ਟੋਰਾਂਟੋ, 25 ਫਰਵਰੀ (ਪੋੋਸਟ ਬਿਊਰੋ) : ਸਹਿਰ ਤੋਂ ਬਾਹਰ ਦੇ ਲਗਭਗ 5000 ਦੇ ਨੇੜੇ ਤੇੜੇ ਵਰਕਰਜ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵਲੋਂ ਅਜਿਹਾ ਪ੍ਰਸਤਾਵ ਪੇਸ ਕੀਤਾ ਗਿਆ ਹੈ ਜਿਸ ਨਾਲ ਡੀਲ ਸਿਰੇ ਚੜਨ ਦਾ ਰਾਹ ਮਿਲ ਸਕਦਾ ਹੈ।
ਕੂਪ ਲੋਕਲ 416 ਦੇ ਪ੍ਰੈਜੀਡੈਂਟ ਐਡੀ ਮੈਰੀਕੌਂਡਾ ਨੇ ਸੋਮਵਾਰ ਨੂੰ ਕੀਤੀ ਗਈ ਇਕ ਪ੍ਰੈਸ ਕਾਨਫਰੰਸ ਵਿਚ ਇਸ ਪ੍ਰਸਤਾਵ ਦੇ ਬਹੁਤੇ ਵੇਰਵੇ ਤਾਂ ਨਹੀਂ ਦਿਤੇ ਗਏ ਪਰ ਉਨ੍ਹਾਂ ਪਤਰਕਾਰਾਂ ਨੂੰ ਦਸਿਆ ਕਿ ਇਹ ਟੈਕਸਦਾਤਾਵਾਂ ਲਈ ਕਿਫਾਇਤੀ ਹੋਵੇਗਾ ਤੇ ਸਿਟੀ ਦੀਆਂ ਬਹੁਤੀਆਂ ਚਿੰਤਾਵਾਂ ਨੂੰ ਦੂਰ ਕਰ ਦੇਵੇਗਾ। ਇਹ ਪ੍ਰਸਤਵਾ ਉਸ ਸਮੇਂ ਆਇਆ ਹੈ ਜਦੋਂ 27 ਫਰਵਰੀ ਨੂੰ ਸਿਟੀ ਤੇ ਯੂਨੀਅਨ ਦੋਵੇਂ ਹੀ ਕਾਨੂੰਨੀ ਤੌਰ ਉਤੇ ਹੜਤਾਲ ਵਾਲੀ ਸਥਿਤੀ ਵਿਚ ਚਲੀਆਂ ਜਾਣਗੀਆਂ।
ਮੈਰੀਕੌਂਡਾ ਨੇ ਆਖਿਆ ਕਿ ਅਸੀਂ ਇਸ ਮਸਲੇ ਨੂੰ ਹਲ ਕਰਨਾ ਚਾਹੁੰਦੇ ਹਾਂ। ਅਸੀਂ ਹੜਤਾਲ ਨਹੀਂ ਕਰਨੀ ਚਾਹੁੰਦੇ। ਪਰ ਜੇ ਅਜਿਹਾ ਹੈ ਤਾਂ ਇਸ ਦਾ ਸਿਧਾ ਮੰਨਣਾ ਹੈ ਕਿ ਮੇਅਰ ਅਜਿਹਾ ਨਹੀਂ ਹੋਣ ਦੇਣਾ ਚਾਹੁੰਦੇ। ਸਾਡਾ ਮੰਨਣਾ ਹੈ ਕਿ ਇਸ ਡੀਲ ਲਈ ਕੋਈ ਨਾ ਕੋਈ ਰਾਹ ਤਾਂ ਜਰੂਰ ਹੈ। ਹੁਣ ਇਹ ਸਿਟੀ ਉਤੇ ਨਿਰਭਰ ਕਰਦਾ ਹੈ ਕਿ ਉਹ ਇਹ ਡੀਲ ਚਾਹੁੰਦੀ ਹੈ ਜਾਂ ਨਹੀਂ। ਸਿਟੀ ਦੀ ਬਾਰਗੇਨਿੰਗ ਕਮੇਟੀ ਦੇ ਚੇਅਰ ਕਾਉਂਸਲਰ ਡੈਨਜਿਲ ਮਿਨਾਨ ਵੌਂਗ ਇਸ ਤੋਂ ਪਹਿਲਾਂ ਸਿਟੀ ਵਰਕਰਜ ਦੀ ਨੁਮਾਇੰਦਗੀ ਕਰਨ ਵਾਲੀਆਂ ਯੂਨੀਅਨਾਂ ਨੂੰ ਦੋਸੀ ਠਹਿਰਾ ਚੁਕੇ ਹਨ।
ਇਸ ਪ੍ਰਬੰਧ ਵਿਚ ਆਖਿਆ ਗਿਆ ਹੈ ਕਿ ਕਿਸੇ ਵੀ ਕਰਮਚਾਰੀ, ਜਿਸ ਕੋਲ 15 ਸਾਲ ਦਾ ਕੰਮ ਦਾ ਤਜਰਬਾ ਹੈ ਉਸ ਦੀ ਨੌਕਰੀ ਕਾਂਟਰੈਕਟਿੰਗ ਜਾਂ ਨਿਜੀਕਰਨ ਕਾਰਨ ਨਹੀਂ ਖੁਸ ਸਕਦੀ।