ਚੰਡੀਗੜ੍ਹ, 21 ਫਰਵਰੀ (ਪੋਸਟ ਬਿਊਰੋ): ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਗੋਆ ਲਈ ਵੀਰਵਾਰ ਤੋਂ ਫਲਾਇਟ ਸ਼ੁਰੂ ਕੀਤੀ ਗਈ ਹੈ। ਜਿਸ ਦੀ ਪਹਿਲ ਇੰਡੀਗੋ ਨੇ ਕੀਤੀ ਹੈ। ਚੰਡੀਗੜ੍ਹ ਏਅਰਪੋਰਟ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਅਜੈ ਕੁਮਾਰ ਸਮੇਤ ਹੋਰ ਅਧਿਕਾਰੀਆਂ ਜਿਵੇਂ ਕਿ ਸੰਜੀਵ ਅਨੰਦ ਡਿਪਟੀ ਜਨਰਲ ਮੈਨੇਜਰ (ਵਣਜ), ਕੇਂਦਰੀ ਉਦਯੋਗਿਕ ਸੁਰੱਖਿਆ ਬਲ ਦੇ ਡਿਪਟੀ ਕਮਾਂਡੈਂਟ ਅਤੇ ਸ੍ਰੀ ਮਨੀਸ਼ ਮਹਿਤਾ, ਸਟੇਸ਼ਨ ਮੈਨੇਜਰ ਇੰਡੀਗੋ ਨੇ ਪਹਿਲੀ ਫਲਾਇਟ 'ਚ ਜਾਣ ਵਾਲੇ ਬੱਚਿਆਂ ਅਤੇ ਯਾਤਰੀਆਂ ਨੂੰ ਤੋਹਫ਼ੇ ਦੇ ਕੇ ਫਲਾਈਟ ਨੂੰ ਗੋਆ ਲਈ ਰਵਾਨਾ ਕੀਤਾ। ਇੰਡੀਗੋ ਦੀ ਏ -320 ਏਅਰਬੱਸ ਸਵੇਰੇ 20:10 ਵਜੇ ਰਵਾਨਾ ਹੋਈ ਅਤੇ ਪਹਿਲੇ ਦਿਨ ਫਲਾਇਟ 'ਚ 170 ਯਾਤਰੀ ਰਵਾਨਾ ਹੋਏ। ਜਿਸ ਤੋਂ ਬਾਅਦ ਇਹੀ ਫਲਾਇਟ ਸਵੇਰੇ ਦਸ ਵਜੇ ਵਾਪਿਸ ਗੋਆ ਤੋਂ ਚੰਡੀਗੜ੍ਹ ਆਈ। ਇਸ ਫਲਾਈਟ ਦੇ ਸ਼ੁਰੂ ਹੋਣ ਨਾਲ ਗੋਆ ਜਾਣ ਵਾਲੇ ਯਾਤਰੀਆਂ 'ਚ ਭਾਰੀ ਉਤਸਾਹ ਦੇਖਿਆ ਗਿਆ।ਇਸ ਤੋਂ ਇਲਾਵਾ ਇੰਡੀਗੋ ਏਅਰਲਾਈਨਜ਼ 05 ਮਾਰਚ ਤੋਂ ਪਟਨਾ ਅਤੇ ਲਖਨਊ ਲਈ ਵੀ ਸਿੱਧੀ ਉਡਾਣ ਦੀ ਸ਼ੁਰੂਆਤ ਕਰ ਰਿਹਾ ਹੈ।