈਪਟਨ ਨੇ ਜੀ.ਐੱਸ.ਟੀ. ਦੇ ਬਕਾਏ ਤੁਰੰਤ ਜਾਰੀ ਕਰਨ ਸੰਬੰਧੀ ਪ੍ਰਧਾਨ ਮੰਤਰੀ ਨੂੰ ਲਿਖਿਆ ਪੱਤਰਓਨਟਾਰੀਓ ਵਿੱਚ ਕੋਵਿਡ-19 ਦੇ 426 ਹੋਰ ਮਾਮਲਿਆਂ ਦੀ ਹੋਈ ਪੁਸ਼ਟੀਪਸ਼ੂ ਪਾਲਕਾਂ ਨੂੰ ਸੇਵਾਵਾਂ ਪ੍ਰਦਾਨ ਕਰਨ ਲਈ ਸਾਰੇ ਪਸ਼ੂ ਹਸਪਤਾਲ ਅਤੇ ਡਿਸਪੈਂਸਰੀਆਂ ਖੁੱਲ੍ਹੀਆਂ ਰਹਿਣਗੀਆਂ : ਤ੍ਰਿਪਤ ਬਾਜਵਾਪੰਜਾਬ ਵਿੱਚ ਪਰਵਾਸੀ ਮਜ਼ਦੂਰਾਂ ਦਾ ਕੋਈ ਮਸਲਾ ਨਹੀਂ : ਕੈਪਟਨ ਅਮਰਿੰਦਰ ਸਿੰਘ ਦੋ ਬੇੜਿਆਂ ਉੱਤੇ ਫਸੇ ਕੈਨੇਡੀਅਨ ਜਲਦ ਪਹੁੰਚਣਗੇ ਘਰ : ਟਰੰਪਹੈਰਾਨ ਕਰਨ ਵਾਲੀ ਖਬਰ...!! ਭਾਰਤ ਨੇ 90 ਟਨ ਮੈਡੀਕਲ ਸਾਮਾਨ ਸਰਬੀਆ ਭੇਜਿਆ, ਜਦਕਿ ਭਾਰਤ `ਚ ਸਾਮਾਨ ਦੀ ਘਾਟ `ਚ ਡਾਕਟਰ ਹੋ ਰਹੇ ਹਨ ਕੋਰੋਨਾ ਦਾ ਸਿ਼ਕਾਰਪਦਮਸ਼੍ਰੀ ਨਾਲ ਸਨਮਾਨਿਤ ਦਰਬਾਰ ਸਾਹਿਬ ਦੇ ‘ਹਜ਼ੂਰੀ ਰਾਗੀ’ ਦੀ ਕੋਰੋਨਾ ਵਾਇਰਸ ਨਾਲ ਮੌਤ, ਫਰਵਰੀ `ਚ ਪਰਤੇ ਸਨ ਵਿਦੇਸ਼ ਤੋਂ
ਟੋਰਾਂਟੋ/ਜੀਟੀਏ

ਪੰਜਾਬੀ ਫੂਡ ਸੇਵਾ ਨੂੰ ਭਰਵਾਂ ਹੁੰਗਾਰਾ

March 24, 2020 08:06 AM

 

ਲੋੜਵੰਦਾਂ ਦੀ ਮੱਦਦ ਲਈ ਦਾਨੀ ਪਰਿਵਾਰ ਆਏ ਸਾਹਮਣੇ

ਮਿਸੀਸਾਗਾ, 23 ਮਾਰਚ (ਪੋਸਟ ਬਿਊਰੋ)- ਕੋਰੋਨਾ ਵਾਇਰਸ ਦੇ ਪ੍ਰਕੋਪ ਨੂੰ ਮੱਦੇਨਜ਼ਰ ਰੱਖਦਿਆਂ ਰੇਡੀਓ 770 ਏ.ਐਮ. ਦੇ ਹੋਸਟ ਕੁਲਵਿੰਦਰ ਛੀਨਾ, ਜਗਦੀਸ਼ ਗਰੇਵਾਲ, ਜੁਗਰਾਜ ਸਿੱਧੂ, ਸੋਢੀ ਨਾਗਰਾ, ਰਣਧੀਰ ਰਾਣਾ, ਚਰਨਜੀਤ ਬਰਾੜ ਅਤੇ ਆਰਿਫ਼ਾ ਮੁਜ਼ੱਫਰ ਦੇ ਸਹਿਯੋਗ ਸਦਕਾ ਲੋੜਵੰਦਾਂ ਦੀ ਮੱਦਦ ਕਰਨ ਲਈ ਬੀਤੇ ਵੀਰਵਾਰ ‘ਪੰਜਾਬੀ ਫੂਡ ਸੇਵਾ` ਨਾਮ ਦੀ ਸੰਸਥਾ ਹੋਂਦ `ਚ ਲਿਆਂਦੀ ਗਈ ਸੀ।ਮਹਿਕ ਰੇਡੀਓ ਤੋਂ ਜੁਗਰਾਜ ਸਿੱਧੂ ਦੀ ਮੱਦਦ ਸਦਕਾ 100 ਤੋਂ ਵੱਧ ਅੰਤਰਰਾਸ਼ਟਰੀ ਵਿਦਿਆਰਥੀ, ਯੂਥ ਅਕਾਲੀ ਦਲ ਦੇ ਵਰਕਰ ਅਤੇ ਹੋਰ ਵੱਖ-ਵੱਖ ਗਰੁੱਪਾਂ ਵਲੋਂ ਇਸ ਸੰਸਥਾ ’ਚ ਆਪਣਾ ਯੋਗਦਾਨ ਪਾਉਣ ਦਾ ਵਾਅਦਾ ਕੀਤਾ ਗਿਆ।ਬੀਤੇ ਵੀਕੈਂਡ ’ਤੇ ਕਈ ਸੈਂਕੜੇ ਪਰਿਵਾਰਾਂ ਨੂੰ ਆਟਾ, ਦਾਲ, ਚੌਲ, ਘਿਓ, ਦੁੱਧ ਆਦਿ ਵਸਤਾਂ ਲੋੜਵੰਦ ਪਰਿਵਾਰਾਂ ਨੂੰ ਪਹੁੰਚਾਈਆਂ ਗਈਆਂ।ਏਸ਼ੀਅਨ ਫੂਡ ਸੈਂਟਰ, ਸਟਾਰਲਾਈਨ ਪੇਟਿੰਗ, ਟੋਰਾਂਟੋ ਟਰੱਕ ਡਰਾਇਵਿੰਗ ਸਕੂਲ, ਜਸਵਿੰਦਰ ਢੱਡਾ, ਹਰਜੀਤ ਢੱਡਾ, ਨਿਊ ਮਿਲੇਨੀਅਮ ਟਾਇਰ ਸੈਂਟਰ, ਐਂਡੀ ਗਰੇਵਾਲ, ਐਲ.ਪੀ. ਰੂਫਿੰਗ, ਹੈਰੀ ਮੰਡੇਰ, ਸਿਮਰ ਸਿੱਧੂ, ਸੰਨੀ ਟ੍ਰੈਫਿਕ ਟਿਕਟ ਅਤੇ ਪ੍ਰੀਤ ਕਾਹਲੋਂ ਤੇ 70 ਦੇ ਕਰੀਬ ਹੋਰ ਬਿਜ਼ਨਸ ਅਦਾਰਿਆਂ ਵਲੋਂ ਮੱਦਦ ਕੀਤੀ ਗਈ।ਜਿਸ ਨੂੰ ਅੱਗੇ ਸੈਂਕੜੇ ਵਲੰਟੀਅਰਜ਼ ਨੇ ਲੋੜਵੰਦ ਪਰਿਵਾਰਾਂ ਤੱਕ ਪਹੁੰਚਦਾ ਕੀਤਾ।ਭਾਵੇਂ ਵੀਕੈਂਡ ’ਤੇ ਬਹੁਤ ਸਾਰਾ ਫੂਡ ਇਕੱਤਰ ਹੋਇਆ ਸੀ, ਪਰ ਇਹ ਨਾਲ ਦੀ ਨਾਲ ਹੀ ਲੋਕਾਂ ਤੱਕ ਪਹੁੰਚਦਾ ਰਿਹਾ।ਪੰਜਾਬੀ ਫੂਡ ਸੇਵਾ ਦੇ ਸਾਰੇ ਵਲੰਟੀਅਰਜ਼ ਵਲੋਂ ਵੀਕੈਂਡ ’ਤੇ ਵੱਖ-ਵੱਖ ਗਰੌਸਰੀ ਸਟੋਰਾਂ ਸਾਹਮਣੇ ਖੜ੍ਹ ਕੇ ਫੂਡ ਇਕੱਤਰ ਕੀਤਾ ਗਿਆ।ਪਰ ਹਾਲੇ ਵੀ ਬਹੁਤ ਸਾਰੀਆਂ ਜਰੂਰੀ ਵਸਤਾਂ ਦੀ ਜਰੂਰਤ ਹੈ।ਲੋੜਵੰਦ ਪਰਿਵਾਰਾਂ ਦੀ ਬਹੁਤਾਤ ਦੇਖਦਿਆਂ ਪੰਜਾਬੀ ਫੂਡ ਸੇਵਾ ਦੇ ਸੇਵਕਾਂ ਵਲੋਂ ਬਿਜ਼ਨਸ ਅਦਾਰਿਆਂ ਅਤੇ ਆਮ ਲੋਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਇਸ ਔਖੀ ਘੜੀ ’ਚ ਜੋ ਕੁੱਝ ਵੀ ਤੁਸੀਂ ਕਰ ਸਕਦੇ ਹੋ, ਉਹ ਸੰਸਥਾ ਤੱਕ ਪਹੁੰਚਦਾ ਕੀਤਾ ਜਾਵੇ।ਮੂਹਰਲੇ ਵੀਕੈਂਡ ’ਤੇ ਗੱਡੀਆਂ ਸਮੇਤ ਬਹੁਤ ਸਾਰੇ ਵਲੰਟੀਅਰਜ਼ ਦੀ ਵੀ ਜਰੂਰਤ ਹੈ ਤਾਂ ਕਿ ਉਹ ਲੋਕਾਂ ਨੂੰ ਘਰੋ-ਘਰੀ ਖਾਣਾ ਪਹੁੰਚਾ ਸਕਣ।ਜ਼ਿਆਦਾ ਜਾਣਕਾਰੀ ਲਈ 416-302-3600 ’ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।

Have something to say? Post your comment