ਸਮੱਗਰੀ-ਦੋ ਕੱਪ ਨਾਰੀਅਲ ਕੱਦੂਕਸ ਕੀਤਾ ਹੋਇਆ, ਇੱਕ ਵੱਡਾ ਚਮਚ ਘਿਓ, ਅੱਧਾ ਕੱਪ ਕੈਸਟਰ ਸ਼ੂਗਰ, ਇੱਕ ਚੌਥਾਈ ਕੱਪ ਦੁੱਧ, ਇੱਕ ਕੱਪ ਚਾਕਲੇਟ ਦੇ ਟੁਕੜੇ, ਇੱਕ ਚੌਥਾਈ ਕੱਪ ਕਰੀਮ, ਅੱਧਾ ਛੋਟਾ ਚਮਚ ਇਲਾਇਚੀ ਪਾਊਡਰ।
ਢੰਗ-ਘੱਟ ਅੱਗ 'ਤੇ ਕੜਾਹੀ ਨੂੰ ਗਰਮ ਕਰੋ। ਫਿਰ ਇਸ ਵਿੱਚ ਕੱਦੂਕਸ ਕੀਤਾ ਨਾਰੀਅਲ ਤੇ ਘਿਓ ਪਾ ਕੇ ਪਕਾਓ। ਅੱਗੋਂ ਇਸ ਵਿੱਚ ਦੁੱਧ ਦੇ ਨਾਲ ਕੈਸਟਰ ਸ਼ੂਗਰ ਪਾ ਕੇ ਉਦੋਂ ਤੱਕ ਪਕਾਓ, ਜਦੋਂ ਤੱਕ ਖੰਡ ਚੰਗੀ ਤਰ੍ਹਾਂ ਘੁਲ ਨਾ ਜਾਵੇ। ਇਸ ਦੌਰਾਨ ਮਾਈਕਰੋਵੇਵ ਵਿੱਚ ਇੱਕ ਬਾਉਲ ਵਿੱਚ ਚਾਕਲੇਟ ਵਿੱਚ ਕਰੀਮ ਮਿਲਾ ਕੇ ਚਾਲੀ ਸੈਕਿੰਡ ਤੱਕ ਗਰਮ ਕਰੋ। ਫਿਰ ਕੱਢ ਕੇ ਚੰਗੀ ਤਰ੍ਹਾਂ ਮਿਲਾਓ ਤਾਂ ਕਿ ਗਾੜ੍ਹਾ ਅਤੇ ਚਮਕੀਲਾ ਮਿਸ਼ਰਣ ਬਣ ਜਾਵੇ।
ਫਿਰ ਜਦੋਂ ਨਾਰੀਅਲ ਦਾ ਰੰਗ ਬਦਲਣ ਲੱਗੇ ਤਾਂ ਉਸ ਵਿੱਚ ਇਲਾਇਚੀ ਪਾਊਡਰ ਪਾ ਕੇ ਚੰਗੀ ਤਰ੍ਹਾਂ ਰਲਾ ਲਵੋ। ਫਿਰ ਮੋਲਡਸ ਉਤੇ ਘਿਓ ਪਾ ਕੇ ਉਸ 'ਤੇ ਨਾਰੀਅਲ ਦਾ ਮਿਸ਼ਰਣ ਪਾ ਕੇ ਕੱਟ ਦਬਾਓ। ਇਸ 'ਤੇ ਮਿਸ਼ਰਣ ਪਾ ਕੇ ਪੰਜ ਘੰਟੇ ਲਈ ਫਰਿੱਜ ਵਿੱਚ ਰੱਖ ਦਿਓ। ਠੰਢਾ ਹੋਣ 'ਤੇ ਟੁਕੜਿਆਂ ਵਿੱਚ ਕੱਟ ਕੇ ਪਰੋਸੋ।